Chiyambo 13:11 - Tonga Bible 1986

¹¹ Viyo Lote wangujisankhiya dambo lose la Yordane kurata ku vuma; viyo ŵangupatukana uyu ku munyake.

Chiyambo 13:11 Referans Kwoze

Chiyambo 13:9

Kumbi charu cho chose kuti che paurongo pako cha? Patukana nane. Asani ukatonga kuchiri ku maze, ine ndikayanga ku marghe; pamwenga asani ukatonga ku marghe, iku ine ndikayanga ku maze.”

1 Petro 2:17

Mutumbikenge wose. Mwanjenge ubali wo. Mopenge Chiuta. Mutumbikeni karonga.

ŴaHebere 10:25

kwambura kujowo unganu waku taŵeni, uli nkharusu ka ŵanyake, kweni ŵakuchiskana; ndipo ukongwa viŵi po muwona kuti zuŵa lo liŵandika.

Nthanthi 27:10

Bwezi laku ndi bwezi la ausu ungaŵarekanga; ndipo ungayanga ku nyumba ya mwana munyake mu zuŵa la suzgu. Wamamphaku ndi mzengezgani mweniyo we'pafupi kuruska mwana munyako mweniyo we patali.

Sumu 119:63

Nde bwezi laku wose wo ŵatopa imwe; laku wose wo ŵavwiya marangu ghinu.

Sumu 16:3

Nge nkhu ŵatuŵa mu charu, mbakuzirwa, likondwa langu lose le mwaku iwo.

Chiyambo 13:14

Pavuli Ambuya anguti kwaku Abramu, wati wajipatuwako Lote, “Ulereske kuturiya pa malo ghenigho ulipo, ku nkhonde, ku malaŵi, ku zambwe, ndi ku vuma;

Chiyambo 19:17

Ndipo ŵanguti ŵaŵatuzga, ŵanguti. “Thaŵani pozomoskani umoyo winu: mungalereskanga kuvuli cha chingana nkhuma kose mu dambo mo; thaŵiyani ku mapiri, vinu mungafya.”

Chiyambo 13:10

Ndipo Lote wangulereska ndi wanguwona kuti dambo la Yordane lenga ndi maji ghakukwana kosekose uli ndi munda wa Ambuya, uli ndi charu cha Egipiti; pakuza ku Zoara; yapa ndipo Ambuya ŵenga ŵandanange Sodomu ndi Gomora.

Chiyambo 13:12

Abramu wanguja mu charu cha Kanani penipo Lote wanguja mu msumba wa dambo lo ndi wangunderezga hema lake mpaka ku Sodomu.

Ezekiele 47:18

“Kuchiri ku vuma, mphaka yikatuwanga ku Hazarenoni pakati pa Haurani ndi Damasko; mumphepeti mwa Yordane pakati pa Gileada ndi charu cha Yisraele; ku nyanja yaku vuma kurutiliya ku Tamara. Uku nkhuchiri ku vuma.