Chiyambo 1:26 - Tonga Bible 1986

²⁶ Ndipo Chiuta wanguti, “Tiyeni tilenge munthu mu chikozgu chidu, wakukozgana nafwe; ndipo watufuliye somba zamu nyanja ndi viyuni vya mude, ndi ng'ombe ndi pa charu chose chapasi; ndi pa chakukwaŵa chose cho chikwaŵa pa charu chapasi.”

Chiyambo 1:26 Referans Kwoze

ŴaKolose 3:10

ndipo mwavwara munthu mufya, mweniyo wazgoka mufya uli nchikozgu chaku yo wangumlenga ndi kukuliya mu kumuziŵa Chiuta.

ŴaEfeso 4:24

ndi kuti muvware munthu mufya, yo kwakuyana ndi Chiuta ngwakulengeka mu urunji ndi ukhovu wa uneneska.

Chiyambo 3:22

Sono Ambuya Chiuta wanguti, “Awona, munthu yo waŵa nge njumoza nafwe, kuziŵa umampha ndi uheni; ndipo sono, vinu wangatambaluwa janja lake ndi kutoko so vya muti wa umoyo ndi kurgha ndi kuja wamoyo muyaya.”

Chiyambo 5:1

Ili ndi buku la mphapu zaku Adamu. Penipo Chiuta wangulenga munthu, wangumuchita muchikozgu chaku Chiuta.

Sumu 100:3

Ziŵani kuti Ambuya ndiyo Chiuta! Ndiyo wangutata ndipo ifwe te ŵake; te khamu lake, ndi mberere za uliska wake.

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

Yesaya 64:8

Kweni Ambuya mwe, imwe Auskefwe; te dongo ifwe, imwe mwe muwumbi widu; ndipo tose te nchitu ya janja linu.

ŴaKolose 1:15

Ndiyo chikozgu chaku Chiuta wambura kuwoneka, wakupapika danga wa ulengi wose.

Yakobe 3:9

Ndi lilime lo titumbika Ambuya ndi Dada; ndipo ndi lenilo pe titemba ŵanthu, wo mbakulengeka mu chikozgu chaku Chiuta:

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

1 ŴaKorinte 11:7

Munthurumi kuti watenere kufukika mutucha, pakuti iyo nchikozgu ndi unkhankhu waku Chiuta: kweni munthukazi mbunkhankhu wa munthurumi.

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

Wakutaula 7:29

Awonani, ichi chija ndicho ndasaniya, kuti Chiuta wangumulenga munthu wakunyoroka, kweni iwo ndiwo ŵapenjapenja nthowa zinandi.

Machitidu gha Ŵakutumika 17:26

ndipo wangwata ku ndopa zimoza mtundu wose wa ŵanthu kwachija pa chisku chose cha charu, wati wateme nyengo zakulangulika, ndi mphaka za ujazi wawo;

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

1 Yohane 5:7

Ndipo Mzimu yo ndiyo wasimikizga, pakuti Mzimu yo ndiyo Uneneska wo.

Yakobe 3:7

Chifukwa mtundu we wose wa vinyama ndi so wa viyuni, wa vyakukwaŵa ndi so wa vyamu nyanja, uziŵirizgika, ndipo waziŵirizgika ndi mtundu waŵanthu.

Yesaya 6:8

Ndipo ndinguvwa mazu gha Ambuya ghakuti, “Ndikatumanga yani, ndipo ndiyani wakatirutiyanga?” Sono ine ndinguti, “Ndine pano! Nditumeni.”

Sumu 149:2

Wakondwere, Yisraele mu Mlengi wake; ŵakondwe, ŵana ŵaku Zioni, mukaronga wawo!

Chiyambo 11:7

Sono ndisikiye pasi, ndipo ndikatimbanizge lilime lawo, kuti ŵatondeke kuziŵa cho wakamba munyake.”

Yeremiya 27:6

Sono ndapaska vyaru vyose ivi mu janja laku Nebukadanezara, karonga wa Babiloni, mteŵeti wangu, ndipo ndamupaska so vinyama vya mudondo kumutataliya.

Jobu 35:10

Kweni palivi yo watiti, ‘Wepani Chiuta Mlenge wangu, mweniyo wapaska sumu pa usiku pakati,

Yohane 5:17

Kweni Yesu wanguŵamuka, “Mpaka sono Ada ŵachita nchitu, ndipo ine nani ndichita.”

Machitidu gha Ŵakutumika 17:20

Chifukwa utole ku makutu ghidu vinthu vilendo.”

Jobu 5:23

Pakuti ukaŵanga ndi phangano ndi mya ya mu dondo, ndipo vinyama vya mu dondo vikaŵanga pa chimangu ndi iwe.

Chiyambo 2:19

Viyo kutuwa mu nyata Ambuya Chiuta wangulenga nyama yose yamu dondo ndi chiyuni chose cha mude, ndi wanguza navyo ku munthu yo kuti wawone, ndi mazina uli gho wangavidana; ndipo zina lose lo munthu yo wangudana chamoyo chose cho lenga zina lake.

Yesaya 45:18

Pakuti viyo atiti Ambuya, mweniyo wangulenga machanya (ndiyo Chiuta), mweniyo wangwata charu chapasi ndi wanguchita (wanguchikhozga; kuti wanguchilenga chakutimbanizgika cha, wanguchichitiya kujamo!): “Ndine Ambuya, palivi munyake.

Jobu 39:11

Kumbi ukathamiyanga iyo chifukwa nthazi zake zikuru, ndi kureke mu manja ghake mlimu wako?

Sumu ya Zisumu 1:11

Tikakuchitiyanga vitowelo vya golide, vyakumatirika ndi siliva.