Chiyambo 1:27 - Tonga Bible 1986

²⁷ Viyo Chiuta wangulenga munthu mu chikozgu cha mweneko, mu chikozgu chaku Chiuta ndimu wangumulenge; munthurumi ndi munthukazi wanguŵalenga.

Chiyambo 1:27 Referans Kwoze

Mateyu 19:4

Kweni wakumuka wanguti, “Asi mwaŵerenga kuti kutuwa ku mtendeku chata wanguŵachita munthurumi ndi munthukazi.

ŴaEfeso 2:10

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

Marko 10:6

Kweni chituliyi ku chiyambo cha ulengi, ‘Chiuta wanguŵalanga munthurumi ndi munthukazi!’

ŴaEfeso 4:24

ndi kuti muvware munthu mufya, yo kwakuyana ndi Chiuta ngwakulengeka mu urunji ndi ukhovu wa uneneska.

Sumu 139:14

Ndimurumbani chifukwa mwe ŵakofya ndi ŵakuziziswa. Zakuziziswa nchitu zinu! Mutindiziŵa kwakufikapo;

Yesaya 43:7

we yose wakudanika ndi zina langu, mweniyo ndingulenge ku unkhankhu wangu, yo ndinguumba ndi ndinguchita.”

ŴaKolose 1:15

Ndiyo chikozgu chaku Chiuta wambura kuwoneka, wakupapika danga wa ulengi wose.

Malaki 2:15

Kuti ndi Chiuta yumoza cha yo wakwata ndi kusungirizgiya ifwe mzimu wa umoyo? Ndipo nchine cho wakhumba? Mphapu yirunji. Viyo chenjeni, paulevi nanga njumoza waŵe wambura kugomekezgeka ku muwoli wa uhurwa wake.

Chiyambo 2:18

Ndipo Ambuya Chiuta wanguti, “Kuti nkhwamampha cha kuti munthu yo waje yija; ndikamuchitiyanga wakumovya, wakulingana nayo.”

ŴaKolose 1:26

mangari gho ghakubisika kutuwa ku migonezi ndi zimphapu, kweni sono ghavumbulikiya ku ŵakupaturika ŵake.

ŴaKolose 3:10

ndipo mwavwara munthu mufya, mweniyo wazgoka mufya uli nchikozgu chaku yo wangumlenga ndi kukuliya mu kumuziŵa Chiuta.

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

Marangu 4:32

“Fumbani sono mazuŵa gho ghajumphapo gho ghengako imwe mwenga mundaŵeko, kwamba zuŵa lenilo Chiuta wangwatiya munthu mu charu chapasi, fumbani kutuwa kukwamba kwa machanya mpaka ku umari kwake, asani chikuŵa ku chinthu chikuru nge ichi.

Wakutaula 7:29

Awonani, ichi chija ndicho ndasaniya, kuti Chiuta wangumulenga munthu wakunyoroka, kweni iwo ndiwo ŵapenjapenja nthowa zinandi.

Chiyambo 2:7

Sono Ambuya Chiuta wangulenga munthu ndi fuvu la nyata, ndipo wangututiya mu mphunu zake mvuchi wa umoyo, ndipo munthu wanguŵa wamoyo.

Ŵeruzgi 21:22

Ndipo asani auskeu pamwenga ŵazichi ŵawo ŵakazanga kuzachidandaula kwaku ifwe, tazamukamba kuti, ‘Ŵapaskeni kwa wezi kwaku ifwe; chifukwa chakuti tengavi kumutole we yose waku wo muwoli cha, iku mphanyi imwe ndimwe mwendimlando sono.’ ”

Yeremiya 29:6

Toni ŵanthukazi muŵe ndi ŵana ŵanthurumi ndi ŵana ŵanthukazi; ŵatoreskeni ŵanthukazi ŵana ŵinu, ndipo ŵizgani ŵana ŵinu ŵanthukazi, mwakuti ŵapape ŵana ŵanthurumi ndi ŵana ŵanthukazi; mungaŵanga ŵamana cha mwandanenge kweniko.