Chivumbuzi 6:15 - Tonga Bible 1986

¹⁵ ndipo ŵakaronga ŵa panupasi ndi ŵaraŵara, ndi zinduna, ndi ŵasambasi, ndi virimbi, ndi muŵanda yose ndi mwanangwa ŵangubisama mu zimphanji ndi mu majarawe gha mapiri,

Chivumbuzi 6:15 Referans Kwoze

Yesaya 2:19

Ŵanthu ŵazamusere mu zimphanji za majarawe ndi mazenje gha pasi, kuthaŵa ku chofyu cha Ambuya ndi ku unkhankhu wa ukaronga wake, penipo akasokanga kofya charu chapasi.

Yesaya 2:21

kusere mu zimphanji zitali zamajarawe ndi malijengwajengwa gha masendemu, kutuwako ku chofyu cha Ambuya, ndi ku unkhankhu wa ukaronga wawo, penipo akasokanga kofya charu chapasi.

Yesaya 2:10

Sereni mu jarawe, bisamani mu fuvu, kutuwako ku kofya kwa Ambuya, ndi ku unkhankhu wa ukaronga wake.

ŴaHebere 11:38

ŵeniwo charu chengavi kuŵenere, ŵakuyingayinga mu mabozwa ndi mu mapiri ndi mu zimphanji, ndi mu vibuwu vya charu.

Mika 7:17

ŵakanyanganga fuvu nge ndi njoka, ndi nge ndi vinthu vyakukwaŵa vyamu charu; ŵakatuwanga ndi chitenthe mu malinga ghawo, ŵakawerenga ndi mantha ku Ambuya Chiuta widu, ndipo ŵakawopanga chifukwa chaku imwe.

Yesaya 42:22

Kweni yaŵa mbanthu wo ŵakuŵabiya ndi kuŵapoka, wose wakuthyika viŵana mu mazenje ndi kubisika mu nyumba za magoŵa; ŵaŵa iwo nyama yakukoreka yambura wakuyitaska, vyakupokeka vyambura wakukamba kuti, “Wezgani!”

Sumu 76:12

yo wadumuwa mzimu ya mafumu; ngwakofya ku ŵakaronga ŵa charu chapasi.

1 Samuele 13:6

ŴaYisraele ŵanguti ŵawona kuti ŵafinyikizgika pakuti ŵangunyekezgeka ukongwa, ŵangubisama mu zimphanji, mu majarawi, mu masano, ndi mu zingarande,

Ŵeruzgi 6:2

Ndipo janja laku Midiyani linguŵa la nthazi pa ŵaYisraele ndipo chifukwa cha ŵaMidiyani, ŵaYisraele ŵangujichitiya mazenje gho ghemu mapiri, ndi zimphanji ndi malinga.

Chiyambo 3:8

Ndipo ŵanguvwa muswayo wa Ambuya Chiuta wachenda mu munda pa msana wakuzizila; ndipo munthu yo ndi muwoli wake ŵangubisama ku chisku cha Ambuya Chiuta mukati mu miti yamu munda.

Chivumbuzi 18:23

ndipo kungweruka kwa limbuni kuti kukaŵalanga mwako cha; mazu gha mweni-nthengwa chingana nga mwali-nthengwa kuti ghakavwikanga mwako naku cha pe; pakuti ŵamaronda ŵako ŵenga ŵanthu ŵakuvwika ŵa panupasi, ndipo ndi nyanga yako yingurandizgika mitundu yose.