Biblia Todo Logo
Bib sou entènèt

- Piblisite -




Chiyambo 1:21 - Tonga Bible 1986

21 Viyo Chiuta wangulenga visomba vikuru vya mu nyanja, ndi chamoyo chose chakwenda, vyakutapata mu maji kwakulingana ndi mitundu yawo, ndi chiyuni chose cha mapapa kwakulingana ndi mtundu wake.

Gade chapit la Kopi




Chiyambo 1:21
23 Referans Kwoze  

Ndipo Chiuta wanguchita vinyama vyapa charu chapasi kwakulingana ndi mitundu yawo, ndi ng'ombe nazo kwakulingana ndi mitundu yawo, ndi chose chakukwaŵa pasi pa dongo kwakulingana ndi mtundu wake. Ndipo Chiuta wanguwona kuti chenga chamampha.


Ndipo nyama ye yose, chinthu chose chakukwaŵa, ndi chiyuni che chose, chinthu chose chakwenda pa charu, vingutuwa mu ngaraŵa mtundu wake ndi wake.


Utuzge pamoza nawe chinthu chose cho che ndi umoyo viyuni ndi nyama ndi chinthu chakukwaŵa pa charu cho, kuti vitapate ukongwa pa charu, ndi vipapane ndi kwandana pa charu.”


Nile wakazazikanga ndi ŵamchuwa, wo ŵakazanga mu nyumba yako ndi mu chipinda chako chakulamo ndi pa chita chako ndi muzinyumba za ŵaŵanda ŵako ndi za ŵanthu ŵako ndi mwakubikiya mwinu ndi mu ngwembe zakukasiyamo.


Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo.


Ndipo imwe mupapane ndi mwandane, tapatane mu charu ndi mwandane mwenimo.”


Iwo ndi nyama yose kwakuyana ndi mtundu wake, ndi viŵetu vyose kwakuyana ndi mitundu yake, ndi chinthu chose chadukwaŵa pa charu kwakuyana ndi mtundu wake, ndi chiyuni chose cha kaŵiro kose, ndi mtundu wake, chiyuni chose cha mitundu yose.


Tore viŵi kutuwa ku mtundu wose wa viyuni, viŵi kutuwa ku mtundu wose wa vinyama, ndi viŵi kutuwa ku mtundu wose wa vyakukwa wa pasi kuvisunga vyamoyo.


Wakufwa wanjenjeme pasi pa charu, maji ndi vyose vyakuja mwenimo.


Kumbi ndine nyanja, pamwenga chisomba, kuti mundiŵikiye ulonda?


Ndipo Chiuta wanguwona chose cho wanguchita, ndipo chenga chamampha ukongwa. Ndipo kwenga mazulo, ndi kwenga mlenji, zuŵa la chinkhonde ndi chimoza.


Kuwusa msana ndi usiku, ndi kupatuwa ukweru ku mdima. Ndipo Chiuta wanguwona kuti nkhwamampha.


Chifukwa uli ndimo Yona wanguŵiya mumoyu mwa chisomba cho mazuŵa ghatatu ndi mausiku ghatatu; viyo so ndimu Mwana wa munthu waŵiyenge mukati mu charu mazuŵa ghatatu ndi mausiku ghatatu.


Ndipo Ambuya angutuma chisomba chikuru kumeza Yona; ndipo Yona wenga mu nthombo ya chisomba mazuŵa ghatatu ndi mausiku ghatatu.


“Wa mwana wa munthu, soske chitenje paku Farao karonga wa Egipiti, umunene kuti: ‘Utijighanaghana kuŵa nkharamu mukati mu mitundu, kweni ulingana ŵaka nge ndi nchalinda wamu zinyanja; ubabanyuka mu misinji yako, kuvunduwa maji ndi marundi ghako, ndi kutimbuliya misinji yawo.


Ndipo Ambuya angukamba ku somba, ndi yingumuwukuwa Yona pa mtunda uyumu.


Ndipo Chiuta wanguti, “Mu maji muŵe vyakutapata vyamoyo, ndipo viyuni viphururuke pachanya pa charu chapasi mude pachanya pa mtambo.”


Ndipo Chiuta wanguwona kuti chenga chamampha, ndipo Chiuta wanguvitumbika wanguti, “Papanane ndi mwandane, ndi muzaze maji mu zinyanja. Ndipo viyuni vyandane pa charu chapasi.”


Ndipo chofyu chinu ndi kupofya kwinu vikaŵanga pa nyama yose yapa charu ndi pa chiyuni chose cha mude, pa chinthu chose cho chikwaŵa pa charu ndi somba zose zamu nyanja vyakupaskika mu janja linu.


Rumbani Ambuya kutuwa ku charu chapasi, mwa vyakuja mu maji ndi zindimba zose.


Viyo kutuwa mu nyata Ambuya Chiuta wangulenga nyama yose yamu dondo ndi chiyuni chose cha mude, ndi wanguza navyo ku munthu yo kuti wawone, ndi mazina uli gho wangavidana; ndipo zina lose lo munthu yo wangudana chamoyo chose cho lenga zina lake.


“Kweni fumba vinyama vikakusambizganga, viyuni vya mude vikakuneniyanga.


Swiv nou:

Piblisite


Piblisite