Biblia Todo Logo
Bib sou entènèt

- Piblisite -




Chivumbuzi 6:12 - Tonga Bible 1986

12 Ndipo penipo wangubanuwa chizighiri chachinkhonde ndi chimoza, ndingulereska, ndipo kunguŵapo chiyeuyeu chikuru; dazi linguŵa lifipa ulaka nchigudulu chifipa, ndipo mwezi wa baraŵara unguŵa uli ndi ndopa;

Gade chapit la Kopi




Chivumbuzi 6:12
31 Referans Kwoze  

“Kweni sosonukweni pavuli pa suzgu ya mazuŵa gho dazi lifipiskikenge, mwezi urekenge kupaska kuŵala kwake, ndipo nyenyezi zimbotokenge kuchanya, ndi vyanthazi vyamu machanya visukuniskikenge;


Charu chiyaghayikenge paurongo pawo, machanya ghatenthemenge. Dazi ndi mwezi vifipenge, nyenyezi zifuŵiyenge.


Dazi ndi mwezi vifipenge, nyenyezi nazo zifuŵiyenge.


“Ndipo pazuŵa liya,” atiti Ambuya Chiuta, “nkhaserezganga dazi ndi msanapakati ndi kufipiska charu mu ukweru wa msana pakati.


Ndipo kunguŵapo malimphezi ndi kamphomezi, ndi vidiririzi; ndipo chinguŵapo chiyeuyeu chenichikuru, chakuti chengavi kuŵapo chiyeuyeu chikuru chaviyo kutuwa ku nyengo yo ŵanthu ŵanguŵiyapo pa charu chapasi.


Ndipo mu ora liya chinguŵapo chiyeuyeu chikuru mwakuti chigaŵa chachumi cha msumba wo chinguwa; ndipo mu chiyeuyeu cho ŵangubayika ŵanthu vikwi vinkhonde ndi viŵi. Ndipo ŵakujapo ŵangutenthemeskeka, ndipo ŵangupaska unkhankhu kwaku Chiuta wakuchanya.


Ndivwarika machanya ndi munkhorwe, chigudulu ndichu chakuvwinkha chawo.”


Ambuya ŵa maŵanja akachezga nganamwe, ndi kugunda ndi chidiririzi ndi mphomo yikuru, ndi kavuruvuru ndi chimphunga, ndi mlipu wa moto wakocha.


Ndipo mungelo yo wanguto supa yo ya chema, wanguyizaza ndi moto wa pa jochero lo, ndipo wanguyipong'a pa charu: ndipo vinguŵapo vidiririzi, ndi chibumuzi, ndi malimphezi, ndi chiyeuyeu.


Sono mwezi ukatimbanizgikanga lumwi likachitanga soni; pakuti Ambuya ŵa maŵanja akausanga pa phiri Zioni ndi mu Yerusalemu ndipo paurongo pa ŵara ŵake akavumbuwanga unkhankhu wawo.


Chifukwa mtundu uyukiyenge pa mtundu, ndi ufumu pa ufumu: ndipo viŵengepo vilala ndi viyeuyeu mu malo ndi malo;


Ndipo linguti laza ora lachinkhonde ndi chimoza, panguŵa mdima pa charu chose mpaka ora lachinkhonde ndi chinayi.


Ndipo onani, kunguŵapo chiyeuyeu chikuru; chifukwa mungelo wa Ambuya wangusika kuchanya, ndipo wanguza ndi wangugadabuwa mwa wo, ndipo wanguja ndeku pachanya pake.


Kweni kenturione yo, ndi wo ŵapamoza nayo ŵakulindizga Yesu, wachiwona chiyeuyeu ndi vyo vinguŵapo ŵangopa ukongwa, ndipo ŵanguti, “Nadidi mwenuyu ndi Mwana waku Chiuta.”


Kweni kutuwa ku ora lachinkhonde ndi chimoza kunguŵapo mdima pa charu chose mpaka ku ora lachinkhonde ndi chinayi.


Ndipo dambo la mapiri ghangu liundikenge, chifukwa dambo la mapiri lifikenge kurwande kwake; ndipo muthaŵenge nge ndimo munguthaŵiya chiyewu-yewu mu mazuŵa ghaku Uziya karonga waku Yuda. Ndipo Ambuya Chiuta wino wazenge, ndi ŵatuŵawose pamoza nayo.


Mazu ghaku Amosi, yo wenga yumoza wa ŵaliska ŵaku Tekoa, ghenigho wanguvwa ghakunena Yisraele mu mazuŵa ghaku Uziya karonga waku Yuda, ndi mu mazuŵa ghaku Yeroboamu, mwana waku Yoashi, karonga waku Yisraele. Kunguja virimika viŵi chenga chindazi chidiririzi.


Liŵanja lose la kuchanya likavundanga, ndipo uli ndi mapepara mitambo yikazingikanga. Liŵanja lawo lose likawanga, nge ndimo mani ghawiya kutuwa ku mphereska, nge ndi mani ghatuwa kutuwa ku mkuyu.


“Owe, Korazine we! Owe Betesaida we! Pakuti ne mu Turo ndi Sidoni vinguchitikamo vyanthazi vyakuchitika mwinu, mphanyi mu chigudulu ndi choto ŵakung'anamuka kali.


Mungelo wachinayi wangukuŵa, ndipo chigaŵa chachitatu cha dazi chingukosoreka, ndi chachitatu cha mwezi, ndi chachitatu cha zinyenyezi; mwakuti chigaŵa chachitatu cha ukweru chingufipiskika, ndi chigaŵa chachitatu cha msana kuti chingupereka kuŵala kwake cha, ndipo chigaŵa chachitatu cha usiku nacho so kuti chingupereka ukweru cha.


Mungelo wachinayi wangupunguliyambali yake pa dazi; ndipo kungupaskika kwaku lokuŵawuwa ŵanthu ndi moto.


Swiv nou:

Piblisite


Piblisite