Chivumbuzi 9:17 - Tonga Bible 1986

¹⁷ Viyo ndimo ndinguwone mu chiwona changu cha ŵakavalo ndi wo ŵangugara paku wo, wo ŵenga ndi vyapachifuŵa viyera nge ndimoto, vyabulu nge ndi mwa wasangarawe, ndipo mitu ya ŵakavalo yenga nge ndi mitu ya zinkharamu; ndipo mu milimo yawo mungutuwa moto ndi usi ndi fukunyira.

Chivumbuzi 9:17 Referans Kwoze

Chivumbuzi 9:18

Chigaŵa chachitatu cha ŵanthu chingubayika ndi videru vitatu vya moto ndi usi ndi fukunyira, vyo vyatuwanga mu milomo ya ŵakavalo.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 14:10

viyo nayo wakamwangapo vinyo wa ufyu waku Chiuta, yo wapungulikiya wambura kusukuruka mu nkhombo ya kandundu kake; ndipo wakavwanga urwirwi mu moto ndi fukunyira pa maso pa ŵangelo ŵakupaturika, ndi pa maso gha Mwana-mberere yo.

1 Mikoka 12:8

Ŵanyake ŵa ŵina Gadi ŵanguruta kwaku Davidi ku linga lakukho ku bozwa, ŵanthu ŵanthazi, ndi ŵankhondo ŵavinjeru, virimbi vya nguru ndi mkondo. Visku vyawo vyenga nge ndi visku vya nkharamu, ndi ŵenga ndi mankharu nge mbachilembwe mu mapiri.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

Sumu 11:6

Pa ŵaheni wang'iskenge maka gha moto ndi fukunyira; mphepo yakocha yikaŵanga mphoto yawo.

Chiyambo 19:24

Ndipo Ambuya angung'iska pa Sodomu ndi Gomora mya ya moto, ndi moto kuturiya ku Ambuya kusotopoka kuchanya;

Chivumbuzi 11:5

Ndipo asani yumoza wakhumba kuŵapweteka, moto utuwa mu mlomo wawo, ndi kocha ŵamawongu ŵawo: ndipo asani yumoza waŵapweteka, wa viyo watenere wabayike.

Chivumbuzi 9:9

Nganga zawo zingujarika ndi vyo vinguwoneka ulaka vyapachifuŵa vyachisulo; chiwawa cha mapapa ghawo chenga nge nchiwawa cha magareta gha ŵakavalo ŵanandi ŵachichome ku nkhondo.

Ezekiele 33:22

Kweni janja la Ambuya linguŵa paku ine mazulo gha zana wenga wandafike wakuthaŵa yo; ndipo angujura mlomo wangu pa nyengo yo munthu uyu waziyanga kwangu ndi mlenji; viyo mlomo wangu ungujurika, kuti ndinguŵa so mbuwu cha.

Chivumbuzi 21:20

chachinkhonde ndionike, chachinkhonde ndi chimoza, sardio; chachinkhonde ndi chiŵi, krusolite; chachinkhonde ndi chitatu, berulo; chachinkhonde ndi chinayi, topaze; chachichumi, drusopraso, chachichumi ndi chimoza, jakini chachichumi ndi chiŵi, ametusto.

Danyele 8:2

Ndipo ndinguwona mu chiwona, ndipo penipo ndinguwona, ndenga mu Susa msumba ukuru wo wemu chigaŵa cha Elama; ndipo ndinguwona mu chiwona, kuti ndenga pa msinji wa Ulai.

Danyele 9:21

ndichikamba mu kuromba, munthu Gabiriele, yuwa ndingumuwona mu chiwona pakudanga, wanguza kwaku ine wakuŵatuka kwaruŵi panyengo ya sembe ya mazulo.