Chivumbuzi 3:19 - Tonga Bible 1986

¹⁹ Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

Chivumbuzi 3:19 Referans Kwoze

1 ŴaKorinte 11:32

Kweni pakweruzgika tilangika ndi Mbuya, alinga kuti tingasuskikiya pamoza ndi charu cha.

Chivumbuzi 2:5

Viyo kumbuka ko wapaghamuka, ndipo ng'anamuka, ndi chitanga nchitu zako zakudanga. Vinu ndingaza ndi kutuzgapo chikoleru-nyali chako pa malo ghake, asani ureka kupe.

Jobu 5:17

“Wona wakukondwa ndi munthu yo wachenyeka ndi Chiuta, chifukwa ichi ungayeyanga cha kulanga kwa Wanthazi zose.

2 ŴaKorinte 7:11

Chifukwa, wonani vyo rwana la chisungu cha uchiuta charongo mukati mwinu, chingutataliya mwinu phamphu lakutinji, ndi chikwiya chakutinji, ndi wofi wakutinji, ndi linweka lakutinji, ndi rwana lakutinji, ndi thayu lakutinji! Mwaku chose mungujisimikiya kuŵa ŵakhovu mu nkhani yo.

Yeremiya 31:18

Ndamuvwa Efraimu wachichita chitima, ‘Mungundidikiska ndipo ndingudikiskika, nge ndi thole lambura kusambizgika; ndiwezgeni alinga kuti ndiŵe nge ndi kali pakuti imwe ndimwe Ambuya Chiuta wangu.

Yeremiya 10:24

Ambuya, ndisuskeni, ndi mweso wa urunji; mu ukari winu cha, vinu mungandimarizga.

Yeremiya 7:28

Ndipo wamkuti kwaku wo, ‘Uwu ndi mtundu weniwo wengavi kuvwiya mazu gha Ambuya Chiuta wawo, ndipo kuti ŵanguronde langulu cha; uneneska wamara; ukudumulikako ku milomo yawo.

Yesaya 26:16

Ambuya mwe, mu suzgu ŵangukupenjani, ŵangupereka rombu, penipo likhwechu linu lenga paku iwo.

Nthanthi 22:15

Ubereŵeza ukumangika mu mtima wa mwana, kweni ndodo yakuchenjezga yitindidikiskiya kutali ndi iyo.

Nthanthi 15:32

Mweniyo wakana kusambizgika watijiyuyuwa; kweni mweniyo waphwere kuchenyeka wasaniya kuwamo.

Sumu 69:9

Kujipereka kwangu ku nyumba yinu kukole nge ndi moto mukati mwangu, ndipo matozu gha ŵakutoza imwe ghawa paku ine.

Sumu 39:11

Po mulanga munthu ndi kumuchenya chifukwa cha uheni, muparghang'a nge ndi fufuzi cho kwake nchakwanjiwa; kwakuneneska munthu yose nkhamvuchi kawaka!

Marangu 8:5

Viyo muziŵe mu mtima winu kuti nge ndimo munthu walangiya mwana wake, ndimo Ambuya Chiuta winu wamulangiyani.

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

ŴaRoma 12:11

Mureke kuŵa ŵakata mu machitidu ghinu, muŵe ŵamphamphu mu mzimu, teŵetiyani Ambuya.

Yeremiya 30:11

Pakuti nde nawe pamoza kukutaska, atiti Ambuya; ndikamaranga kwakufikapo mitundu yose mwaku yeniyo ndingukumbininiskani, imwe kuti ndikamumariyaninga limu cha. Ndikakulanganinga mwakwenere, kweni kuti ndikakusiyaninga waka ŵambura kulangika cha.

Sumu 94:10

Ndiyo wendi mtufu pa mitundu, asi wangatondeka kuŵalanga? Ndi musambizgi wa ŵanthu wose, kumbi kuti waziŵa cha?

Sumu 6:1

A Chiuta, mungandichenyanga mu ukari winu, nanga nkhundilanga mu kandundu kinu.

2 Samuele 7:14

Ndikaŵanga wiske, iyo wakaŵanga mwana wangu, asani walakwa, ndimulangenge ndi nthonga ya ŵanthu ndi malikwechu gha ŵana ŵa ŵanthu;

2 ŴaKorinte 6:9

nge mbambura kuziŵika, kweni ŵakuziŵikwadi; nge mbakuziririka, ndipo, wonani, te ŵamoyo; nge mbakulangika, kweni ŵakubayika cha;

Yohane 2:17

Ndipo ŵasambizi ŵake ŵangukumbuka kuti kungulembeka, “Rwana la nyumba yinu lindirghenge.”

Nthanthi 15:10

Pe kulangika kuzitu kwaku yo wareka nthowa; mweniyo watinkha kuchenyeka wakafwanga.

ŴaGalatia 4:18

Nadi nkhwakwenere kuti muchitenge chamampha nyengo zose, penipo nde namwe pamoza pe cha.

Zefaniya 3:2

Kuti uvwiya mazu cha, ukana kususkika. Ugomezga mwa Ambuya cha, kuti undere kwaku Chiuta wake cha.

Yeremiya 2:30

Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

Mateyu 25:7

Sono zinguyuka mbeta zo zose, ndi zingunozga nyali zawo.