Chivumbuzi 20:4 - Tonga Bible 1986

⁴ Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 20:4 Referans Kwoze

Danyele 7:27

Ufumu ndi mtufu ndi ukuru wa maufumu mu charu chose chapasi vipaskikenge kuŵanthu ŵatuŵa ŵaku Wapachanya Limu; ufumu wawo ukaŵanga ufumu wambura kumara ndi mtufu yose yikaŵateŵetiyanga ndi kuŵavwiya.’

Danyele 7:18

Kweni ŵatuŵa ŵa Wapachanya Limu ndiwo ŵakatonga ufumu ndi kuja nawo muyaya.’

Mateyu 19:28

Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Chivumbuzi 6:9

Ndipo penipo wangubanuwa chizighiri chachinkhonde ndinguŵawona kusi ku jochero ŵazimu ŵaku wo ŵangubayikiya pa chifwa cha mazu chaku Chiuta, ndi pa chifwa cha chisimisimi cho ŵenga nacho;

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

2 Timote 2:12

asani tikunthiyapo, tiusiyenge pamoza nayo: asani timkanenge, iyo nayo wamkana ifwe:

Danyele 7:22

Mpaka Khongwe la Mazuŵa ghakali linguza, ndipo cheruzgu chingurunjikiya ŵatuŵa ŵa Wamuchanya Ukongwa, ndipo nyengu yingufikapo penipo ŵatuŵa ŵanguronde ufumu.

Chivumbuzi 20:6

Ngwamwaŵi ndi ngwakupaturika yo we ndi chigaŵa mu chiyuka chachimoza cho: paku ŵeniwo nyifwa yachiŵi kuti yikaŵanga ndi mtufu cha; kweni ŵakaŵanga ŵazukuru ŵaku Chiuta ndi ŵaku Kristu, ndipo ŵakausanga pamoza nayo virimika chikwi.

Danyele 7:9

Ndeche kulereska, vitengo vinguŵikikapo ndipo mura yumoza wa mazuŵa gha mwaka wangu ja pa mpando wake; vivwalo vyake vyenga vituŵa nge ndi nyankhuŵinda ndi sisi laku mutu wake nge ndi weya utuŵa; chitengo chake chenga nge ndi mlipu wa moto, nkhata zake zenga moto wakukole.

Luka 22:30

alinga kuti murghenge ndi mumwenge pa gome langu mu ufumu wangu; ndipo mujenge pa vitengu, ŵakweruzga mafuku chumi ndi ghaŵi ghaku Yisraele.

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

Chivumbuzi 12:11

Kweni iwo ŵamupundiya mu ndopa za Mwana-mberere yo, ndi mu mazu gha ukaboni wawo; pakuti ŵengavi kughanja maumoyo ghawo mpaka ku nyifwa.

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

Chivumbuzi 15:2

Ndinguchiwona chakukozgana ndi nyanja yakulangaliya, yakusazgikana ndimoto; ndi ŵeniwo ŵangupunda chikoku chiya, ndi chikozgu chake, ndi muŵerengu wa zina lake, ŵanguma iwo pa nyanja yakulangaliya, ndipo ŵenga ndi ŵakaligu ŵaku Chiuta mumanja ghawo.

Chivumbuzi 14:11

Ndipo usi wa urwirwi wawo ukwera muyaya ndi muyaya; ndipo kuti ŵe ndi chipumulu cha msana ndi usiku, yaŵa mbeniwo ŵalambiya chikoku cho ndi chikozgu chake, ndi yo yose waronde lisimbu la zina lake.”

Chivumbuzi 11:7

Ndipo ŵatakuti ŵafiska chisimisimi chawo, chikoku cho chakukwera mu chizenje cho chikachitanga nawo nkhondo, ndi kuŵagoda, ndi kuŵabaya.

