Chiyambo 11:7 - Tonga Bible 1986

⁷ Sono ndisikiye pasi, ndipo ndikatimbanizge lilime lawo, kuti ŵatondeke kuziŵa cho wakamba munyake.”

Chiyambo 11:7 Referans Kwoze

Sumu 33:10

Ambuya asanduska kuŵa zawakafundu za mitundu ya ŵanthu, aphwanya marunguruku gha ŵanthu.

Sumu 55:9

Bwanganduwani viŵembu vya wo, Ambuya, timbanizgani malilime ghawo; chifukwa ndiwona chivurupi ndi ndeu mu msumba.

Chiyambo 1:26

Ndipo Chiuta wanguti, “Tiyeni tilenge munthu mu chikozgu chidu, wakukozgana nafwe; ndipo watufuliye somba zamu nyanja ndi viyuni vya mude, ndi ng'ombe ndi pa charu chose chapasi; ndi pa chakukwaŵa chose cho chikwaŵa pa charu chapasi.”

1 ŴaKorinte 14:23

Viyo asani eklesiya lose laungana pamoza, ndipo wose ŵarongoro mu marongoroledu, sono asani ŵazirakuwamo pamwenga ŵazira-kuvwana, ŵaseremo asi wanenenge kuti mwafuntha?

Yeremiya 5:15

“Ehe, ndikatolenga paku iwe mtundu wakutuliya kutali wa nyumba yaku Yisraele, atiti Ambuya. “Uwu ndi mtundu wakukhwima, ndi mtundu wamwaka, mtundu weniwo mazu ghake imwe mulivi kughaziŵa, chingana nkhuti mungawamo cha cho warongoro.

Sumu 2:4

Iyo wakuja mu machanya wasekenge; Ambuya awerenge iwo.

Jobu 12:20

Watuzgapo kakambidu ka ŵamagomekezgeka ndi watuzgapo vinjeru vya ŵara.

Marangu 28:49

Ambuya akazanga ndi mtundu wa ŵanthu kutuwa ku mpherekezgu za charu chapasi, upusu wawo nge nkhaphururukidu ka nombo, mtundu wo mazu ghake kuti mungavwa cha,

Yesaya 6:8

Ndipo ndinguvwa mazu gha Ambuya ghakuti, “Ndikatumanga yani, ndipo ndiyani wakatirutiyanga?” Sono ine ndinguti, “Ndine pano! Nditumeni.”

Chiyambo 42:23

Ŵengavi kuziŵa kuti Yosefe wanguziŵa vyo wakambanga, chifukwa penga mutoliki pakati pawo.

Chiyambo 11:5

Ndipo Ambuya angusika kuzachiwona msumba wo ndi sonjo, vyo ŵana ŵa ŵanthu ŵanguzenga.

Chiyambo 10:20

Yaŵa mbana ŵanthurumi ŵaku Hamu, mu mbumba zawo, malilime ghawo, vyaru vyawo, ndi mitundu yawo.

Chiyambo 3:22

Sono Ambuya Chiuta wanguti, “Awona, munthu yo waŵa nge njumoza nafwe, kuziŵa umampha ndi uheni; ndipo sono, vinu wangatambaluwa janja lake ndi kutoko so vya muti wa umoyo ndi kurgha ndi kuja wamoyo muyaya.”

Chiyambo 10:32

Izi ndi mbumba za ŵana ŵanthurumi ŵaku Nowa, ndi mphapu zawo, mu mitundu yawo, ndipo kuturiya mwaku yaŵa mitunda yingusapatiya kwakututiriya pa charu pavuli pa zandi.

Chiyambo 10:5

Kutuliya mwaku yaŵa ŵanguchpaliya ŵanthu ŵa mulikumba. Yaŵa mbana ŵanthurumi ŵaku Yafete mu vyaru vyawo, we yose ndi mazu ghake, mu mbumba zawo, mu mitundu yawo.

Chituwa 4:11

Sono Ambuya anguti kwaku iyo, “Njani yo wakuchita mlomo wa munthu? Njani watumuchita kuŵa wambuwu pamwenga mgota, pamwenga kulereska, pamwenga uchiburumutiya? Kuti ndine Ambuya cha?

Yesaya 33:19

Kuti mukaŵawonanga so cha ŵanthu, ŵakujikuzga ŵanthu ŵakurongoro vwawaka vyo kuti mungaviziŵa cha, ŵa lilime la chimama lo kuti mungalivwa cha.