Chiyambo 13:14 - Tonga Bible 1986

¹⁴ Pavuli Ambuya anguti kwaku Abramu, wati wajipatuwako Lote, “Ulereske kuturiya pa malo ghenigho ulipo, ku nkhonde, ku malaŵi, ku zambwe, ndi ku vuma;

Chiyambo 13:14 Referans Kwoze

Yesaya 49:18

Soska maso ghako kwakuzunguliya ndi wona; wose ŵawungana, ŵatuza kwaku iwe. Ndichiŵa wamoyo, atiti Ambuya, ukaŵavwaranga wose uli nchinozgeru, ukajimangiliyanga nawo uli ndimo wachitiya munthukazi wa nthengwa.

Marangu 3:27

Kwera pachanya pa Pisiga, ndi uchiwone ndi maso ghako. Chifukwa kuti wamukwambuka cha Yordane uyu.

Yesaya 60:4

Soska maso ghako kwakuzunguliya ndi wona; wose ŵawungana pamoza, ŵatuza kwako; ŵana ŵako ŵanthurumi ŵakatuwanga kutali, ndipo ŵana ŵako ŵanthukazi ŵakanyamulikanga mu manja.

Chiyambo 28:14

ndipo mphapu yako yikawanga uli ndi fuvu lapa charu, ndipo mukasapatiyanga kutali ku zambwe ndi ku vuma ndi ku nkhonde ndi ku mwera; ndipo mwaku iwe ndi mphapu yako mitundu yose ya pano pasi yitumbikikenge.

Chiyambo 13:10

Ndipo Lote wangulereska ndi wanguwona kuti dambo la Yordane lenga ndi maji ghakukwana kosekose uli ndi munda wa Ambuya, uli ndi charu cha Egipiti; pakuza ku Zoara; yapa ndipo Ambuya ŵenga ŵandanange Sodomu ndi Gomora.

Marangu 34:1

Ndipo Mosese wangukwera kutuwa ku madambo ghaku Moabu kuya ku phiri Nebo, pachanya pa Pisiga lo lithyana ndi Yeriko, ndipo Ambuya angumurongo charu chose, Gileada kwachifika kwaku Dani,