Chivumbuzi 3:14 - Tonga Bible 1986

¹⁴ “Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

Chivumbuzi 3:14 Referans Kwoze

ŴaKolose 1:15

Ndiyo chikozgu chaku Chiuta wambura kuwoneka, wakupapika danga wa ulengi wose.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

ŴaKolose 1:18

Ndiyo mutu wa liŵavu lake, ndilo eklesiya lo; ndiyo chandiru wakupapika danga wakutuwa ku ŵakufwa; alinga kuti mwaku vyose waŵe iyo wakuzungura.

2 ŴaKorinte 1:20

Chifukwa mapanganu ghose ghaku Chiuta, ghasaniya inya wawo mwaku iyo, muchifukwa ichi tikamba, Ameni, mwaku iyo, tichikambiya ku unkhankhu waku Chiuta.

Chivumbuzi 3:7

“Ku mungelo wa mpingu wamu Filadelfia lembapo: ‘Vyenivi watiti Wakupaturika, Mneneska yo, mweniyo we ndi mjuriru waku Davidi, yo wajura, ndipo kuti yumoza wangajara cha, yo wajara, ndipo kuti yumoza wangajura cha.

Chivumbuzi 22:13

Ine ndine Alfa ndi Omega, wakudanga ndi wakumariya yo, chandu ndi umari.”

Chivumbuzi 19:11

Ndipo ndinguwona kuchanya kwakujurika; ndipo, onani, kavalo wakuti tu, ndi mweniyo wangugara pake wanguzumbulika, Wamagomekezgeka ndi Mneneska; pakuti mu urunji wateruzga ndi waturwa.

Yeremiya 42:5

Sono iwo ŵanguti kwaku Yeremiya, “Ambuya aŵe kaboni mumeneska ndi wamagomekezgeka paku ifwe asani tirekenge kuchita kwakuyana ndi mazu ghose gho Ambuya Chiuta wako watukutuma kwaku ifwe.

Yesaya 65:16

Viyo kuti yo watijitumbika mu charu wakajitumbikanga mwaku Chiuta wa uneneska, ndipo yo wachita rapu mu charu wakarapiyanga mwaku Chiuta wa uneneska; chifukwa masuzgu ghakudanga gharuwika ghabisika kwangu ku maso.

Nthanthi 8:22

Ambuya ŵangundilenga pa mtendeko wa mlimu wawo, mlimu wawo wanchitu zawo za mwaka.

Chivumbuzi 22:6

Ndipo wangunena nane, “Mazu yagha ngamagomekezgeka ndi ghakuneneska; ndipo Mbuya Chiuta wa mizimu ya ŵamchimi watuma mungelo wake kuŵarongo ŵaŵanda ŵake vyenivyo vitenere kuŵapo ruŵi.

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Chivumbuzi 1:11

ghakuti, “Cho uwona lemba mu buku, ndi utume ku mipingu yinkhonde ndi yiŵi; ku Efeso, ku Smurna, ku Pergamo, ku Thiatira, ku Sardisi, ku Filadelfia, ndi ku Laodikea.”

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.

ŴaKolose 4:16

Ndipo asani kalata uyu waŵerengeka mwaku imwe, panikizgani ndi kuti waŵerengeke so ku mpingu waku Laodikea, ndikuti namwe so muŵerenge yo watuwa ku Laodikea.

ŴaKolose 2:1

Chifukwa ndikhumba muziŵe mlimbalimba weni ukuru wo nde nawo chifukwa chinu, ndi chifukwa chaku wo ŵamu Laodikea, ndi chifukwa chaku wo wose ŵalive kuwona chisku changu,

Yesaya 55:4

Ehe, ndingumuchita kuŵa kaboni ku ŵanthu, murongozgi ndi wakulamula, wa ŵanthu.

Chiyambo 49:3

“Rubene, ndiwe waumwali wangu, kulimba kwangu, ndi vipasi vyakudanga vya likongonu langu, wakuziŵikwiya limu mu kujikuzga, wakuziŵikwiya limu mu nthazi.

Marangu 21:17

Kweni wamutumbikenge wakudanga kupapika, mwana wa wakutinkhika, pakumupaska vigaŵa viŵi vyaku vyose vyo we navyo, pakuti ndiyo ndopa zake zakudanga, mazaza gha wakupapika wakudanga ndi ghake.

Nthanthi 14:5

Kaboni mukongolekwa kuti wanama cha, kweni kaboni mutesi wapingiya maboza kubwalo.

Yohane 1:3

Vyose vingulengeke mwaku iyo; ndipo kwambura iyo kuti kangulengeka cha chingana nkhanthu kamoza ko kaŵapo.

Yohane 8:14

Yesu wangwamuka, wangŵanene, “Chingana ndijisimikizgiya, ndamweni, chisimisimi changu nchakuneneska; pakuti ndiziŵa ko ndikutuwa, ndi ko nditiya; imwe kuti muziŵa ko ndikutuwa, pamwenga ko nditiya cha.