Chivumbuzi 20:10 - Tonga Bible 1986

¹⁰ Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Chivumbuzi 20:10 Referans Kwoze

Mateyu 25:41

Pavuli waneniyenge ŵaku maze, ‘Tuwaniko kwangu, mwaŵakutembeke, ku motu wamuyaya, wakurongosoleke diabolo yo ndi ŵangelo ŵake;

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

Chivumbuzi 20:8

ndipo watuliyenge kuyirandizga mitundu yo yamu nyondo zose zinayi za charu, Gogi ndi Magogi, kuyiunganiskiya ku nkhondo; unandi waku wo we uli ndi mchenga wapa nyanja.

Chivumbuzi 16:13

Ndipo ndinguwona ŵazimu ŵatatu ŵawiyu uli mbachuwa, kutuwa mu mlomo wa nchalinda, ndi mu mlomo wa chikoku, ndi mu mlomo wa mchimi-mtesi.

Danyele 7:11

“Viyo ndinguzizimuka chifukwa cha kayowozi ka mazu ghakuru ghenigho sengwe lakambanga. Ndipo ndinguwona kuti chinyama chibayika ndi liŵavu lake lingunangika ndi kuperekeka ku kocheka ndi moto.

Mateyu 7:15

“Cheŵani ndi ŵamchimi ŵatesi, ŵeniwo ŵatuza kwaku imwe mu kavwaridu kamberere, kweni mukati ndi mphumphi zakufyonkhonyo.

Chivumbuzi 9:17

Viyo ndimo ndinguwone mu chiwona changu cha ŵakavalo ndi wo ŵangugara paku wo, wo ŵenga ndi vyapachifuŵa viyera nge ndimoto, vyabulu nge ndi mwa wasangarawe, ndipo mitu ya ŵakavalo yenga nge ndi mitu ya zinkharamu; ndipo mu milimo yawo mungutuwa moto ndi usi ndi fukunyira.

Marko 9:44

Kweni fusi yawo kuti yitufwa cha, ndi moto kuti uzimwa cha.]