Chiyambo 1:9 - Tonga Bible 1986

⁹ Ndipo Chiuta wanguti, “Maji gha pasi pa mtambo ghaunjikike pamoza mu malo ghamoza, kuti uwoneke mtunda uyumu.” Ndipo kunguŵa viyo.

Chiyambo 1:9 Referans Kwoze

2 Petro 3:5

Chifukwa ŵaruwiya dara chenichi, chakuti ndi mazu ghaku Chiuta machanya ghanguŵako ku mwaka, ndi mtunda ungutuwa ku maji,

Yona 1:9

Ndipo wanguti kwaku iwo, “Ndine mu Hebere ndipo nditopa Ambuya, Chiuta wa kuchanya, yo wakwata nyanja ndi mtunda.”

Yeremiya 5:22

Kumbi kuti mutindopa cha ine? atiti Ambuya; Kumbi kuti mumbwambwanthiya cha paurongo pangu? Ndinguŵikapo mchenga nge ndi mphaka ya nyanja, ndi dangu la muyaya kuti yireke kurutiliyapo, chingana mayigha ghapumeko, kuti ghangayijumpha cha, nanga ghawuruma, kweni kuti ghangarutiliya yapa cha.

Sumu 95:5

Nyanja njake, ndiyo wanguyilenga; manja ghake ghanguwumba charu chiyumu.

Wakutaula 1:7

Misinji yose yichimbiriya ku nyanja, kweni nyanja kuti yizaza cha, ku malo ko misinji yituliya, ndiku yiwere so.

Sumu 33:7

Anguwunjika maji gha mu nyanjange ndi mu botolo; aŵika zindimba mu nyumba zakusungiyamo.

Jobu 26:10

Wazingirizga maji ndi zimphaka, pa mphatukano pa ukweru ndi mdima.

Chivumbuzi 10:6

ndipo wangurapiya paku mweniyo ngwamoyo ku muyaya ndimuyaya, mweniyo wangulenga kuchanya ndi vya kweniko, charu ndi vya mwenimo, ndi nyanja ndi vya mwake, kuti yireke kuŵapo nyengo yakuswera so cha,

Sumu 104:3

Mwazenga muzi winu pachanya pa maji, wakusanduska mabingu gareta lake, ndi kwenda pa mapapa gha mphepo.

Jobu 26:7

Watambasuwa ku nkhonde pachanya pa malo ghambura kanthu, ndi waning'ina charu pa waka.

Chiyambo 1:8

Ndipo Chiuta wangudana mtambo, kuchanya. Ndipo kwenga mazulo, ndi kwenga mlenji, zuŵa lachiŵi.

Nehemiya 9:6

Ndipo Ezra wanguti, “Ndimwe Ambuya, imwe pe mwija, ndimwe mukulenga kuchanya, kuchanya kwa machanya, ndi maliŵanja ghawo ghose, charu chapasi ndi vyose vyenivyo vilipo zinyanja ndi vyose vya mwaku zo ndi liŵanja la kuchanya litukusopani imwe.