Chivumbuzi 6:10 - Tonga Bible 1986

¹⁰ ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”

Chivumbuzi 6:10 Referans Kwoze

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Chivumbuzi 11:18

Yingukalipa mitundu yo, pakuti ndi nyengo yakuti kaze kandundu kinu, ndi nyengo yaza yakuti ŵakufwa ŵeruzgike, nyengo yakupaskiya mphotu ku ŵaŵanda ŵinu, ŵamchimi wo, ndi ku ŵakupaturika ŵinu, kwaku wo ŵatopa zina linu, ŵamana ndi ŵara; ndi nyengo yakwanangiya wo mbakwananga panupasi.”

ŴaRoma 12:19

Mwaŵakwanjiwa, mungajitayiya thayu cha, kweni ndereni malo ku kandundu kaku Chiuta; pakuti kwalembeka, “Thayu ndaku ine; ine ndamwerezgapo, watiti Mbuya.”

Sumu 9:12

Pakuti iwo wati ŵakumbuka wakutayiya thayu ndopa; kuliya kwa ŵakusuzgika kuti waruwa cha.

Chivumbuzi 3:7

“Ku mungelo wa mpingu wamu Filadelfia lembapo: ‘Vyenivi watiti Wakupaturika, Mneneska yo, mweniyo we ndi mjuriru waku Davidi, yo wajura, ndipo kuti yumoza wangajara cha, yo wajara, ndipo kuti yumoza wangajura cha.

Luka 21:22

Pakuti yagha ndi mazuŵa gha thayu kuti vifiskike vyose vyakulembeka.

Zekariya 1:12

Penipo mungelo wa Ambuya wanguti, ‘Ambuya ŵa maŵanja, kumbi mpaka zuŵanji murekenge kuŵa ndi lisungu pa Yerusalemu ndi pa misumba yaku Yuda, yo mungutundiya nayo virimika ivi machumi ghankhonde ndi viŵi (70)?’

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Chivumbuzi 18:24

Ndipo mwaku iyo ndimuzingusanirika ndopa za ŵamchimi ndi ŵakupaturika, inya ndi zaku wose wo ŵangubayika pa charu chapasi.”

Sumu 79:10

Yitifumbiyengenji mitundu, kuti, “Wepani Chiuta winu?” Mphanyi tawona kuti mwayisuzga mitundu, chifukwa cha kudika kwa ndopa za ŵateŵeti ŵinu!

1 Samuele 24:12

Ambuya ŵeruzge pakati paku ine ndi imwe, Ambuya ndiwo awezge thayu paku imwe kweni janja langu kuti limikanenge namwe cha.

Chivumbuzi 3:10

Pakuti wasungirizga mazu ghangu ghakuti, kunthiyangapo, nane so, nkhakusunganga ku ora la kesedu, lo likaziyanga pa charu chose, kwachesa wo mbakuja panupasi.

Chiyambo 4:10

Ndipo Ambuya anguti, “Nchine cho wachita? Mazu gha ndopa za mhurwa wako ghatindiliriya kutuwa ku nyata.

ŴaHebere 12:24

ndi kwaku Yesu, mwendapakati wa chipanganu chifya, ndi ku ndopa za chiwazga, zo zikamba ghamamphako kwakuruska zaku Abelu.

Danyele 12:6

Ndipo ndinguti ku yumoza yo wanguvwara bafuta, yo wenga pachanya pa maji gha mu msinji, “Kumbi umari wa vyakuziziswa ivi uŵengeko zuŵanji?”

Yesaya 61:2

kumemeza chirimika cha lisungu cha Ambuya, ndi zuŵa la thayu laku Chiuta widu; kuzangaruska wose ŵakutenje;

Sumu 35:17

Mpaka zuŵanji, Ambuya mulereskengeko waka? Nditaskeni ku nkhaza zawo, umoyo wangu ku zinkharamu!

Sumu 13:1

Mpaka zuŵanji Ambuya? Kumbi mundiruwenge muyaya? Mpaka zuŵanji mundibisiyenge chisku chinu?

Ŵeruzgi 16:28

Sono Samsoni wangudana ku Ambuya wanguti, “Ambuya mwe Chiuta, mundikumbuke, nditukupemphani, kenaka kamoza pe, Chiuta mwe, kuti ndichitikiye thayu pa ŵaFilisti pa limoza la maso ghangu ghaŵi.”

Danyele 8:13

Viyo ndinguvwa mtuŵa yumoza wakukamba, ndi mtuŵa munyake wakukamba kwaku yo wangukamba pakudanga, “Mpaka zuŵanji na chimarenge chiwona chakunena ndi sembe yakocha ya zuŵa ndi zuŵa, kwananga ko kupaska phasulu, ndi kupereka kwa malo ghakupaturika ndi liŵanja kudyakika ndi marundi?”

Sumu 119:84

Ndikalindizganga mpaka zuŵanji ndamteŵeti winu? Wo ŵatindizingizga mukaŵalanganga zuŵanji?

Luka 2:29

“Sono mfwatuweni muŵanda winu, Ambuya, mwa nkhani yinu, mu chimangu,

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

Chitenje 3:64

“Muŵawezge iwo, Ambuya, kwakuyana ndi nchitu ya manja ghawo.