Chivumbuzi 3:15 - Tonga Bible 1986

¹⁵ “ ‘Ndiziŵa nchitu zako, kuti iwe we wakuzizira pamwenga wakocha cha: mphanyi wenga wakuzizira, pamwenga wakocha.

Chivumbuzi 3:15 Referans Kwoze

ŴaRoma 12:11

Mureke kuŵa ŵakata mu machitidu ghinu, muŵe ŵamphamphu mu mzimu, teŵetiyani Ambuya.

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.

Yakobe 1:8

ndi munthu wa mtima wapaŵi, wakusaŵasaŵa mu mendedu ghake ghose.

1 ŴaKaronga 18:21

Ndipo Eliya wanguza pafupi ndi ŵanthu wose, wanguti, “Mpaka zuŵanji mwendenge ŵakuganthiyaganthiya ndi makhumbo ghaŵi ghakupambana? Asani Ambuya ndiwo Chiuta, murundoni, kweni asani ndi Bala, iku rondoni mweniyo.” Ndipo ŵanthu kuti wangumwamuka nanga ndi mazu cha.

Chivumbuzi 2:4

Kweni cho ndimikana ndi iwe nchakuti wareka chanju chako chakudanga.

Mateyu 24:12

Ndipo pakuti wandaniskikenge uchikana marangu, chizizirenge chanju cha ŵanandi.

Nthanthi 23:26

Wa mwana wangu, undipaske mtima wako, ndipo ughachite maso ghako ghateske nthowa zangu.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

ŴaFilipi 1:9

Ndipo chenichi ndiromba, kuti chanju chinu chikiyekiye ukongwako mu mziŵiru ndi kuwamo kose;

2 ŴaKorinte 12:20

Chifukwa nditopa kuti vinu ndichiza, ndingasaniya imwe nge ndimo kuti ndikhumbiya cha, ndipo ine ndingasanirika namwe nge ndimo kuti mukhumbiya imwe cha; vinu kokuli pangaŵa ndeu, sanji, vikwiya, magaukanu, kusuza, mitokutoku, matukutuku, vimtimbaheka.

Mateyu 10:37

Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha.

Marangu 5:29

Mtima wa viyo wenga mwaku iyo mazuŵa ghose kundopa ndi kusunga marangu ghangu ghose, mwakuti kuŵaŵiye kwamampha iwo ndi ŵana ŵawo muyaya!

Chivumbuzi 3:1

“Ndipo ku mungelo wa mpingu wamu Sardisi ulembe: ‘Vyenivi watiti mweniyo we nawo ŵazimu ŵankhonde ndi ŵaŵi ŵaku Chiuta, ndi nyenyezi nkhonde ndi ziŵi. “ ‘Ndiziŵa nchitu zako, we nalo zina lakuti we wamoyo penipo we wakufwa.

Chivumbuzi 2:2

“ ‘Ndiziŵa nchitu zako, kutakataka kwako ndi unkhunthiya, ndiziŵa kuti ungakunthiyapo ndi ŵanthu ŵaheni cha, ndi kuti unguŵesa wo ŵatijitamula ŵakutumika, kweni kuti mbaviyo cha, ŵabowozgeka kuti mbatesi;

2 ŴaTesalonika 1:3

Titenere kumwonga Chiuta nyengo zose pa chifukwa chinu, mwa ŵabali; uli ndimo nadi nkhwakwenere, pakuti chikuliyakuliya ukongwa chivwanu chinu, ndipo chanju chaku mose, yumoza ndi yumoza, chifurwiya yumoza ku munyake;

Hoseya 10:2

Mtima wawo ngutesi, sono ŵatenere kusanirika ndi kafukwa. Ambuya agumuliyenge pasi majochero ghawo, ndi kubwanganduwa vikozgo vyawo.

1 ŴaKorinte 16:22

Asani munthu wareka kwanja Ambuya, waŵe wakutembeka. Ambuyafwe ŵatuza.

Hoseya 7:8

Efraimu watijisazga ndi mitundu yinyake; Efraimu nchiŵande chambura, mang'anamulika.

Chivumbuzi 3:16

Viyo pakuti we wakufunda ŵaka, ndi wakocha chingana ngwakuzizira cha, ndikhumba kukuwukuwa mu mlomo wangu.