Chiyambo 1:14 - Tonga Bible 1986

¹⁴ Ndipo Chiuta wanguti, “Ghaŵepo malumbuni mu mtambo kuchanya, ghakupatuwa msana ku usiku; ndipo ghaŵenge gha visimikizgu ndi gha zinyango ndi gha mazuŵa, ndi virimika;

Chiyambo 1:14 Referans Kwoze

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Yeremiya 31:35

Viyo atiti Ambuya, wo apereka lumwi kungweruska ndi msana ndi kulanguliya mwezi ndi nyenyezi kwambura kusintha kungweruska ndi usiku, ŵeniwo ayuska nyanja viyo kuti mayigha ghake ghauruma, Ambuya ŵa maŵanja ndilo zina lawo:

Sumu 148:3

Arumbeni, dazi ndi mwezi; arumbeni, mwa nyenyezi za kuŵala!

Sumu 148:6

ndipo akuvikhozga muyaya ndi muyaya, akuvipaska langulu lawo lo kuti vingajumpha cha.

Amosi 5:8

Yo wangupanga chirimila ndi mauta ndi wasanduska mdima kuŵa mlenji; ndi kufipiska msana kuŵa usiku, yo wadana maji gha nyanja ndi kughapunguriya pa chisku cha charu chapasi, Ambuya ndilo zina lawo,

Yoele 3:15

Dazi ndi mwezi vifipenge, nyenyezi nazo zifuŵiyenge.

Yeremiya 10:2

Viyo atiti Ambuya: “Rekani kusambira nthowa ya ŵamitundu, rekani kutenthema pa virongorero vya kuchanya, pakuti ŵamitundu ŵatenthema paku vyo,

Sumu 81:3

Mbani mbata pa nyengo ya dghera; pa zuŵa la mwezi ufya, ndi pa baraŵara.

Chiyambo 8:22

Chichalipo charu chapasi, nyengo yakumija ndi kuvuna, kuzizira ndi kufunda, chihanya ndi chifuku, zuŵa ndi usiku kuti vikamaranga cha.”

Yesaya 40:26

Yinuskiyani maso ghinu kuchanya mulereske: njani wangulenga ivi? Mweniyo watuzga liŵanja lawo ndi kuliŵerenga, watividana vyose mazina; ndi ukuru wa kulimba kwake; ndipo chifukwa ngwakulimba mu nthazi palivi cho chisoŵapo.

Mateyu 24:29

“Kweni sosonukweni pavuli pa suzgu ya mazuŵa gho dazi lifipiskikenge, mwezi urekenge kupaska kuŵala kwake, ndipo nyenyezi zimbotokenge kuchanya, ndi vyanthazi vyamu machanya visukuniskikenge;

Amosi 8:9

“Ndipo pazuŵa liya,” atiti Ambuya Chiuta, “nkhaserezganga dazi ndi msanapakati ndi kufipiska charu mu ukweru wa msana pakati.

Yoele 2:10

Charu chiyaghayikenge paurongo pawo, machanya ghatenthemenge. Dazi ndi mwezi vifipenge, nyenyezi zifuŵiyenge.

Yeremiya 33:20

“Atiti Ambuya: Asani mungaswa phanganu langu la msana ndi phanganu langu la usiku kuti msana ndi usiku vireke kuŵako pa nyengo yawo yakutemeka;

Chivumbuzi 6:12

Ndipo penipo wangubanuwa chizighiri chachinkhonde ndi chimoza, ndingulereska, ndipo kunguŵapo chiyeuyeu chikuru; dazi linguŵa lifipa ulaka nchigudulu chifipa, ndipo mwezi wa baraŵara unguŵa uli ndi ndopa;

Mateyu 2:2

“We pani yo wakuwa Karonga wa ŵaYuda? Chifukwa ku vuma tinguwona nyenyezi yake, ndipo taziya kumlambiya.”

Ezekiele 46:1

“Viyo atiti Ambuya Chiuta: Likomo la luluwa la mukati, lo lilereska ku vuma likajarikanga mazuŵa ghankhonde ndi limoza ghanchitu; kweni pa zuŵa la sabata ndi pa zuŵa la mwezi ufya likajurikanga.

Yeremiya 33:25

Viyo atiti Ambuya: Asani ndilivi kukhozga phanganu langu la msana ndi la usiku ndi marangu gha kuchanya ndi charu chapasi,

Jobu 25:5

Wona, nanga ndi mwezi kuti ngwakuwala cha ndi nyenyezi kuti zituŵa cha mu maso ghake,

Chiyambo 9:13

Ndimiha chiŵingavuwa changu mu mtambo, ndipo chikaŵanga chisimikizgu cha phanganu lo pakati paku ine ndi charu chapasi.

Chivumbuzi 8:12

Mungelo wachinayi wangukuŵa, ndipo chigaŵa chachitatu cha dazi chingukosoreka, ndi chachitatu cha mwezi, ndi chachitatu cha zinyenyezi; mwakuti chigaŵa chachitatu cha ukweru chingufipiskika, ndi chigaŵa chachitatu cha msana kuti chingupereka kuŵala kwake cha, ndipo chigaŵa chachitatu cha usiku nacho so kuti chingupereka ukweru cha.

Luka 23:45

lati lafumphiya lumwi; ndipo chijaru cha kasopi chinguparuka pakatikati.

Marko 13:24

“Kweni mu mazuŵa ghenigha, pavuli pa suzgu iya, dazi likafipiskikanga, ndi mwezi kuti ukapaskanga uŵali wake cha,

Ezekiele 46:6

Pa zuŵa la mwezi ufya wakaperekanga nkhuzi ya mpupuka yambura kalema, ŵana ŵa mberere ŵankhonde ndi yumoza ndibira yumoza, izi ziŵe zambura kalema

Sumu 119:91

Vinthu vyose vyakho mpaka ku zuŵa lino chifukwa cha kulangula kwinu, chifukwa vinthu vyose mbateŵeti ŵinu.

Jobu 25:3

Kumbi maliŵanja gha ŵankhondo ŵake ghaŵerengeka mphakuyani po ukweru wake ureka kuŵara?

Jobu 3:9

Nyenyezi za kumatandakucha kwake zivirimitiya; upenje ukweru, kweni ureke kuŵa nawo chingana nkhuwona malazi gha mlenji.

Chivumbuzi 9:2

Ndipo wangubanuwa chizenje cho chakuti nyo, ndipo kutuwa ku chizenje cho ungukwera usi, ulaka ndi usi wa ng'anjo yikuru; ndipo vingufipiskika dazi ndi mude chifukwa cha usi wa chizenje cho.

Chiyambo 1:13

Ndipo kwenga mazulo, ndi kwenga mlenji zuŵa lachitatu.

Chiyambo 1:15

ndi ghaŵi malumbuni mu mtambo kuchanya, kupaska ukweru pa charu chapasi.” Ndipo kunguŵa viyo.

Sumu 150:1

Rumbani Ambuya! Rumbani Chiuta mu malo ghake ghakupaturika; rumbani nthazi zake mu machanya!