Chiyambo 14:19 - Tonga Bible 1986

¹⁹ Ndipo wangumutumbika ndiwanguti, “Watumbikike Abramu ndi Chiuta Wapachanya Limu, Mlengi wa Kuchanya ndi pasi;

Chiyambo 14:19 Referans Kwoze

Chiyambo 14:22

Kweni Abramu wanguti ku karonga wa Sodomu, “Ndarapa ku Ambuya Chiuta Wapachanya Limu, Mlengi wa kuchanya ndi pasi,

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

ŴaEfeso 1:6

kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo.

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Sumu 24:1

Nchaku Chiuta charu chapasi ndi uzari wake, charu ndi wo ŵajamo;

Ruti 3:10

Wanguti, “Ambuya akutumbike mwana wangu; wezi wakumariya uwu wachita ngukuru kuruska wakudanga mwakuti wapenja ŵanyamata cha, manyi mbasauchi manyi mbasambasi.

Machitidu gha Ŵakutumika 16:17

Ndiyo wangurondo Paulo ndi ifwe, ndi wangukambura kuti, “Yaŵa ŵanthu mbateŵeti ŵaku Chiuta Wapachanya limu, wo ŵakutauliyani nthowa ya utaski.”

Luka 10:21

Mu ora leniliya Yesu wangukondwere mu Mzimu Wakupaturika, ndipo wanguti, “Ndikurumbani, Ada, Mbuya wa kuchanya ndi panupasi, kuti mungubisa vyenivi ku ŵazeru ndi ŵakawamo ndi munguvivumbuliya ku malitema: inya, Ada, pakuti viyo kunguŵa kwakukondweska paurongo pinu.

Mika 6:6

“Nkhazanga ndi chine pa maso pa Ambuya, ndi kusindama pa maso paku Chiuta wa pachanya paku vyose? Kumbi nkhazanga pa maso pake ndi sembe yakocha, ndimatholi gha chirimika chimoza? Kumbi Ambuya akakondwanga ndi vikwi vya ŵana ŵa mberere ŵanthurumi, ndi vikwi chumi (10,000) vya misinji ya mafuta?

Sumu 115:16

Kuchanya nkhuchanya kwa Ambuya, Kweni charu chapasi akupaska ku ŵana ŵa ŵanthu.

2 Samuele 2:5

Davidi wangutuma methenga ku ŵanthu ŵaku Yabeshe-Gileada, wanguti, “Mutumbikike ndi Ambuya, chifukwa mungurongo muvwiyu uwu kwaku Sauli mbuyamwe, mungumuŵika!

Chiyambo 49:28

Wose yaŵa ndiwo mitundu chumi ndi yiŵi yaku Yisraele; ndipo ichi ndicho wangukamba uskeu kwaku wo wachiŵatumbika wachitumbika yumoza ndi yumoza ndi chitumbiku chakumwenere.

Chiyambo 47:10

Ndipo Yakobe wangutumbika Farao ndipo wangutuwako ku maso ghaku Farao.

Chiyambo 47:7

Viyo Yosefe wanguza ndi Yakobe awiske kwaku Farao, ndipo Yakobe wangutumbika Farao.

Chiyambo 27:4

ndipo undirongosole kurgha kwakununkhira, ulaka ndiko nditanja, ndipo uze nako kwangu kuti ndirghe; alinga ndikutumbike ndenga ndindafwe.”

Marko 10:16

Ndipo wangutupakata, ndi wangututumbika ndi kuŵika paku to manja ghake.

Sumu 50:10

Pakuti nyama yose ya mu dondo njangu, ng'ombe zamu mapiri chikwi.

Chiyambo 24:3

ndipo ndikakurapiskanga mu Ambuya, Chiuta wa kuchanya ndi wa charu chapasi, kuti ukamutoliyanga munthukazi mwana wangu mu ŵana ŵanthukazi ŵa ŵaKanani cha, ŵeniwo ine ndija mukati mwawo,

1 Samuele 15:13

Ndipo Samuele wanguza kwaku Sauli; Sauli wangunena nayo, “Ambuya akutumbikeni imwe; ndafiska dangu la Ambuya.”

Marangu 10:14

Nadi machanya gha kuchanya, charu chapasi ndi vyose vyo vye mwenimo ndi vyo vya Ambuya Chiuta winu.

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

2 Mikoka 31:8

Penipo karonga Hezekiya ndi mafumu ghake ŵanguza kuzachiwona zindundu, ŵanguthamika Ambuya ndi ŵanthu ŵawo ŵaYisraele,

Sumu 115:15

Mutumbikike ndi Ambuya akwata malo gha kuchanya ndi charu chapasi!