Chivumbuzi 22:4 - Tonga Bible 1986

⁴ ndipo ŵawonenge chisku chake: zina lake liŵenge pa mphumi zawo.

Chivumbuzi 22:4 Referans Kwoze

Chivumbuzi 14:1

Ndipo ndingulereska, ehe, Mwana-mberere wanguma pa phiri Zioni, ndipo pamoza nayo penga vikwi machumi pe chumi ndi machumi ghanayi ndi vinayi (144,000) wo ŵenga ndi zina lake, ndi zina la Awiske, lakulembeka pa mphumi zawo.

Mateyu 5:8

“Mbakutumbikika ŵakutowa mu mtima: pakuti iwo ŵawonenge Chiuta.

Chivumbuzi 3:12

Yo wapunda nkhamuchitanga mzati mu kasopi waku Chiuta wangu, ndipo kuti wakatuwangamo so cha; ndipo nkhalembanga pake zina laku Chiuta wangu, ndi zina lamsumba waku Chiuta wangu, Yerusalemu mufya, yo wasika kutuwa kuchanya kwaku Chiuta wangu, ndi zina langu lifya.

Jobu 33:26

Viyo munthu waromba kwaku Chiuta, ndipo watimuronde, watuza pa maso ghake ndi chimwemwe. Wanene ŵanthu ndi kutaskika kwake,

ŴaHebere 12:14

Rondoni chimangu kuchiri kwaku wose, ndi utozi nawo, wambura weniwo paŵengevi yumoza wamuwona Mbuya.

Chivumbuzi 7:3

wakuti, “Mungapwetekanga cha charu, chingana ndi nyanja, chingana ndi vimiti, mpaka po taŵazighiriya ŵaŵanda ŵaku Chiuta widu pa mphumi zawo.”

1 ŴaKorinte 13:12

Chifukwa sono tiwona kazimuzimu nge ndimo tilereske, pa chakuwonapo (galasi) kwakusachizga kweni penipa tazamuwonana chisku ku chisku, sono ndiziŵa kwamalinga; kweni penipa nkhaziŵisiskanga uli ndimo ndaziŵikwiya.

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Yesaya 33:17

Maso ghinu ghakawonanga karonga mukutowa kwake; ghakawonanga charu chisani ukongwa.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Yesaya 40:5

Ndipo unkhankhu wa Ambuya ukavumburikanga, ndipo nyama yose yikawuwoniyanga pamoza, pakuti mlomo wa Ambuya warongoro.”

Sumu 4:6

Mbanadi wo ŵatiti, “Owe mphanyi tinguwona cho nchamampha! Kwezgiyani kungweruka kwa chisku chinu paku ifwe, A Chiuta!”

Yesaya 35:2

likachitanga maluŵa ghakupasiya; uli ndi hanyezi likachitanga maluŵa ghanandi. Kusangaruka ndi likondwa ndi kumba, unkhankhu wa Lebanoni ukapaskikanga kwaku lo, kuziza kwa Karmele ndi Sharoni. Ŵakawonanga unkhankhu wa Ambuya, kuziza kwaku Chiuta widu.

Ezekiele 33:23

Ghangundiziya mazu gha Ambuya:

Sumu 42:2

Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?