Chiyambo 1:11 - Tonga Bible 1986

¹¹ Ndipo Chiuta wanguti, “Charu chibuske vyakume, mbeu yakupasa vipasi, ndi miti yakupasa vipasi mwaku vyo mwe nje zake, we wose kwakuyana ndi mtundu wake, pa charu.” Ndipo kunguŵa viyo.

Chiyambo 1:11 Referans Kwoze

ŴaHebere 6:7

Chifukwa charu cho chamwa vuwa yo yingi'yangi'ya pake panandi, ndi nchakume sungwi zakwenere ŵeniwo chiŵalimikiya, chironde chitumbiku kutuwa kwaku Chiuta:

Sumu 147:8

Ngwakukukiska mabingu mu malo gha kuchanya, wapaska vuwa ku charu, wamezga uteka mu mitunthu.

Chiyambo 1:29

Ndipo Chiuta wanguti, “Awonani ndakupaskani mbeu yose yakupasa chipasi yo yepa charu chose chapasi, ndi muti we wose wakuŵa ndi nje mu chipasi chake vikaŵanga kurgha kwinu.

Chiyambo 2:9

Ndipo kuturiya mu nyata Ambuya Chiuta wangumezga miti yose yakukondweska kuyiwona, ndi yamampha kurgha; ndiso muti wa umoyo pakatikati pa munda, ndipo muti wa kuziŵa umampha ndi uheni.

Marko 4:28

Charu chipasa chijachija, chidana jani, pavuli soyu, pavuli pake trigu lakukhoma mu soyu.

Mateyu 6:30

Kweni asani Chiuta wavwarika viyo uteka wamudondo, wo le ulipo, ndi mawa upong'eka ku chipa, asi ukongwa kwakuruska wamvwarika imwe, mwaŵachivwanu chimana?

Jobu 28:5

Mu charu mutuwa chakurgha, kweni kusi kwake kugadabuka nge kwe moto.

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Chiyambo 2:5

penipo pengavi chakume cha mu munda mu charu chapasi, ndi pengavi mbeu ya mu munda yingume; pakuti Ambuya Chiuta wengavi kung'iska vuwa pa charu chapasi, ndi pengavi munthu wakulima nyata;

Yakobe 3:12

Kumbi mkuyu uziŵa kupasa maolive, mwa ŵabali ŵangu, pamwenga mphereska zinkhuyu? Chingana ndi maji ghamche ghalive kuziŵa kupaska ghakusamuka.

Mateyu 3:10

Ndipo sono nako mbavi yajikika ku nkhorozu za miti, chimuti chose chakureka kupasa vipasi vyeneko chitemeka ndipo chipong'eka mu moto.

Yeremiya 17:8

Wakozgana ndi muti wakupandika pafupi ndi maji, weniwo utambaruliya misisi yake ku maji, ndipo kuti utopa cha chichiza chifundizi, pakuti mani ghake ghajaririya uŵisi, ndipo kuti usuzgika cha mu charu cha chilala pakuti kuti ureka cha kupasa vipasi.”

Chiyambo 2:16

Ndipo Ambuya Chiuta wangulanguliya munthu yo kuti, “Ukarghanga kwawanangwa vyamu muti wose wamu munda;

1 ŴaKorinte 15:38

Kweni Chiuta wayipaska liŵavu uli ndimo wangakhumbiya, ku mbeu yose liŵavu lake.

Chiyambo 1:12

Charu chingubuska vyakume, mbeu yakupasa vipasi vyakuyana ndi mtundu wake, ndi miti yakupasa vipasi mwaku vyo mwe nje zake, we wose kwakuyana ndi mtundu wake. Ndipo Chiuta wanguwona kuti kwenga kwamampha.

Yesaya 61:11

Pakuti mo charu chapasi chituzgiya mumera wake, ndipo nge ndimo munda umezge vyo vyamijikamo, viyo so ndimu Ambuya Chiuta wakamezgiyanga ukongore kwa ndi rumbu pa maso pa mitundu yose.