Chiyambo 11:31 - Tonga Bible 1986

³¹ Tera wanguto mwana wake Abramu ndi Lote mwana munthurumi waku Harani, mzuku wake, ndi Sarai mukumwana wake, muwoli wa mwana wake Abramu, ndipo ŵanguruta wose pamoza kutuwa ku Uru wa ŵaKaldiya kuya mu charu cha Kanani; kweni penipo ŵanguza ku Harani, ŵanguja Kweniko.

Chiyambo 11:31 Referans Kwoze

Nehemiya 9:7

Ndimwe mwe Ambuya, Chiuta mweniyo wangusankha Abramu, ndi wangumutuzga mu Uru wa ŵaKaldiya ndi kumupaska zina laku Abrahamu,

Chiyambo 24:10

Sono muŵanda yo wanguto ŵagamila chumi ŵa mbuyake ndipo wanguruta, wangupinga vyaulera vyakusankhika vya mitundu yose vyakutuwa ku mbuyake; ndipo wangusoka, ndi wanguruta ku Mesopotamiya, ku msumba waku Nahoro.

Chiyambo 12:4

Viyo Abramu wanguruta, uli ndimo Ambuya angumunene; ndipo Lote wanguruta nayo. Abramu wenga wavirimika machumi ghankhonde ndi ghaŵi ndi vinkhonde (75) penipo wangutuwako ku Harani.

Chiyambo 15:7

Ndipo wanguti kwaku iyo, “Ndine Ambuya mweniyo wangukutuzga ku Uru wa ŵaKaldiya kuzachikupaska charu ichi kuchihara.”

Chiyambo 11:32

Mazuŵa ghaku Tera ghenga virimika machumi pe chumi ghaŵi pachanya vinkhonde (205); ndipo Tera wangufwiya mu Harani.

Chiyambo 10:19

Ndipo charu cha ŵaKanani chingurutiriya Kwamba ku Sidoni mu mtunda wa Gerara, kufika mpaka ku Gaza, kulazga ku Sodomu, Gomora, Adama, ndi Zeboyimi kwachifika ku Lasha.

ŴaHebere 11:8

Ndi chivwanu Abrahamu, wanguti wadanika, wanguvwiya kuti watuwemo kuya ku malo ghenigho wakarondanga ngenchihara; ndipo wangutuwa, wambura kuziŵa ko wayanga.

Chiyambo 27:43

Viyo sono, wa mwana wangu, uvwiye mazu ghangu; usoke, uthaŵiye kwaku Labani mzichi wangu ku Harani,

Chiyambo 24:15

Wenga wandamari kukamba, wanguwona Rebeka mweniyo wangupapika kwaku Betuele mwana munthurumi waku Milka, muwoli waku Nahoro, mwana munyake Abrahamu, wangutuwiya kubwalo ndi musuku wake wa maji pa phewa lake.

Chiyambo 12:5

Ndipo Abramu wanguto Sarai muwoli wake, ndi Lote mwana munthurumi wa mhurwa wake, ndi usambasi wawo wose weniwo ŵangusambasa, ndi ŵanthu wo ŵanguŵa nawo mu Harani; ndipo ŵangusoka kuruta ku charu cho cha Kanani. Penipo ŵangufika mu charu cha Kakani,

2 ŴaKaronga 19:12

Kumbi ŵachiuta ŵa ŵamitundu ŵakuyitaska mitundu yo ŵada ŵakuphwanya, Gozani, Harani, Rezefa, ndi ŵanthu ŵaEdeni wo ŵenga mu Telazara?

Jobu 1:17

Weche kukamba, kunguza munyake yo wanguti, “ŴaKaldiya ŵagaŵikana mipingu yitatu ŵawiya chivwamba pa ŵagamila ndi kuŵato ndi kuŵabaya ŵaliska ndi lipanga, ndipo ine ndija ndine ndapozomoka kuzachikunene.”

Yesaya 37:12

Kumbi ŵachiuta ŵa mitundu ŵakuyitaska, mitundu yeniyo ada ŵanguphwanya, Gozani, Harani, Rezefi, ndi ŵanthu ŵa Edeni wo ŵenga mu Tekasara?

Chiyambo 14:12

ŵanguto so Lote mwana wa mhurwa waku Abramu yo wajanga mu Sodomu, ndi vyuma vyake, ndi ŵanguruta.

Chiyambo 28:10

Yakobe wangusoka pa Beresheba, ndipo wanguruta kurata ku Harani.