Chivumbuzi 20:11 - Tonga Bible 1986

¹¹ Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Chivumbuzi 20:11 Referans Kwoze

Chivumbuzi 21:1

Ndipo ndinguwona kuchanya kufya ndi charu chifya: chifukwa kuchanya kwakudanga ndi charu chakudanga vyarutapo, ndipo kwengavi so nyanja.

2 Petro 3:7

kweni machanya gho ghasono, ndi mtunda nawo, ndi mazu ghenigho pe vyaŵikikiya ku moto, vyalindizgikiya ku zuŵa la cheruzgu ndi la chanangiku cha ŵanthu ŵambura uwopa Chiuta.

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Danyele 2:35

Viyo chisulo, dongo mkuŵa, siliva, ndi golide vinguvikitika tumana-tumana vyose pamoza, ndi vinguŵa nge ndi mwere wa chihanya wakupepeteke pasi, ndi mphepo yinguviputiskiya kutali, mwakuti vingawoneka so cha. Kweni mwa uwa ungutekenya chikozgu cho, ungusanduka phiri likuru ndi linguzaza charu chose chapasi.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Mateyu 24:35

Kuchanya ndi pasi virutenge, kweni mazu ghangu kuti gharutenge cha.

Chivumbuzi 16:20

Ndipo chirwa chose chinguthaŵa, mapiri ghengavi kusanirika.

Chivumbuzi 6:14

Ndipo kuchanya kungukungunuka ulaka ndi buku lo lazingika pamoza; ndipo phiri le lose ndi chirwa che chose vingunderezgeka mu malo ghawo,

Chivumbuzi 20:2

Ndipo wanguko nchalinda yo, njoka yo yamwaka, yo ndi Diabolo ndi Satana; ndipo wangumumanga virimika chikwi,

Chivumbuzi 12:8

Kweni wangupundika; ndipo kuti ghangusanirika so cha malo ghawo kuchanya.

Sumu 97:2

Mabingu ndi munkhorwi viŵazingiliya: ufumu wawo ukugarikika pa urunji ndi cheruzgu.

Sumu 89:14

Ufumu winu ukujarikika pa urunji ndi cheruzgu; chanju ndi ukongorekwa vye mu chitu zinu zose.

Sumu 47:8

Chiuta wausa pachanya pa mitundu; Chiuta waja pa chitengo chake chakupaturika.

Chivumbuzi 4:2

Ndipo sosonukweni ndinguŵiya mu Mzimu: ndipo ehe, chitengu-chaufumu chingujarikika kuchanya, ndi pa chitengu-chaufumu cho yumoza wakujapo!

Jobu 9:6

mweniyo wasukuniska charu kuchituzga pa malo ghake, ndipo mizati yake yiyaghayika;

Chivumbuzi 19:11

Ndipo ndinguwona kuchanya kwakujurika; ndipo, onani, kavalo wakuti tu, ndi mweniyo wangugara pake wanguzumbulika, Wamagomekezgeka ndi Mneneska; pakuti mu urunji wateruzga ndi waturwa.

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Sumu 102:26

Vyose vikamaranga, kweni imwe mukajaririyanga; vyose vikachujukanga nge vyakuvwara. Imwe mukavisinthanga nge ndi maraya, ndipo vikamaranga.

Yesaya 6:1

Mu chirimika cho karonga Uziya wangufwiya ndinguwona Ambuya akuja ndeku pa chitengo cha ukaronga, pachanya ndi akukwezgeka, ndipo vivwalo vyawo vinguzaza kasopi.

Danyele 7:10

Msinji wa moto wendanga ndi ungutuwa paurongo pake; vikwi vikwi vingumteŵete ndi vikwi chumi vyakupendeka vikwi chumi vinguma paurongo pake; mphara yinguungana kweruzga; ndipo mabuku ghangujurika.

Mateyu 11:22

Kweni ndikuneniyani, mu zuŵa la cheruzgu kuŵiyenge Turo ndi Sidoni kwamakunthirikako kwakuruska kwaku imwe.

Chivumbuzi 21:5

Mweniyo wajanga pa chitengu-chaufumu cho wanguti, “Awonani; ndizghora vinthu vyose viŵe vifya.” Ndipo wanguti, “Lembapo: pakuti mazu yagha ngamagomekezgeka ndi ghakuneneska.”