Chivumbuzi 21:5 - Tonga Bible 1986

⁵ Mweniyo wajanga pa chitengu-chaufumu cho wanguti, “Awonani; ndizghora vinthu vyose viŵe vifya.” Ndipo wanguti, “Lembapo: pakuti mazu yagha ngamagomekezgeka ndi ghakuneneska.”

Chivumbuzi 21:5 Referans Kwoze

2 ŴaKorinte 5:17

Ndiviyo asani yumoza we mwaku Kristu, nchakulengeka chifya: vyakale vyarutapo; awonani, vyaza vifya.

Yesaya 42:9

Ehe, vinthu vya kale vyafiskika, sono ndiziŵiska vinthu vifya; vyenga vindawoneke nditivitaula kwinu.” Sumu yifya ku Ambuya

Yesaya 43:19

Ehe, ndichita chinthu chifya; sono chifwatapuka, kuti mutichiteska cha? Ndikachitanga nthowa mu bozwa ndi misinji mu bozwa.

Chivumbuzi 19:9

Ndipo wangunena nane, “Lembapo: Mbamwaŵi wo mbakudanikiya ku dghera la nthengwaya Mwana-mberere.” Ndipo wanena nane, “Ghenagha ndi mazu ghakuneneska ghaku Chiuta.”

Chivumbuzi 22:6

Ndipo wangunena nane, “Mazu yagha ngamagomekezgeka ndi ghakuneneska; ndipo Mbuya Chiuta wa mizimu ya ŵamchimi watuma mungelo wake kuŵarongo ŵaŵanda ŵake vyenivyo vitenere kuŵapo ruŵi.

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Chivumbuzi 4:2

Ndipo sosonukweni ndinguŵiya mu Mzimu: ndipo ehe, chitengu-chaufumu chingujarikika kuchanya, ndi pa chitengu-chaufumu cho yumoza wakujapo!

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,

Chivumbuzi 1:19

Viyo lemba vyenivyo uwona vyo viripo, ndi vyo vikaŵangapo pavuli paku vyenivi,

Chivumbuzi 1:11

ghakuti, “Cho uwona lemba mu buku, ndi utume ku mipingu yinkhonde ndi yiŵi; ku Efeso, ku Smurna, ku Pergamo, ku Thiatira, ku Sardisi, ku Filadelfia, ndi ku Laodikea.”

Chivumbuzi 5:1

Ndipo ndinguwona mujanja lamarghe laku Mweniyo wajanga pa chitengu-chaufumu chobuku lakulembeka mukati ndi ku msana, lakuzighirika ndi vizighiri vinkhonde ndi viŵi.

ŴaHebere 12:27

Ndipo mazu yagha, “Kamoza so,” ghasimikizga katuzgikidu ka vyakusukunika, ulaka nkhaku vyo vyakwatika, alinga kuti vikajaririyanga vyambura masukunika vyo.

Chivumbuzi 22:19

ndipo asani munthu watuzgengeko ku mazu gha buku la umchimi wenuwu, Chiuta watuzgengeko chigaŵa chake chaku muti wo wa umoyo, ndi chamu msumba wo wakupaturika, vinthu vyo vyalembeka mu buku lenili.

Luka 5:38

Kweni vinyo mufya watenere kupungulikiya mu vikopa vifya.