Chivumbuzi 21:7 - Tonga Bible 1986

⁷ Yo wapunda waharenge vyenivi; ndipo ndimuŵiyenge Chiuta, ndipo iyo wandiŵiyenge mwana.

Chivumbuzi 21:7 Referans Kwoze

2 ŴaKorinte 6:18

ndipo nkhaŵiyanga imwe Dada, ndipo imwe mwamkundiŵiya ŵana ŵanthurumi ndi ŵana ŵanthukazi, watiti Mbuya Wanthazizose.”

ŴaHebere 8:10

Pakuti chenichi nchipanganu chenicho ndichitenge ndi nyumba yaku Yisraele pavuli pa mazuŵa yagha, atiti Ambuya: ndiŵikenge marangu ghangu mu vinjeru vyawo, ndipo pa mitima yawo ndighalembenge; ndipo ndiŵaŵiyenge Chiuta, ndipo iwo ŵandiŵiyenge khamu:

Chivumbuzi 21:3

Ndinguvwa mazu ghakuru kutuliya ku chitengu-chaufumu cho, ghakuti, “Awonani, hema lo laku Chiutale mukati mu ŵanthu, ndipo wagoŵiyenge mukati mwawo, ndipo iwo ŵaŵenge makamu ghake, ndipo Chiuta iyo waŵenge pamoza nawo, Chiuta wawo.

Chivumbuzi 2:11

Mweniyo we ndi gutu, wavwenge cho Mzimu ukamba ku mipingu. Yo wapunda kuti wakapwetekekanga kose cha ndi nyifwa yo yachiŵi.’

Mateyu 25:34

Sono karonga yo wakaneniyanga ŵaku marghe, ‘Zaninge, mwaŵakutumbika ŵa Ada, harani ufumu wakurongosoleke imwe kutuwa ku mtendeku wa charu:

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Mateyu 19:29

Ndipo yose yo wasiya zinyumba, pamwenga ŵabali, ŵazichi, wiske, nyina, ŵana pamwenga vyaru, pa chifukwa cha zina langu, wamronde mbwerezga ya machumi pe chumi, ndipo waharenge umoyo wamuyaya.

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Zekariya 8:8

ndizenge nawo ndipo ŵajenge mukati mu Yerusalemu; ŵaŵenge ŵanthu ŵangu, Ine ndiŵenge Chiuta wawo, mu uneneska ndi mu urunji.”

Nthanthi 3:35

Ŵazeru ŵakaharanga ulemu, kweni ŵakupusa ŵaronde chilengesku.

1 Samuele 2:8

Akwezga mkavu kutuwa ku fuvu; asoske pachanya ŵaumphaŵi kutuwa kuchiza, kuŵajariska pamoza ndi ŵana ŵa mafumu ndi kuŵahariska mpando wa chitumbiku. Pakuti viŵanja vya charu chapasi vya Ambuya ndipo pakuvyo achimika charu.

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.

Chivumbuzi 2:25

Mbwenu, cho mwenacho, koreskani mpaka ndizenge.

Marko 10:17

Ndipo wachituliya iyo ku nthowa, wanguchimbiriyako yumoza, ndipo wakumlambiya wangumfumba, “Msambizgi wamampha, nkhachitanga chine kuti ndihare umoyo wamuyaya.”

Yesaya 65:9

Ndikatuzganga mphapu mwaku Yakobe; ndi mwaku Yuda wakuhara mapiri ghangu; ŵakusankhika ŵangu ŵakaharanga, ŵateŵeti ŵangu ŵakajanga mwenimuwa.

Chiyambo 17:8

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

2 Samuele 7:14

Ndikaŵanga wiske, iyo wakaŵanga mwana wangu, asani walakwa, ndimulangenge ndi nthonga ya ŵanthu ndi malikwechu gha ŵana ŵa ŵanthu;

Sumu 89:26

Wakakambanga nane, ‘Imwe ndimwe Ada ndi Chiuta wangu; ndimwe muvikiriyi wangu ndi mtaski wangu.’

Mateyu 25:21

Mbuyake wangumnene. ‘Nchamampha muŵanda we wamampha ndi wamagomekezgeka; waŵa wamagomekezgeka pa vinthu vimanavi; pa vinandi ndikuŵikenge: sere muchimwemwe cha mbuyako.’

ŴaRoma 8:14

chifukwa ŵeniwo wose ŵarongozgeka ndi Mzimu waku Chiuta, yiwo mbana ŵaku Chiuta.

ŴaRoma 8:19

Pakuti chilereze chakunweka cha ulengi chilindizga kuvumbulika kwa ŵana ŵaku Chiuta.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.