Yohane 14:19

Kachalipo kanyengo kamanavi, ndipo charu cho kuti chindiwonenge so cha; kweni imwe mundiwonenge; chifukwa ine ndi wamoyo namwe so muŵenge ŵamoyo.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Chivumbuzi 17:8

Chikoku cho unguwona, chinguŵapo, ndipo sono kuti chiripo cha; ndipo chepafupi kuzuwuka ku chizenji cho chakuti nyo, ndi kuya ku wanangiku. Ndipo ŵakuja pa charu, ghakuŵeniwo mazina ghalive kulembekamo mu buku la umoyo kwanda ku kujarikika kwa charu, ŵakaziŵanga ŵachilereska chikoku cho kuti chinguŵapo ndi kuti chiripo cha, ndi kuti chikaŵangapo.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Chivumbuzi 11:11

Ndipo pavuli pa mazuŵa gho ghatatu ndi nusu mvuchi wa umoyo kutuwa kwaku Chiuta unguseremo mwawo, ndipo ŵanguma ndi marundi ghawo; ndipo chopu chikuru chinguŵawiya wo ŵanguŵalereska.

Chivumbuzi 11:3

Ndipo ndipaskenge mtufu ku ŵakaboni ŵangu ŵaŵi, ndipo ŵakachimanga mazuŵa chikwi ndi machumi pe chumi ghaŵi ndi machumi ghankhonde ndi limoza (1,260), ŵakuvwara vigudulu.”

ŴaRoma 11:15

Chifukwa asani kutayika kwawo kwaŵiya kwanjaniska kwa charu kwaku Chiuta, kurondeka kwaku wo kuŵiyenge chine? Kweni umoyo kutuliya ku ŵakufwa.

Luka 1:17

Ndipo iyo wadanjiriyenge pa maso pake mu mzimu ndi nthazi yaku Eliya, kwaching'anamuliya mitima ya ŵatate ku ŵana, ndi ŵamtafu ku vinjeru vya ŵarunji, kwachirongosole Ambuya khamu lakurongosoleka.”

Malaki 4:5

“Awonani, nkhamutumiyaninga Eliya mchimi, lenga lindazi zuŵa likuru ndi lakofya la Ambuya,

Marko 9:11

Ndipo ŵamfumbanga, ŵakuti, “Chifukwa chine ŵalembi ŵatiti Eliya watenere kuza danga?”

Marko 6:27

Ndipo sosonukweni karonga yo wangutumizga wankhondomlinda, ndi wangumlanguliya kuto mutu wake: ndipo wanguruta, ndi wangumdumuwa mutu mu ulinda mo,

Marko 6:16

kweni wachivwa Herode, wanguti, “Mwenuyu ndi Yohane yo ndingumdumuwa mutu; wayuka ku ŵakufwa.”

Mateyu 24:10

Ndipo penipo ŵaguŵiskikenge ŵanandi, ŵapachiyanenge, ndipo ŵatinkhanenge.

Luka 14:14

Ndipo uŵenge wakutumbikika; pakuti ŵalive chakuwerezgiyapo kwako: chifukwa kuwerezgekiyenge kwaku iwe mu chiyuka cha ŵarunji.”

Chivumbuzi 1:2

mweniyo wangusimikizga mazu ghaku Chiuta, ndi chisimisimi chaku Yesu Kristu, mwaku vyose vyo wanguwona.

Chivumbuzi 2:26

Ndipo yo wapunda, ndi yo wasunga nchitu zangu mpaka ku umari, kwaku iyo nkhapaskanga mtufu pa mitundu yo,

Chivumbuzi 4:4

Ndipo kwakuzunguliya chitengu-chaufumu cho kwenga vitengu-vyaufumu machumi ghaŵi pachanya vinayi, ndipo pa vitengu vyo ŵangujapo ŵara machumi ghaŵi pachanya ŵanayi, ŵakuvwara, minjirira yituŵa; ndi pa mitu yawo ndumbu zagolide.

Chivumbuzi 7:3

wakuti, “Mungapwetekanga cha charu, chingana ndi nyanja, chingana ndi vimiti, mpaka po taŵazighiriya ŵaŵanda ŵaku Chiuta widu pa mphumi zawo.”