Chiyambo 14:20 - Tonga Bible 1986

²⁰ ndi watumbikike Chiuta Wapachanya Limu mweniyo wapereka ŵarwani ŵako mu janja lako.” Ndipo Abramu wangupaska iyo cha chichumi cha mu vinthu vyose.

Chiyambo 14:20 Referans Kwoze

Chiyambo 28:22

Ndipo mwa uwu, weniwo ndamika kuŵa chichiri, ukaŵanga nyumba yaku Chiuta; ndi kwaku vyose vyenivyo mukandipaskanga ndikapaskanga cha chichumi kwinu.”

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Luka 18:12

Ndifunga kaŵi mu sabata; ndipaskaku chakuchumikiya chaku vyose vyenivyo nditanduwa.’

Chiyambo 24:27

ndipo wanguti, “Watumbikike Ambuya, Chiuta wa mbuya wangu Abrahamu, mweniyo walivi kureka chanju chake cha wezi ndi ukongorekwa wake pa mbuya wangu. Ndipo ine, Ambuya andilongozga mu nthowa kuya ku nyumba ya ŵabali ŵa mbuya wangu.”

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

ŴaRoma 15:16

kuti ndiŵe ine mumirizi waku Kristu Yesu ku ŵaMitundu, wakuteŵete evangeli waku Chiuta, viyo kuti ŵaMitundu nawo ŵaŵenge mpasku wamarondeka, pakupaturiskikiya ndi Mzimu ŵakupaturika.

Malaki 3:8

Kumbi munthu wangamubiya Chiuta? Ndipuuli, mutindibiya. Kweni mutiti, ‘Tikubiyani uli?’ Pakupereka vyachichumi vinu, ndi pakupaska mpasku winu wambura kwenere.

Amosi 4:4

“Zani ku Betele, muzachilakwa; ndipo ku Gilgala, mwandaniske maulakwi; zani ndi sembe zinu, mlenji we wose, ndi vigaŵa vya chichumi paziŵa le lose la chitatu;

Sumu 144:1

Atumbikike Ambuya, jarawi langu wo atindisambizga kurwa nkhondo, ndi minwe yangu kupota homwa.

Sumu 68:19

Tumbikani Ambuya, wo apinga mphingu zidu zuŵa ndi zuŵa; ndi Chiuta yo watititaska.

Sumu 44:3

chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

Nehemiya 13:12

Sono ŵaYuda wose ŵanguza ndi vya chichumi vya kurgha, vinyo, ndi mafuta mu nyumba zambiku.

Nehemiya 10:37

ndi kuza ndi mabulunga ghidu ghakudanga gha ufwa wakukanya, ndi mipasku yidu, chipasi cha muti we wose, vinyo ndi mafuta ku ŵazukuru, kuvipinda vya nyumba yaku Chiuta widu, ndi kutole ku ŵaLevi vya chichumi vya nyata yidu, pakuti mba Levi ŵeniwo ŵalonde vya chichumi mu mizi yidu yose zingirizgi.

2 Mikoka 31:12

Ŵanguza nayo mithulu kwamagomekezgeka, vyachichumi ndi vinthu vyakupaturika. Wakulamula mura waku vyo wenga Konaniya muLevi. Simeyi mbali wake, wenga wachiŵi;

Yoswa 10:42

Yoswa wanguto ŵakaronga yaŵa wose ndi charu chawo pa nyengo yimoza, chifukwa Ambuya Chiuta waku Yisraele wangurwiya Yisraele.

Marangu 14:28

“Pa umari wa chirimika chose cha chitatu mukazanga navyo vyachichumi vyose vya mbeu yinu chirimika chenicho, ndikuviŵika umampha mukati mwa mizi yinu,

Marangu 14:23

Ndipo murghe panthazi pa Ambuya Chiuta winu mu malo ghenigho ŵakasankhanga ndi kuŵikamu zina lake. Mukarghanga chachichumi cha trigu winu, cha vinyo winu, ndi cha mafuta ghinu, ndi ŵana ŵakudanga ŵa ng'ombe zinu, mberere, ndi mbuzi; kuti musambire kopa Ambuya Chiuta winu mazuŵa ghose.

Marangu 12:17

Mungarghiyanga mu mizi yinu chachichumi cha trigu winu, chingana ncha vinyo winu, chingana ncha mafuta ghinu, chingana ncha ng'ombe zinu zakudanga kupapika, chingana ncha mberere zinu zakudanga kupapika chingana ndi mpasku winu wose wamarapu gho murapa, chingana ndi sembe zinu za kupereka.

Maŵerengedu 28:26

“Pa zuŵa la vipasi vyakudanga, po mupereka mpasku wa ufwa wa mbeu yifya ku Ambuya pa madghera ghinu gha masabata, mukaŵanga ndi unganu wakupaturika; mungachitanga nchitu ya mazuŵa ghose cha.

Chiyambo 9:26

Wangukamba so, “Watumbikike Shemu ndi Ambuya Chiuta wangu; ndipo Kanani waŵe muŵanda wake.

Chiyambo 14:21

Ndipo karonga wa Sodomu wanguti kwaku Abramu, “Undipaske ine ŵanthu kweni ujitole vyuma.”

Chituwa 18:10

Ndipo Yetero wanguti, “Atumbikike Ambuya, wo akupozomoskani ku janja laŵa Egipiti ndi ku janja laku Farao.

Chiyambo 47:24

Ndipo pakuvuna mukapaskanga chigaŵa cha chinkhonde kwaku Farao ndipo vigaŵa vinayi vikaŵanga vinu, kuŵa mbeu yamu minda ndi kurgha kwaku mwaŵeni ndi ŵamu nyumba zinu, ndipo kuŵa chakurgha cha malitema ghinu.”

Chiyambo 47:26

Viyo Yosefe wanguchita dangu lapa charu cha Egipiti ndipo lichalipo mpaka msana wale, kuti Farao wapaskike chigaŵa chachinkhonde; charu cha ŵazukuru pe kuti chinguŵa chaku Farao cha.

2 Samuele 18:28

Sono Ahimazi wangubongore karonga, “Chimangu.” Ndipo wangukotama paurongo pa karonga wangumlambiya, wanguti, “Ŵatumbikike Ambuya Chiuta winu, yo wapereka ŵanthu wo ŵangusoske janja lawo pa mbuyangu karonga.”