Chivumbuzi 9:15 - Tonga Bible 1986

¹⁵ Ndipo ŵangufwatulika ŵangelo wo ŵanayi, wo ŵangurongosoleke limu za ora lo, ndi zuŵa, ndi mwezi, ndi chirimika, kuti ŵabaye chigaŵa chachitatu cha ŵanthu.

Chivumbuzi 9:15 Referans Kwoze

Chivumbuzi 9:18

Chigaŵa chachitatu cha ŵanthu chingubayika ndi videru vitatu vya moto ndi usi ndi fukunyira, vyo vyatuwanga mu milomo ya ŵakavalo.

Chivumbuzi 8:7

Ndipo mungelo wachimoza wangukuŵa mbata yake, ndipo penga matarara ndi moto, vyakusazgikana ndi ndopa, vyo vinguwa pa charu: ndipo chigaŵa chachitatu cha charu chingocheka ndi chigaŵa chachitatu cha miti chingocheka ndi uteka wose uŵisi ungocheka.

Chivumbuzi 8:9

ndipo chigaŵa chachitatu cha nyanja chingusanduka ndopa: ndipo chingufwa chigaŵa chachitatu cha vyakulengeka vyamu nyanja, ndi chigaŵa chachitatu cha zingaraŵa chingwanangika.

Chivumbuzi 9:10

Ndipo ŵenga ndi michiya ulaka ndivipiriri, ndi maliwozga; ndipo mu michiya yo ndimu mwenga nthazi yawo yakupweteke ŵanthu myezi yinkhonde.

Chivumbuzi 9:5

Ndipo kungupaskika kwaku wo kuti ŵareke kuŵabaya, kweni kuti ŵaŵarwirwitiske myezi yinkhonde: ndipo urwirwi wawo wenga uli mburwirwi wa chipiriri, po charuma munthu.

Chivumbuzi 8:8

Ndipo mungelo wachiŵi wangukuŵa, ndipo chakukozgana ndi phiri likuru, lakukole moto, chingupong'eka mu nyanja:

Chivumbuzi 8:10

Ndipo wangukuŵa mungelo wachitatu, ndipo kutuwa kuchanya yinguwa nyenyezi yikuru, yakukole nge ndi limbuni, ndipo yinguwa pa chigaŵa chachitatu cha misinji, ndi pa visima vya maji.

Chivumbuzi 20:7

Kweni penipo vyamara virimika vyo chikwi, Satana wazamfwatulika ku kumangika kwake,