Chiyambo 13:13 - Tonga Bible 1986

¹³ Sono ŵanthu ŵamu Sodomu ŵenga ŵaheni, ŵakulakwiya Ambuya weni ukongwa.

Chiyambo 13:13 Referans Kwoze

2 Petro 2:10

kweni ukongwa wo mbakwende mu nyama mu ulakalaka wa ukazuzi, ndi mbakuyuyuwa mtufu. Ŵachiganga wo, ŵakajivwiyi, ŵalive chitenthe ŵachinanga pa vyaunkhankhu:

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.

ŴaRoma 1:27

Kwakulingana so ŵanthurumi nawo, ŵangureka kachitiro kakawi ka ŵanthukazi, ndipo ŵanguzazika ndimakhumbo ghawo, ŵanthurumi ku ŵanthurumi ŵakuchitiyana chamwikhu, ndi ŵakujirondere mphotu ya ubudi wawo yeniyo yaŵenerenga.

Yeremiya 23:24

Kumbi munthu wangajibisa mu malo ghakubisika kuti ine nditondeke kumuwona? atiti Ambuya. Asi ine ndizaza kuchanya ndi charu chapasi? atiti Ambuya.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Chiyambo 18:20

Viyo Ambuya anguti, “Chifukwa chakuti nkhuta pa Sodomu ndi Gomora njikuru, ndipo mphurupuru yawo njizitu ukongwa,

Yohane 9:31

Tiziŵa kuti Chiuta wareka kuvwa ŵalakwi; kweni asani yumoza ndi muwopa Chiuta, ndi wachita khumbo lake, watumuvwa mweniyo.

Mateyu 9:10

Ndipo kunguŵapo, wachija pa kurgha mu nyumba yo, ŵakusonkheska msonkho ŵanandi ndi ŵakulakwa wanguza ndi ŵanguteka pasi pamoza ndi Yesu ndi ŵasambizi ŵake.

Yesaya 1:9

Asani Ambuya ŵa maŵanja ŵengavi kutisiyiyapo ŵakujapo ŵamanavi, mphanyi tinguŵa nge ndi Sodomu; ndi kusanduka nge ndi Gomora.

2 ŴaKaronga 21:6

Ndipo wangocha mwana wake uli ndi mpasku, ndipo so wachitanga uchanusi ndi kombeza, wanguwukwa ku viŵanda ndi ufwiti. Wanguchita viheni vinandi mu maso gha Ambuya, kuŵasosomole ku ukari.

1 Samuele 15:18

Ndipo Ambuya angukutuma, kuti, ‘Ruta, ukapasuliye limu teteti ŵanthu ŵaheni wo, Amaleke, urwani nawo mpaka po ŵamara.’

Chiyambo 38:7

Kweni Ere waumwali waku Yuda, wenga muheni mu maso gha Ambuya; ndipo Ambuya angumubaya.

Chiyambo 15:16

Ndipo ŵazamuwere kuno mu mgonezi wa chinayi; pakuti ubendezi wa Amori wenga undafiskike.”

Chiyambo 10:9

Wenga chiŵinda wakulimba paurongo pa Ambuya; chifukwa cho kuneneka “Uli ndi Nimirode chiŵinda wakulimba paurongo pa Ambuya.”

Chiyambo 6:11

Sono charu chinguwo mu maso ghaku Chiuta, ndi charu chinguzaza ndi ukari.

Yohane 9:24

Viyo ŵangumdana kachiŵi munthu yo wenga wachiburumutiya, ndipo ŵangunena nayo, “Paska unkhankhu kwaku Chiuta: ifwe tiziŵa kuti munthu yo ndi mlakwi.”

Chiyambo 39:9

iyo kuti ngwakuruska ine cha mu nyumba iyi; ndipo walivi ko wasiyapo kwaku ine kweni iwe pe, chifukwa we muwoli wake, na chifukwa nchine chakuti ndingachitiya uheni ukuru uwu, ndi kulakwiya Chiuta?”

Maŵerengedu 32:23

Kweni asani kuti mukachitanga viyo cha, ehe, mwalakwiya Ambuya; ndipo muŵe ŵaneneska kuti ulakwi winu ukamusaniyaninga.

Chiyambo 19:13

pakuti te pafupi kuparghang'a malo yagha, chifukwa nkhuta yapa ŵanthu ŵake yaŵa yikuru paurongo pa Ambuya, ndipo Ambuya atituma ifwe kuzachighaparghang'a.”

1 Samuele 2:17

Chifukwa ichi uheni wa ŵanyamata yaŵa wenga ukuru mu maso gha Ambuya, pakuti ŵangupereka sembe ya Ambuya munthowa yambura kwenere.

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”