Chivumbuzi 22:6 - Tonga Bible 1986

⁶ Ndipo wangunena nane, “Mazu yagha ngamagomekezgeka ndi ghakuneneska; ndipo Mbuya Chiuta wa mizimu ya ŵamchimi watuma mungelo wake kuŵarongo ŵaŵanda ŵake vyenivyo vitenere kuŵapo ruŵi.

Chivumbuzi 22:6 Referans Kwoze

Chivumbuzi 1:1

Uvumbuzi waku Yesu Kristu, weniwo Chiuta wangumpaska kuŵarongo ŵateŵeti ŵake vinthi vyo vitenere kuŵapo ruŵi: ndipo wanguusimikizgiya pakuwutumizgiya mu mungelo wake ku mteŵeti wake Yohane;

Chivumbuzi 21:5

Mweniyo wajanga pa chitengu-chaufumu cho wanguti, “Awonani; ndizghora vinthu vyose viŵe vifya.” Ndipo wanguti, “Lembapo: pakuti mazu yagha ngamagomekezgeka ndi ghakuneneska.”

Chivumbuzi 19:9

Ndipo wangunena nane, “Lembapo: Mbamwaŵi wo mbakudanikiya ku dghera la nthengwaya Mwana-mberere.” Ndipo wanena nane, “Ghenagha ndi mazu ghakuneneska ghaku Chiuta.”

2 Petro 1:21

Chifukwa kuti umchimi wengavi kuza kali ndi khumbo la munthu: kweni ŵanthu ŵakambanga gho ghatuliyanga kwaku Chiuta, pakututuzgika ndi Mzimu Wakupaturika.

Machitidu gha Ŵakutumika 3:18

Kweni vyenivyo Chiuta wangutauliya limu mu milomo ya ŵamchimi wose, kuti Kristu wake wakomwenge, wafiska iyo viyo.

Luka 1:70

(nge ndimo wangukambiya ndi mlomo wa ŵamchimi ŵake wakupaturika kutuwa ku muyaya)

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

2 Petro 3:2

kuti mukumbukedi manenedu gho ghangukambikiya limu ndi ŵamchimi ŵakupaturika, ndi langulu so la Ambuya ndi Mtaski lakukambika ndi ŵakutumika ŵinu.

ŴaHebere 12:9

Ndipo so, taŵanga nawo auskefwe ŵakuchiri ku liŵavu lidu, wo ŵangutilanga, ndipo taŵaphwerenga: asi ukongwa viŵi tikatheranga ku Tate wa ŵazimu, ndi kuŵa ndi umoyo?

ŴaRoma 1:2

uthenga wo wangupangizga ŵamchimi ŵake kali mu malembo ghakupaturika;

Chivumbuzi 22:7

Ndipo onani, ndituza ruŵi.” Ngwakutumbikika yo wasungirizga mazu gha umchimi wa buku lenili.

1 ŴaKorinte 14:32

ndipo mizimu nayo ya ŵamchimi yithereskeka ku ŵamchimi.

Mateyu 13:41

Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu,

Chiyambo 41:32

Ndipo kulota kwa kaŵi kwa loto laku Farao kung'anamuwa kuti chinthu ichi chanozgeka ndi Chiuta, ndipo Chiuta wakachichitanga sosonokweni.

Luka 16:16

“Langulu lo ndi ŵamchimi wo ŵengako mpaka Yohane: kutuwa kweniko ufumu waku Chiuta umemezeka, ndipo yose waphatikizgamo nthowa zake.

Danyele 6:22

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

2 ŴaTesalonika 1:7

ndi kwaku imwe mwaŵakusuzgika chigowoke pamoza nafwe, pa uvumbuzi wa Ambuya Yesu kutuwa kuchanya pamoza ndi ŵangelo ŵa nthazi yake, mu moto wakulipuka,

1 ŴaKorinte 7:29

Kweni chenichi ndititi, mwa ŵabali, nyengo njakufupiskika; viyo kwanda sono wo mbakuŵa ndi ŵawoli ŵaŵe nge mbakuŵavi.

Machitidu gha Ŵakutumika 12:11

Ndipo pakuzizimuka Petro watinge, “Sono ndiziŵiska kuti Mbuya watuma mungelo wake, ndipo wanditaska mu janja laku Herode, ndi ku chilereze chose cha khamu la ŵaYuda.”

Chivumbuzi 4:1

Pavuli paku vyenivi ndingulereska, ndipo, wonani, khomu lingujurika kuchanya, ndipo liu lakudanga lo ndinguvwa lenga ulaka nda mbata yakukamba nane, “Kwere kuno, mwakuti ndikurongo vyo vitenere kuŵapo pavuli.”

Chivumbuzi 21:9

Ndipo wanguza yumoza wamu ŵangelo wo ŵankhonde ndi ndi ŵaŵi, wo ŵenga ndi mbali nkhonde ndi ziŵi za kuzazika ndi videru vinkhonde ndi viŵi vyakumariya vyo; ndipo wangukamba nane, wakuti, “Yiza kuno! Ndikurongo mwali-nthengwa yo muwoli wa Mwana-mberere yo.”

Chivumbuzi 22:1

Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

Chivumbuzi 22:16

“Ine nda Yesu ndatuma kwinu mungelo wangu kumsimikizgiyani vinthu ivi mu mipingu. Ine ndine nkhorozu ndi mbumba yaku Davidi, ndi thondu lakuŵara la mlenji.”