Chivumbuzi 5:9 - Tonga Bible 1986

⁹ Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

Chivumbuzi 5:9 Referans Kwoze

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

Mateyu 26:28

chifukwa ili ndi ndopa zangu za chipanganu chifya, zakudikiya pa chifwa cha ŵanandi ku chireke cha vilakwa.

Sumu 40:3

Anguŵikamo sumu yifya mu mlomo wangu, sumu ya chitumbiku kwaku Chiuta widu. Ŵanandi ŵawonenge ndi ŵawopenge, ndipo ŵaŵikenge chigomekuzgu chawo mu Ambuya.

Chivumbuzi 14:6

Ndinguwona mungelo munyake wakuwuluka mude mukati, wakuŵa ndi evangeli wamuyaya kwachitauliya ŵakuja pa charu chapasi, ndi ku mtundu wose ndi fuku ndi karongororedu ndi khamu:

1 ŴaKorinte 6:20

chifukwa mungugulika ndi mtengu. Viyo mkankhuskiyeni Chiuta mu liŵavu linu.

Chivumbuzi 5:12

wo ŵakambanga ndi mazu ghakuru kuti, “Ngwakwenere Mwana-mberere yo wangubayika, kuronde nthazi, ndi usambasi, ndi zeru, ndimazaza, ndi rumbu, ndi unkhankhu, ndi thumbiku!”

Chivumbuzi 4:11

“Wakwenere ndimwe, Ambuyafwe Chiuta widu, kuvironde, unkhankhu, rumbu ndi nthazi: pakuti imwe munguvilenga vyose, ndipo chifukwa cha khumbu linu vinguŵako, ndipo vingwatika.”

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Mateyu 20:28

ulaka ndimo Mwana wa munthu kuti wanguziya kwachiteŵeteke cha, kweni kwachiteŵete ndi kupereka umoyo wake thumba lapa ŵanandi.”

Chivumbuzi 5:6

Ndipo ndinguwona pakati pa chitengu-chaufumu ndi vyamoyo vyo vinayi, ndi mukati mu ŵara wo, Mwana-mberere wakumapo, ulaka nge wangubayika, wakuŵa ndi sengwe nkhonde ndi ziŵi ndi maso ghankhonde ndighaŵi, ghenigho mbazimu ŵankhonde ndi ŵaŵi ŵaku Chiuta, ŵakutumika mu charu chose.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

ŴaKolose 1:14

mwaku mweniyo te nawo uwombozi kuchireke cha vilakwa.

ŴaEfeso 1:7

Mwaku mweniyo te nawo uwombozi mu ndopa zake, chireke icho cha mamphuru ghidu, kwakuyana ndi usambasi wa wezi wake,

1 Yohane 2:2

iyo nayo ndi mphepeska pa chifukwa cha vilakwa vidu; ndipo pa vidu pe cha, kweni so pa chifukwa chaku vya charu chose.

1 ŴaKorinte 7:23

Mungugulika mtengu; mungaŵanga ŵaŵanda ŵa ŵanthu cha.

Sumu 149:1

Rumbani Ambuya! Mbiyani Ambuya sumu yifya; arumbeni mu unganu wa ŵakongorekwa ŵawo!

Sumu 33:3

Ambiyeni sumu yifya, mbani kwa umampha pa malisinga, ndi kukambura kukuru.

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.

Chivumbuzi 11:9

Ndipo ŵanthu ŵamu makhamu ndi mafuku ndi marongororedu ndi mitundu ŵamlereska vitanda vyawo mazuŵa ghatatu ndi nusu, ndipo kuti ŵamzomera cha kuti vitanda vyawo viŵikike mu muunda.

Sumu 144:9

Ndimbiyenge imwe sumu yifwa, A Chiuta; ndimbiyenge imwe pa bangwi wa malisinga chumi, ndimbiyenge imwe sumu yifwa, A Chiuta;

Sumu 98:1

Mbiyani Ambuya sumu yifya, chifukwa achita vyakuziziswa! Janja lawo lamarghe ndi mkono wawo utuŵa vyaŵapaska upundi.

Sumu 96:1

Mbiyani Ambuya sumu yifya; mbiyani Ambuya, mose mwa ŵa charu chapasi!

Danyele 3:4

Viyo wakumemeza wangudanirizga ukongwa kuti, “Kwalangulikiya imwe, mwa ŵanthu, mitundu yose, makambidu ghose,

Yesaya 42:10

Mbiyani Ambuya sumu yifya, marumbu ghawo kutuwa ku chigoti cha charu chapasi! Nyanja yiwurume ndi vyose vyakuyizaza, vyaru vyamu malikumba ndi ŵakujamo ŵake

ŴaHebere 11:14

Chifukwa ŵeniwo ŵakamba ghaviyo, ŵarongo kuti mbakupenja charu cha uskeu.

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

Danyele 6:25

Ndipo karonga Dariusi wangulemba ku ŵanthu wose, mitundu ya ŵanthu, ndi makambidu, ŵakuja mu charu chose: “Chimangu chandaniskike kwaku imwe.

Danyele 4:1

Karonga Nebukadanezara ku ŵanthu, mitundu, ndi makambidu; ŵakuja mu charu chose chapasi; Chimangu chandaniskike kwaku imwe!

Danyele 5:19

ndipo chifukwa chakuzirwa ko wangumupaska, ŵanthu wose, mitundu ya ŵanthu, ndi makambidu ŵangutenthema ndi kopa paurongo pake. Yo wangukhumba kubaya, wangubaya, ndipo yo wangukhumba kusunga, wangumsunga wamoyo. Yo wangukhumba kumsoska, wangumsoska; ndipo yo wangukhumba kusiska, wangumsiska.

ŴaEfeso 5:19

ndi kukambirana mu buku la Sumu, ndi mu sumu, ndi mu sumu zamzimu, pakumbiya ndi ghankhoŵera mu mtima winu ku Ambuya,

Chivumbuzi 10:11

Ndipo wangunena nane, “Kutenere iwe kuchimiya vyapa makamu ndi mitundu ndi marongororedu ndi ŵakaronga.”

Chivumbuzi 13:7

Ndipo kungupaskika kwaku cho kurwana ndi ŵakupaturika wo, ndi kuŵapunda. Ungupaskika kwaku cho mtufupa fuku lose ndi khamu ndikarongororedu ndi mtundu.

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Chivumbuzi 17:15

Ndipo mungelo wangunena nane, “Maji gho unguwona, po waja munthukazi-mureŵi yo, ndigho makamu, ndi mizinda, ndi mitundu, ndi marongororedu.