Chivumbuzi 22:12 - Tonga Bible 1986

¹² “Awonani, nthuza ruŵi; ndipo mphotu yangu nde nayo pamoza nane, kumpaska yose uli ndimo yiriri nchitu yake.

Chivumbuzi 22:12 Referans Kwoze

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Yesaya 62:11

Ehe, Ambuya amemeza mpaka ku chigoti cha charu chapasi: Kamba ku ŵanthu ŵaku Zioni, “Ehe mtaski winu watuza, awonani, wapinga mphoto yeniyo wakakuwomboliyaninga nayo.”

Yesaya 40:10

Ehe, Ambuya Chiuta watuza ndi kulimba, ndipo janja lake litimuwusiya, ehe, mphoto yake yendi iyo, ndipo lipira, lake le paurongo pake.

1 ŴaKorinte 3:14

Asani nchitu ya munthuyo wazenga pa chiŵanja cho yijaririyenge, wakarondenga mphotu.

1 ŴaKorinte 3:8

Ndipo wakupanda ndi wakudiriya maji mbamoza: kweni yose wajirondiyenge mphotu yaku yija kwakulingana ndi chitakataka chaku yija.

Chivumbuzi 22:7

Ndipo onani, ndituza ruŵi.” Ngwakutumbikika yo wasungirizga mazu gha umchimi wa buku lenili.

ŴaRoma 14:12

Viyo na, munthu ndi munthu waku ifwe wajikambiyenge kwaku Chiuta mazu ghapa mtima waku yija.

Chivumbuzi 11:18

Yingukalipa mitundu yo, pakuti ndi nyengo yakuti kaze kandundu kinu, ndi nyengo yaza yakuti ŵakufwa ŵeruzgike, nyengo yakupaskiya mphotu ku ŵaŵanda ŵinu, ŵamchimi wo, ndi ku ŵakupaturika ŵinu, kwaku wo ŵatopa zina linu, ŵamana ndi ŵara; ndi nyengo yakwanangiya wo mbakwananga panupasi.”

Chivumbuzi 20:12

Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo.

Chivumbuzi 22:20

Mweniyo wasimikizga vyenivi watiti, “Inya nthuza ruŵi.” Ameni. Zaninge, Ambuya Yesu.

Zefaniya 1:14

Zuŵa la Ambuya likuru le pafupi, laŵandika, lituza ruŵi; chiwawa cha zuŵa la Ambuya nchakuŵaŵa. Chinkhara chiliyenge ukongwa kwenikuwa.

Jobu 34:11

Chifukwa wamuwezgiyenge munthu kwakuyana ndi nchitu yake, ndi wakamuchitiyanga munthu kwakuyana ndi kayendero kake.

Sumu 28:4

Ŵapaskeni kwakulingana ndi nchitu yawo, ndi kwakulingana ndi uheni wa vyakuchita vyawo; ŵapaskeni kwakuyana ndi nchitu ya manja ghawo; ŵawezgiyeni mphoto yo njakuŵenere.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

Chivumbuzi 3:11

Nthuza ruŵi: koreska cho we nacho, alinga kuti paŵevi yumoza wakupoka ndumbu yako.