Chivumbuzi 2:26 - Tonga Bible 1986

²⁶ Ndipo yo wapunda, ndi yo wasunga nchitu zangu mpaka ku umari, kwaku iyo nkhapaskanga mtufu pa mitundu yo,

Chivumbuzi 2:26 Referans Kwoze

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

Danyele 7:27

Ufumu ndi mtufu ndi ukuru wa maufumu mu charu chose chapasi vipaskikenge kuŵanthu ŵatuŵa ŵaku Wapachanya Limu; ufumu wawo ukaŵanga ufumu wambura kumara ndi mtufu yose yikaŵateŵetiyanga ndi kuŵavwiya.’

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Sumu 2:8

Ufumbe kwangu, ndipo ndichitenge mitundu kuŵa chihara chako, ndi nge nchakusakata chako vigoti vya charu chapasi.

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

1 Yohane 5:5

Kweni njani yo ngwakupunda charu? Ndi mweniyo ngwakuvwana kuti Yesu ndi Mwana waku Chiuta.

Yohane 6:29

Wangwamuka Yesu wanguŵanene, “Mlimu waku Chiuta ngwenuwu, wakuti muvwaniya mwaku mweniyo iyo wamtuma.”

Mateyu 24:13

Kweni wakukunthiyapo mpaka umari, mweniyo wataskikenge.

Danyele 7:22

Mpaka Khongwe la Mazuŵa ghakali linguza, ndipo cheruzgu chingurunjikiya ŵatuŵa ŵa Wamuchanya Ukongwa, ndipo nyengu yingufikapo penipo ŵatuŵa ŵanguronde ufumu.

Chivumbuzi 2:11

Mweniyo we ndi gutu, wavwenge cho Mzimu ukamba ku mipingu. Yo wapunda kuti wakapwetekekanga kose cha ndi nyifwa yo yachiŵi.’

Chivumbuzi 3:12

Yo wapunda nkhamuchitanga mzati mu kasopi waku Chiuta wangu, ndipo kuti wakatuwangamo so cha; ndipo nkhalembanga pake zina laku Chiuta wangu, ndi zina lamsumba waku Chiuta wangu, Yerusalemu mufya, yo wasika kutuwa kuchanya kwaku Chiuta wangu, ndi zina langu lifya.

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

1 Yohane 3:23

Ndipo lenili ndi dangu lake, kuti tivwaniyenge mu zina la Mwana wake Yesu Kristu, ndi kuti tanjane, uli ndimo wangutilanguliya.

Yakobe 2:20

Kweni unkhumba kuziŵa ati, wamunthu we wambughuya, kuti chivwanu pade pa milimu nchaŵaka?

ŴaRoma 8:37

Awa! Mwaku vyenivi yose tiruskiya kupunda mwaku yo wangutanja.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

Danyele 7:18

Kweni ŵatuŵa ŵa Wapachanya Limu ndiwo ŵakatonga ufumu ndi kuja nawo muyaya.’

Chivumbuzi 21:7

Yo wapunda waharenge vyenivi; ndipo ndimuŵiyenge Chiuta, ndipo iyo wandiŵiyenge mwana.

ŴaHebere 3:6

kweni Kristu nge ndi mwana, pa nyumba yake; nyumba yaku mweniyo ndifwe, asani tikoreska chiganga chidu ndi chitumbwa cha chigomekezgu chidu gwa mpaka umari.

Mateyu 19:28

Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Sumu 49:14

Nge ndi mberere ŵatemeke ku muunda; nyifwa yikaŵanga mliska wawo; ŵaruta ŵasikiya ku muunda, ndipo kawonekero kawo kakamaranga, muunda ukaŵanga muzi wawo.

Chivumbuzi 3:5

Yo wapunda wakavwarikikanga viyo minjirira yakuti tu! Ndipo kuti nkhasisitanga cha zina lake mu buku la umoyo; ndipo nkhazumbuwanga zina lake paurongo pa Ada, ndi paurongo pa ŵangelo ŵawo.

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

1 ŴaTesalonika 3:5

Chifukwa chenichi ine nane, pakuziŵa kukunthiyapo so cha, ndingumutuma mwakuti ndiziŵe chivwanu chinu, vinu kokuli wakwesa yo wakwesani, ndi kuti mlimu widu waŵa wawaka.

Sumu 2:9

Uŵausenge ndindodo ya chisulo, ndi kuŵaphwanya tumana tumana nge nchiŵiya cha muwumbi.”

Mateyu 10:22

Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.