Chivumbuzi 21:21 - Tonga Bible 1986

²¹ Ndipo malikomo gho chumi ndi ghaŵi ghenga ngale chumi ndi ziŵi; kosekose khomu lose lenga la mtundu umoza wa ngale; ndi mseu wa msumba wenga wa golide lakutowa, lakulangaliya ulaka ndi galase.

Chivumbuzi 21:21 Referans Kwoze

Chivumbuzi 21:18

Ndipo uzengi wa linga wenga wa mwa wa jaspere; ndipo msumba wenga wagolide lakutowa, lakulangaliya nge ndi galase lakutowa.

Chivumbuzi 17:4

Ndipo munthukazi iyo wanguvwara ropa ndi mlangari, wangumatika ndi golide ndi myayakuzirwa ndi zingale; ndipo wenga ndi chandi cha golide mu janja lake, cho chinguzazika ndi maunyakazi, ndi maukazuzi gha ureŵi wake;

Chivumbuzi 22:2

ndi mukati mu mseu wa msumba. Ndipo sirgha lino ndi sirgha liya la msinji penga muti wa umoyo, wo upasa vipasi vya mitundu chumi ndiyiŵi, ndi upasapasa mwezi ndi mwezi: mane ghake nagho ngakuchizgiya mitundu.

Chivumbuzi 18:16

“Owe! Owe! msumba wo ukuru, wo unguvwara bafuta ndi ropa ndimlangari; unguzgangika ndi golide ndi mya yakuzirwa ndi ngale!

1 ŴaKaronga 6:20

Malo ghatuŵa ghamukati ukongwa ghenga mikono machumi ghaŵi (20) mu utali, machumi ghaŵi (20) mu usani, ndi machumi ghaŵi (20) mu wima; ndipo wangughakuruŵa ndi golide mwenecho. Wanguchita so guŵa la sembe la mlenji.

Chivumbuzi 4:6

ndipo paurongo pa chitengu-chaufumu cho penga ulaka ndi nyanja yakulangaliya, yakukozgana ndi sangalawi. Ndipo kuzunguriya chitengo chaufumu cho kuchiri kunu ndi kuchiri kuwa kwenga vyamoyo vinayi vyakuzara maso kunthazi ndi kuvuli.

Chivumbuzi 21:15

Ndipo mweniyo wakambanga nane wenga nawo mwesu date lagolide, kuti wese msumba, ndi malikomo ghake, ndi linga lake.