Chiyambo 1:29 - Tonga Bible 1986

²⁹ Ndipo Chiuta wanguti, “Awonani ndakupaskani mbeu yose yakupasa chipasi yo yepa charu chose chapasi, ndi muti we wose wakuŵa ndi nje mu chipasi chake vikaŵanga kurgha kwinu.

Chiyambo 1:29 Referans Kwoze

Chiyambo 9:3

Chinthu chose chakwenda cho nchamoyo chikaŵanga kurgha kwinu; nge ndimo ndingukupaskiyani mbeu ziŵisi, nditukupaskani vyose.

Sumu 24:1

Nchaku Chiuta charu chapasi ndi uzari wake, charu ndi wo ŵajamo;

Machitidu gha Ŵakutumika 17:28

Chifukwa, ‘Mwaku iyo tijariya ŵamoyo, ndi titenda, ndi tiripo,’ mo so ŵanyake ŵakwata sumu ŵaku imwe ŵakambiya, ‘Chifukwa te mbumba yake.’

Machitidu gha Ŵakutumika 14:17

Ndikweni kuti wajireka ŵaka cha wambura chisimisimi, mwakuti wanguchita umampha, pakupaska imwe kutuwa kuchanya vuwa ndi nyengo zakupasiya, ndi pakugutiska mitima yinu ndi vyakurgha ndi likondwa.”

Sumu 147:9

Wapaska vinyama kurgha kwawo, ndi kurghiska ŵana ŵachahole ŵachiliya.

Sumu 136:25

ngwakupaska kurgha ku ŵanthu ndi nyama, chifukwa mchamuyaya chifundu chake.

Mateyu 6:11

Tipaskeni le kurgha kwidu kwale.

Jobu 36:31

Pakuti ndi ivi wateruzga ŵanthu; watuŵapaska uzali wa vyakurgha.

Chiyambo 2:16

Ndipo Ambuya Chiuta wangulanguliya munthu yo kuti, “Ukarghanga kwawanangwa vyamu muti wose wamu munda;

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

Hoseya 2:8

Chifukwa wengavi kuziŵa kuti ndine ndingumupaska trigu, vinyo ndi mafuta, ndi kumwandaniskiya siliva, ndi golide, lenilo wanguchitiya Bala.

Yesaya 33:16

Wakajanga pachanya; malo ghake ghakuvikirika ghakaŵanga linga la majarawe; wakapaskikanga kurgha kwake, maji ghake ghakajaririyanga.

Sumu 146:7

wateruzga umampha ŵakusuzgika ndipo wapaska kurgha ku ŵanja. Ambuya afwatuwa ŵakumangika.

Sumu 115:16

Kuchanya nkhuchanya kwa Ambuya, Kweni charu chapasi akupaska ku ŵana ŵa ŵanthu.

Sumu 111:5

Apaska kurgha ku ŵakuŵawopa iwo; phanganu lawo kuti akaruwanga cha.

1 Timote 4:3

ndi mbakukanizga kutorana, ndi mbakulanguliya kufunga ku vyakurgha, vyenivyo Chiuta wangwatiya kurondeka kwakuwonga ndi ŵakuvwana ndi ŵakuziŵiska uneneska wo.

Chiyambo 6:21

Jitore mtundu wose wa vyakurgha ndi vironge. Ivi vikaŵanga vyakurgha vyako ndi vinyama vyose ndi viyuni.”