Chiyambo 12:5 - Tonga Bible 1986

⁵ Ndipo Abramu wanguto Sarai muwoli wake, ndi Lote mwana munthurumi wa mhurwa wake, ndi usambasi wawo wose weniwo ŵangusambasa, ndi ŵanthu wo ŵanguŵa nawo mu Harani; ndipo ŵangusoka kuruta ku charu cho cha Kanani. Penipo ŵangufika mu charu cha Kakani,

Chiyambo 12:5 Referans Kwoze

Chiyambo 14:14

Penipo Abramu wanguvwa kuti mbali wake wakoreka umkoli, wangulongozge kweniko ŵanthu ŵake ŵankhondo, wo ŵakuwiya mu nyumba yake, wo ŵenga machumi pe ghatatu pachanya chumi limoza ndi ŵankhonde ndi ŵatatu (318), ndipo ŵanguruta kundondoloska mpaka ku Dani.

Chiyambo 11:31

Tera wanguto mwana wake Abramu ndi Lote mwana munthurumi waku Harani, mzuku wake, ndi Sarai mukumwana wake, muwoli wa mwana wake Abramu, ndipo ŵanguruta wose pamoza kutuwa ku Uru wa ŵaKaldiya kuya mu charu cha Kanani; kweni penipo ŵanguza ku Harani, ŵanguja Kweniko.

Machitidu gha Ŵakutumika 7:4

Penipo wangutuwa mu charu cha Kaldiya, wanguja mu Harani: kutuwa kweniko so, wati wafwa wiske, Chiuta wangumsamiskiya ku charu chenichi, mwenimo sono muja imwe;

Chiyambo 14:21

Ndipo karonga wa Sodomu wanguti kwaku Abramu, “Undipaske ine ŵanthu kweni ujitole vyuma.”

Chiyambo 10:19

Ndipo charu cha ŵaKanani chingurutiriya Kwamba ku Sidoni mu mtunda wa Gerara, kufika mpaka ku Gaza, kulazga ku Sodomu, Gomora, Adama, ndi Zeboyimi kwachifika ku Lasha.

Chiyambo 13:5

Ndipo Lote, mweniyo wanguruta ndi Abramu, nayo so wenga ndi miskambu ya mberere ndi miskambu ya ng'ombe ndi mahema,

Chiyambo 13:6

viyo kuti charu cho chinguziŵa kuŵasunga wose ŵaŵi cha ŵachija pamoza; pakuti mausambasi ghawo ghenga ghakuru ukongwa, kuti ŵanguziŵa kuja pamoza cha,

Chiyambo 28:10

Yakobe wangusoka pa Beresheba, ndipo wanguruta kurata ku Harani.

Chiyambo 36:6

Sono Esau wanguto ŵawoli ŵake, ŵana ŵake ŵanthurumi ŵana ŵake ŵanthukazi ndi ŵamu nyumba ŵake wose, ng'ombe zake, ndi nyama zake zose, ndi vinthu vyake vyose vyo wangusaniya mu charu cha Kanani; ndi wanguruta ku charu cha kutali ndi mhurwa wake Yakobe.

ŴaLevi 22:11

kweni asani mzukuru wagula muŵanda kuŵa wake, ndi ndrama zake, muŵanda yo wangaziŵa kurghapo cho, ndipo wo ŵapapika mu nyumba yake ŵangarghapo kurgha kwake.

Chiyambo 11:27

Sono izi ndi mphapu zaku Tera. Tera wenga wiske waku Abramu, Nahoro ndi Harani; ndipo Harani wenga wiske waku Lote.