Chivumbuzi 20:9 - Tonga Bible 1986

⁹ Ndipo wangukwera mu usani wa charu, wanguzingirizga ugoŵi wa ŵakupaturika wo, ndi msumba wakwanjiwa wo: kweni moto ungusikakutuwa kuchanya, ndipo unguŵargha.

Chivumbuzi 20:9 Referans Kwoze

Ezekiele 38:16

ukazanga kurwana ndi ŵanthu ŵangu ŵaYisraele, ngendi mtambo ubenekere charu. Mu mazuŵa gha umari ndikutonge kuti umikane ndi ŵanthu ŵangu, mwakuti mitundu yindiziŵe, alinga kuti pakuporote mwaku iwe Gogi, ndivumbuwe utuŵa wangu paurongo pawo.

Ezekiele 39:6

Ndikatumanga moto paku Magogi ndi paku wo ŵaja kwakufwasa mu malikumba gha nyanja, ndipo ŵakaziŵanga kuti ine ndine Ambuya.

Ezekiele 38:22

Chideru ndi kudiska ndopa vikaserenga pamoza nayo ku cheruzgu, ndikang'iskanga paku iyo ndi pa maliŵanja ghake ndi pa ŵanthu wose wo ŵenayo pamoza vuwa ya maji ghanandi, matalala, fukunyira ndi moto.

Ezekiele 38:9

Ukayendanga panthazi, ukazanga nge nchimphunga, ukaŵanga nge ndi bingu lakubenekere charu, iwe ndi maliŵanja ghako ghose, ndi ŵanthu ŵanandi pamoza nawe.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

Sumu 106:18

moto ungusikiya pa mpingu wawo ndipo ungocha ŵanthu ŵaheni ŵa.

Sumu 97:3

Moto undajiya paurongo pawo, kocha ŵakupindikana ŵawo kwakuzunguliya.

Chivumbuzi 13:13

Ndipo chitata visimisimi vikuru, viyo kuti chituzga chingana ndi moto kuchanya, kuwusiskiya pa charu pa maso gha ŵanthu.

Chivumbuzi 11:5

Ndipo asani yumoza wakhumba kuŵapweteka, moto utuwa mu mlomo wawo, ndi kocha ŵamawongu ŵawo: ndipo asani yumoza waŵapweteka, wa viyo watenere wabayike.

Luka 17:29

kweni mu zuŵa lenilo Lote wangutuwiya mu Sodomu, moto ndi maka vingusolomoka kutuwa kuchanya, ndi vingwananga wose,

Luka 9:54

Kweni ŵanguti ŵawona chenichi ŵasambizi ŵake Yakobe ndi Yohane, wanguti, “Ambuya, mukhumba kwari kuti tidane moto kusikako kuchanya ndi kuŵananga?”

Yesaya 37:36

Ndipo mungelo wa Ambuya wanguruta, wangubaya vikwi machumi pe chumi ndi machumi ghankhonde ndi ghatatu (185,000) mu ugoŵi wa ŵaAsiriya; ndipo penipo ŵanthu ŵanguyuka ndi mlenjilenji, ehe, yaŵa wose ŵenga viŵanda.

Maŵerengedu 16:35

Ndipo moto wakutuwa ku Ambuya, unguŵamara ŵanthu machumi pe chumi ghaŵi pachanya machumi ghankhonde (250) wo ŵangupereka vyakusunkhizga.

Maŵerengedu 11:1

Ndipo Ambuya anguvwa po ŵanthu ŵadinginikanga gha soka lawo; ndipo pakuvwa, ukari wawo ungukole, moto wa Ambuya ungunyeka mu ugoŵi wawo, kupirizga wo ŵenga mu mphepete mwa ugoŵi.

ŴaHebere 13:13

Viyo nafwe tituliye kubwaro ku ugoŵi ŵakupinga tozu lake.

Habakuku 1:6

Chifukwa wonani; ndiyuska ŵaKaldiya, mtundu ukari ndi upusu, wo wendenge mu usani wa charu, kwachironda malo ghakujamo gho kuti ngawo cha;

Mika 2:13

Yo wajura dangazi waruta panthazi pawo; wakatoronga ndi kuporota pa likomo, kutuliya kubwalo paku lo. Karonga wawo ndiyo wamudanjiya panthazi pawo, Ambuya akuŵalongozga.

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

2 ŴaKaronga 6:15

Penipo mteŵeti wa munthu waku Chiuta wanguyuka ndi mlenjilenji kutuliya kubwaro, awonani, liŵanja la ŵankhondo ndi ŵakavalo ndi magareta linguzinga msumba wo. Ndipo mteŵeti yo wanguti, “Karonga ine, mbuyangu! Tikachitanganji?”

Chiyambo 19:24

Ndipo Ambuya angung'iska pa Sodomu ndi Gomora mya ya moto, ndi moto kuturiya ku Ambuya kusotopoka kuchanya;

Luka 21:20

“Kweni penipo mukawonanga Yerusalemu wazungurizgika ndi maugoŵi, ziŵani penipo kuti laŵandika phasulu lake.

Luka 19:43

Pakuti ghafikiyenge pako mazuŵa penipo ŵamawongo ŵako ŵakunjirinjiskiyenge nthembwe, ndi ŵakuzingirizgenge, ndi ŵakuvimbizgenge kosekose,

Marangu 23:14

Chifukwa Ambuya Chiuta winu watenda mukati mu ugoŵi winu kumutaskani ndi kupereka ŵakupindikana ŵinu paurongo pinu, chifukwa cho ugoŵi winu utenere kuŵa wakupaturika, kuti wareke kuwona ke kose kawuyu mukati mwinu, vinu wangatuwako kwinu.

Sumu 87:2

watanja msumba wa Yerusalemu kwakuruska malo ghose ghanyake mu Yisraele.

Jobu 38:18

Kumbi wauziŵa usani wa charu? Kamba, asani uziŵa chose ichi.