Chiyambo 1:16 - Tonga Bible 1986

¹⁶ Ndipo Chiuta wanguchita malumbuni ghaŵi ghakuru, lumbuni likuru kuwusa ndi msana, ndi lumbuni limana kuwusa ndi usiku. Wanguchita so nyenyezi.

Chiyambo 1:16 Referans Kwoze

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Sumu 8:3

Po ndilereska machanya ghinu, nchitu ya manja ghinu, mwezi ndi nyenyezi vyo mukumika.

Yesaya 40:26

Yinuskiyani maso ghinu kuchanya mulereske: njani wangulenga ivi? Mweniyo watuzga liŵanja lawo ndi kuliŵerenga, watividana vyose mazina; ndi ukuru wa kulimba kwake; ndipo chifukwa ngwakulimba mu nthazi palivi cho chisoŵapo.

Sumu 148:5

Vyose virumbe zina la Ambuya! Angulangula, ndipo vingulengeka;

Sumu 74:16

Ngwinu msana, usiku nawo ngwinu; mukumika dazi ndi mwezi mu malo ghawo.

Sumu 148:3

Arumbeni, dazi ndi mwezi; arumbeni, mwa nyenyezi za kuŵala!

Jobu 38:7

penipo nyenyezi za mlenji zingumba pamoza, ndipo ŵana ŵaku Chiuta wose ŵangukambura ndi chimwemwe?

1 ŴaKorinte 15:41

Kwe unkhankhu wakuti e wa dazi, ndi unkhankhu unyake wa mwezi, ndi unkhankhu unyake wa zinyenyezi; chifukwa nyenyezi yipambana ndi nyenyezi mu unkhankhu.

Mateyu 27:45

Kweni kutuwa ku ora lachinkhonde ndi chimoza kunguŵapo mdima pa charu chose mpaka ku ora lachinkhonde ndi chinayi.

Habakuku 3:11

Dazi ndi mwezi vinguma chete mu malo ghawo ghakujamo pa ukweru wa mivwi yinu mo yingwende, pa kuŵara kwa mkondo winu wakugadima.

Yesaya 45:7

Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.

Yesaya 13:10

Pakuti nyenyezi za machanya ndi mawumba ghake kuti vikapaskanga ukweru wawo cha lumwi likafipanga pakutuwa kwake mwezi kuti ukalongonga kuŵara cha.

Sumu 19:6

Kutuwa kwake lituliya ku vigoti vya kuchanya, kuzunguliya kwake lifika ku umari waku vyo; ndipo palivi kakubisika ku chifundizi chake.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Yesaya 24:23

Sono mwezi ukatimbanizgikanga lumwi likachitanga soni; pakuti Ambuya ŵa maŵanja akausanga pa phiri Zioni ndi mu Yerusalemu ndipo paurongo pa ŵara ŵake akavumbuwanga unkhankhu wawo.

Jobu 31:26

asani ndalereska pa lumwe penipo linguŵara, pamwenga pa mwezi po wendanga ndi kugadima,

Mateyu 24:29

“Kweni sosonukweni pavuli pa suzgu ya mazuŵa gho dazi lifipiskikenge, mwezi urekenge kupaska kuŵala kwake, ndipo nyenyezi zimbotokenge kuchanya, ndi vyanthazi vyamu machanya visukuniskikenge;

Chiyambo 1:15

ndi ghaŵi malumbuni mu mtambo kuchanya, kupaska ukweru pa charu chapasi.” Ndipo kunguŵa viyo.

Yeremiya 31:35

Viyo atiti Ambuya, wo apereka lumwi kungweruska ndi msana ndi kulanguliya mwezi ndi nyenyezi kwambura kusintha kungweruska ndi usiku, ŵeniwo ayuska nyanja viyo kuti mayigha ghake ghauruma, Ambuya ŵa maŵanja ndilo zina lawo: