Chiyambo 13:18 - Tonga Bible 1986

¹⁸ Viyo Abramu wangutuzgapo hema lake ndi wanguza ndi wanguja pafupi ndi miti ya misolo yamu Mamre, yeniyo yemu Hebroni, ndipo penipa wanguzenga jochero ku Ambuya.

Chiyambo 13:18 Referans Kwoze

Chiyambo 35:27

Ndipo Yakobe wanguza ku wiske Yisaki pa Mamre pamwenga Kiriatarba (yo ndi Hebroni), penipo Abrahamu ndi Yisaki ŵanguja.

Chiyambo 18:1

Ndipo Ambuya angumuwoneke pafupi ndi miti ya msolo ya pa Mamre, wanguti waja pa khomo la hema lake mu chifundizi cha msana.

Chiyambo 14:13

Sono yo wangupozomokapo wanguza, ndi wangunene Abramu muHebere yo, mweniyo wajanga pafupi ndi miti ya misolo yaku Mamre mu Amori, mwana munyake waku Esekolo ndi waku Anere; yaŵa ndi wo ŵenga ŵakupangana ndi Abramu.

Chiyambo 8:20

Pavuli Nowa wanguzenge Ambuya jochero lakochiyapo mpasku, ndipo wanguto nyama yose yakuphotoka ndi chiyuni chose chakuphotoka ndi wangupaska mpasku wakocha pa jochero lo.

Sumu 16:8

Nyengo zose ndiŵika Ambuya paurongo pangu, kuti nkhasukuniskikanga cha, chifukwa we pafupi nane.

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.

Maŵerengedu 13:22

Ndipo ŵangufika ku charu chaku mwela, ŵangufika ku Hebroni; kweniko ŵenga Ahimana, Sesai, ndi Talmai ŵa mphapu yaku Anaka. (Hebroni wanguzengeka virimika vinkhonde ndi viŵi wenga wandazengeke Zoani mu Egipiti).

Chiyambo 37:14

Viyo wanguti kwaku iyo, “Rutanga sono, ukawone vinu ŵe umampha ŵana ŵanyako ndi viŵetu viyo.” Viyo wangumutumiya pa dambo la Hebroni, ndipo wanguza ku Shekemu.

Chiyambo 13:4

ku malo ghenigho wanguzengako jochero pakudanga; ndipo penipo Abramu wanguromba Ambuya.

Yoswa 14:13

Viyo Yoswa wangumutumbika ndipo wangupaska Hebroni kwaku Kalebe mwana waku Yefuni nge nchihara.

Chiyambo 23:2

Ndipo Sara wangufwa pa Kiriatarba (yo ndi Hebroni) mu charu cha Kanani; ndipo Abrahamu wanguseremo kwachitenjere Sara ndi kumuliya.

ŴaHebere 11:9

Ndi chivwanu wangutandara ku charu cho cha phanganu, ulaka nchilendo, wakuja mu mahema, pamoza ndi Yisaki ndi Yakobe, ŵakuhariya pamoza nayo phanganu lenilo;

Chiyambo 22:9

Penipo wanguza pa malo ghenigho Chiuta wangumunene, Abrahamu wanguzengapo jochero penipa, ndipo wanguyalikapo nkhuni umampha-umampha, ndi wangumanga Yisaki mwana wake, ndi wangumularika pa jochero pa nkhuni pachanya.

Chiyambo 26:25

Viyo wanguzengapo jochero penipa ndi wanguromba Ambuya, ndi wangujintha hema lake penipa. Ndipo pa ŵaŵanda ŵaku Yisaki ŵangukumbapo chisima.

Yoswa 15:13

Kwakuyana ndi langulu la Ambuya kwaku Yoswa, wangupaska Kalebe mwana waku Yefuni chigaŵa mu ŵaYuda, Kiriata-araba, yo ndi Hebroni (Arba wenga wiske waku Anaki).

2 Samuele 2:1

Pavuli paku ichi Davidi wangufumbiya ku Ambuya, “Kumbi ndingakweriyako kwe kose mu misumba yaku Yuda?” Ambuya angunena nayo, “Rutanga.” Davidi wanguti, “Ndikwere ku muzi nuwu?” Ambuya anguti, “Ku Hebroni.”