Chiyambo 14:8 - Tonga Bible 1986

⁸ Sono karonga wa Sodomu, karonga wa Gomora, karonga wa Adama, karonga wa Zeboyimi, ndi karonga wa Bela (yo ndi Zoara) wanguruta, ndipo wangusere pa nkhondo mu dambo la Sidimi,

Chiyambo 14:8 Referans Kwoze

Chiyambo 19:22

Tinthimika, thaŵiya kwenikuwa; pakuti ndingachita kanthu cha mpaka po iwe wafika kuwa.” Chifukwa cho msumba wo ungudanika Zoara.

Chiyambo 19:20

Awonani msumba uwa we pafupidi kuthaŵiyako, ndipo ngumanavi. Ndizomerezgeni kuthaŵiya kwaku wo si ngumanavi? Ndipo umoyo wangu ukataskikanga!”

Chiyambo 13:10

Ndipo Lote wangulereska ndi wanguwona kuti dambo la Yordane lenga ndi maji ghakukwana kosekose uli ndi munda wa Ambuya, uli ndi charu cha Egipiti; pakuza ku Zoara; yapa ndipo Ambuya ŵenga ŵandanange Sodomu ndi Gomora.

Chiyambo 14:10

Sono mu dambo la Sidimi munguŵa vibokuboku vya maziu; ndipo ŵachithaŵa ŵakaronga ŵa Sodomu ndi Gomora, ŵanyake ŵaku wo ŵanguwa mwaku vyo, ndipo wo ŵangujapo ŵanguthaŵiya ku phiri.

Chiyambo 10:19

Ndipo charu cha ŵaKanani chingurutiriya Kwamba ku Sidoni mu mtunda wa Gerara, kufika mpaka ku Gaza, kulazga ku Sodomu, Gomora, Adama, ndi Zeboyimi kwachifika ku Lasha.

Chiyambo 14:9

ndi Kedorolomere karonga wa Elama, Tidala karonga wa Goyimi. Amarafele karonga wa Shinara, ndi Arioko karonga wa Elasara; ŵakaronga ŵanayi kurwana ndi ŵankhonde.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.