Chiyambo 14:10 - Tonga Bible 1986

¹⁰ Sono mu dambo la Sidimi munguŵa vibokuboku vya maziu; ndipo ŵachithaŵa ŵakaronga ŵa Sodomu ndi Gomora, ŵanyake ŵaku wo ŵanguwa mwaku vyo, ndipo wo ŵangujapo ŵanguthaŵiya ku phiri.

Chiyambo 14:10 Referans Kwoze

Chiyambo 19:17

Ndipo ŵanguti ŵaŵatuzga, ŵanguti. “Thaŵani pozomoskani umoyo winu: mungalereskanga kuvuli cha chingana nkhuma kose mu dambo mo; thaŵiyani ku mapiri, vinu mungafya.”

Chiyambo 19:30

Sono Lote wangukwera kutuwamo mu Zoara, ndipo wanguja mu mapiri pamoza ndi ŵana ŵake ŵanthukazi ŵaŵi: pakuti wangopa kuja mu Zoara; viyo wajanga mu mphanji ndi ŵana ŵake ŵanthukazi ŵaŵi.

Yeremiya 48:44

Yo wathaŵa ku mantha, wakawanga muzenje, ndipo yo wakwera kutuwa mu zenje wakawiranga mu chiŵana. Pakuti ndikatolenga vinthu ivi paku Moabu mu chirimika cha kulangika kwawo, atiti Ambuya.

Yesaya 24:18

Mweniyo wathaŵa pakuvwa mazu gha chofyu wakawanga mu zenje lo, ndipo yo wakwera kutuwa mu zenje wakawilanga mu chiŵana. Pakuti mudangazi gha kuchanya ghajurika, viŵanja vyacharu chapasi vinjenjeme.

Chiyambo 11:3

Ndipo ŵangunenerana, “Tiyeni tiumbe ncherwa, ndipo tizoche weniukongwa.” Ndipo ŵenga ndi ncherwa mu malo gha mwa, ndi maziu mu malo gha dongo.

Sumu 83:10

wo ŵanguthereskeka pa Endoro, ŵeniwo vitanda vyawo vinguŵa vundira pa charu.

Yoswa 8:24

ŴaYisraele ŵangumara kubaya wose ŵakuja mu Ai ndi ku bozwa ko ŵanguŵandondoloska, wose ŵangufwa kwambura nanga njumoza wakutaskika, pavuli ŵaYisraele wose ŵanguwere ku Ai, ndipo ŵangumara kubaya wose ndi lipanga.

Chiyambo 14:3

Ndipo wose yaŵa ŵangusazgana maŵanja mu dambo la Sidimi (yo ndi nyanja ya mche).

Chiyambo 14:9

ndi Kedorolomere karonga wa Elama, Tidala karonga wa Goyimi. Amarafele karonga wa Shinara, ndi Arioko karonga wa Elasara; ŵakaronga ŵanayi kurwana ndi ŵankhonde.

Chiyambo 14:11

Viyo ŵarwani ŵawo ŵanguyora vyuma vyose vya mu Sodomu ndi Gomora, ndi chakurgha chawo chose ndi ŵanguruta;

Chiyambo 14:17

Pavuli wati waweko kukuthereska Kedorolomere ndi ŵakaronga wo ŵenga nayo, karonga wa Sodomu wangutuwa kwachikumana nayo pa dambo la Shave (lo ndi dambo la karonga).

Chiyambo 14:21

Ndipo karonga wa Sodomu wanguti kwaku Abramu, “Undipaske ine ŵanthu kweni ujitole vyuma.”