Chivumbuzi 7:15 - Tonga Bible 1986

¹⁵ Chifukwa cheni chiŵe paurongo pa Chitengu-chaufumu chaku Chiuta, ndipo ŵatumteŵete msana ndi usiku mu kasopi wake: ndipo mweniyo waja pa chitengu-chaufumu waŵavimbenge ndi uŵapo wake.

Chivumbuzi 7:15 Referans Kwoze

Chivumbuzi 22:3

Ndipo kuti chikaŵangapo so cha chakutembeka chose: kweni chitengu-chaufumu chaku Chiuta ndi cha Mwana-mberere chiŵenge mwenimo; ndipo ŵaŵanda ŵake ŵamteŵetiyenge;

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

1 Mikoka 23:25

Pakuti Davidi wanguti, “Ambuya, Chiuta waku Yisraele wapaska chimangu ku ŵanthu ŵake; ndipo ŵaja mu Yerusalemu muyaya.

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

Chivumbuzi 11:19

Ndipo kasopi waku Chiuta kuchanya wangujurika; ndipo linguwoneka mu kasopi wake bokosi la phanganu lake; ndipo kunguŵapo malimphezi, ndi chibumuzi, ndi vidiririzi, ndi viyeuyeu, ndi matarara ghakuru.

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,

Chivumbuzi 4:4

Ndipo kwakuzunguliya chitengu-chaufumu cho kwenga vitengu-vyaufumu machumi ghaŵi pachanya vinayi, ndipo pa vitengu vyo ŵangujapo ŵara machumi ghaŵi pachanya ŵanayi, ŵakuvwara, minjirira yituŵa; ndi pa mitu yawo ndumbu zagolide.

ŴaHebere 8:1

Kweni mwaku vyenivyo vyakambika fundu yeneko njeniyi: te nayo Mzukuru Mura waviyo, mweniyo waja pasi ku marghe gha chitengu chaufumu ukurukuru mu machanya,

1 ŴaKorinte 3:16

Asi muziŵa kuti mwe kasopi waku Chiuta, ndikuti Mzimu waku Chiuta uja mwainu?

1 ŴaKaronga 6:13

Ndipo ndikajanga mukati mu ŵana ŵaku Yisraele, ndipo kuti ndikajowonga khamu langu Yisraele cha.”

Chituwa 29:45

Ndipo ndikajanga mukati mu ŵaYisraele, ndipo ndikaŵanga Chiuta wawo.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

ŴaLevi 26:11

Ine ndikajanga mukati mwaku imwe, ndipo kuti ndikakutinkhaninga cha.

Ezekiele 37:27

Malo ghangu ghakujamo ghakaŵanga ndi iwo; iwo ŵakaŵanga ŵanthu ŵangu, ndipo ine ndikaŵanga Chiuta wawo.

Chivumbuzi 4:8

Ndipo vyamoyo vyo vinayi vyose, chimoza ndi chimoza vyenga ndi mapapiku ghankhonde ndi limoza vyenga vyakuzazika ndi maso kwakuzunguliya ndi mukati viyo, ndipo msana ndi usiku kuti vipumuliya cha pakumba, “Mtuŵa, mtuŵa, mtuŵa, ndi Mbuya Chiuta, Wanthazizose, mweniyo wengako, walipo, ndipo watuza.”

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,

Chivumbuzi 13:6

Ndipo chingujura mlomo wake kutoza Chiuta, kutuka zina lake, ndi chihema chake, ndi wo ŵaja kuchanya.

Chivumbuzi 21:22

Kweni ndengavi kuwona kasopi mwenimo: chifukwa Ambuya Chiuta Wanthazizose ndi Mwana-mberere yo, ndi kasopi wake.