Chivumbuzi 20:8 - Tonga Bible 1986

⁸ ndipo watuliyenge kuyirandizga mitundu yo yamu nyondo zose zinayi za charu, Gogi ndi Magogi, kuyiunganiskiya ku nkhondo; unandi waku wo we uli ndi mchenga wapa nyanja.

Chivumbuzi 20:8 Referans Kwoze

Chivumbuzi 16:14

Pakuti mbazimu ŵa ŵademone ŵakuchita minthondwi; wo ŵatenda mu ŵakaronga ŵa charu chose panupasi, kuŵaungang'iya ku nkhondo yo ya zuŵa likuru laku Chiuta Wanthazizose.

Ezekiele 38:1

Mazu gha Ambuya ghanguza kwaku ine:

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Chivumbuzi 20:3

wangumpong'a mu chizenje cho, ndi wanguchijara ndi kuchizighiriya pachanya pake, mwakuti wareke kurandizga so mitundu, mpaka vyamara virimika chikwi: pavuli pake watenere kuti wafwatulike nyengo yimanavi.

ŴaHebere 11:12

ndiviyo ŵangupapikako ku yumoza, ndi iyo nge ngwakufwa, mu unandi nge ndi nyenyezi za kuchanya, ndi uli ndi mchenga wo wapa likumba la nyanja, wambura maŵerengeka.

Yeremiya 33:22

Nge ndimo liŵanja la kuchanya kuti lingaŵerengeka cha, ndi muchenga wapa likumba kuti ungapimika cha, viyo ndimu ndikandaniskiyanga mphapu yaku Davidi mteŵeti wangu, ndi ŵazukuru ŵaLevi ŵeniwo ŵatinditataliya.”

Yesaya 10:22

Pakuti chingana ŵanthu ŵako ŵaYisraele ŵangaŵa ŵanandi nge ndi mchenge wapa nyanja, ŵakujapo pe ŵaku wo ndiwo ŵakawenga. Phasulu larangulika, lifuza ndi urunji.

1 Samuele 13:5

ŴaFilisti ŵanguwungana kuti ŵarwi nkhondo ndi ŵaYisraele magareta, vikwi machumi ghatatu (30,000) ŵanthu vikwi vinkhonde ndi chimoza (6,000) ŵakukwera pa ŵakavalo, ndipo ŵanthu ŵanguŵa nge ndi mchenga wapa likumba la nyanja mu unandi; ŵangukwera ndi kugoŵa mu Mikimasa ku vuma Bete-avene.

Ŵeruzgi 7:12

Ndipo ŵaMidiyani ndi Amaleke ndi ŵanthu wose ŵaku Vuma ŵangula kundondoloska dambo uli ndi zombe mu unandi; ndipo ŵagamila ŵawo ŵenga ŵambura maŵerengeka nge ndi mchenga wapa likumba la nyanja mu unandi.

1 ŴaKaronga 4:20

Yuda ndi Yisraele unandi wawo wenga nge ndi mchenga wakulikumba la nyanja, ŵarghanga ndi kumwa ndipo ŵenga ŵakukondwa.

Ezekiele 7:2

“Iwe, mwana wa munthu, Ambuya Chiuta atiti ku charu cha Yisraele: Umari! Umari wafika pa visongo vinayi vya charu.

Ezekiele 38:2

“Mwana wa munthu razga chisku chako kwaku Gogi, wa charu chaku Magogi, fumu ya pachanya yaku Mesheke ndi Tubala, uchime kumikana nayo,

Ezekiele 39:1

“Iwe, mwana wa munthu, chima kumikana ndi Gogi, kamba kuti, Viyo atiti Ambuya Chiuta: Awona, ndimikana ndi iwe Gogi, fumu ya pachanya yaku Mesheke ndi Tubala;

Ezekiele 39:6

Ndikatumanga moto paku Magogi ndi paku wo ŵaja kwakufwasa mu malikumba gha nyanja, ndipo ŵakaziŵanga kuti ine ndine Ambuya.

Chivumbuzi 7:1

Pavuli paku chenichi ndinguwona ŵangelo ŵanayi ŵakuma pa nyondo zinayi za panupasi, wo ŵanguko mphepu zinayi za panupasi, mwakuti mphepu yireke kuputa pa charu, chingana mpha nyanja, chingana mpha chimuti chose.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

2 Mikoka 18:21

Mzimu unguti, ‘Ndirutenge ndiŵenge nge ndi mzimu utesi mu mlomo wa ŵamchimi wake wose.’ Ndipo Ambuya anguti, ‘Kampusike, wamkumupusika nadi, rutanga ukachite viyo.’