Chivumbuzi 2:24 - Tonga Bible 1986

²⁴ Kweni, ndikambiya imwe mwaŵakujapo, ŵamu Thiatira, wo wose ŵalive kukoreska chisambizgu ichi, wo ŵalive kuviziŵa vyandimba vyaku Satana, kwaku imwe ndititi, kuti nkhapong'anga paku imwe chizitu chinyake so cha.

Chivumbuzi 2:24 Referans Kwoze

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

2 ŴaKorinte 11:3

Kweni nditopa vinu uli ndimo njoka yo yingumunyenge Eva mu uchenjezi wake, vinjeru vinu vinganangika kulekana ndi uneneska ndi ukhovu wa mwaku Kristu.

2 ŴaKorinte 2:11

mwakuti tireke kupundika ndi Satana yo; chifukwa tireka kuziŵa cha fuzi yake.

Machitidu gha Ŵakutumika 15:28

Chifukwa kunguoneke umampha ku Mzimu Wakupaturika, ndi kwaku ifwe, kukunyekezgani chizitu chinyake chakuruska cha, kweni vyenivyo vyakukhumbikwa pe,

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

1 ŴaKorinte 2:10

Kweni Chiuta wavivumbuliya kwaku ifwe mu Mzimu. Pakuti Mzimu yo wapenjapenja vinthu vyose, wapenja ndi vyandimba vyaku Chiuta.

Machitidu gha Ŵakutumika 16:14

Ndipo munthukazi yumoza, zina lake Ludia, yo wasaskanga vyaropa, wa muzi waku Thiatira, wakusopa Chiuta, ndiyo wativwanga: mtima waku mweniyo Ambuya angujura, kuti waphwere vyo vyakambikanga ndi Paulo.

Yakobe 3:15

Zeru yeniyo kuti njakusikiya kutuwa kuchanya cha, kweni njapasi, yaviŵaru, ya udemone.

Chivumbuzi 1:11

ghakuti, “Cho uwona lemba mu buku, ndi utume ku mipingu yinkhonde ndi yiŵi; ku Efeso, ku Smurna, ku Pergamo, ku Thiatira, ku Sardisi, ku Filadelfia, ndi ku Laodikea.”

Chivumbuzi 2:9

“ ‘Ndiziŵa suzgu yako ndi ukavu wako (kweni ndiwe msambasi!) ndiziŵa mtonyoro wa ŵakujitamula kuti mbaYuda, po kuti mbaviyo cha, kweni mbampingu waku Satana.

Chivumbuzi 2:13

“ ‘Ndiziŵa po uja, nadi po pe chitengu-chaufumu chaku Satana, ndipo ukoreska ndi nthazi Zina langu, kuti wakana cha chivwanu changu, chingana ndi mu mazuŵa ghaku Antipase, kaboni wangu wamagomekezgeka, mweniyo wangubayika mukati mwinu, ko waja Satana.

Chivumbuzi 2:18

“Ndipo ku mungelo wa mpingu wamu Thiatira ulembe: ‘Vyenivi watiti Mwana waku Chiuta, mweniyo we ndi maso ulaka nge ndi mlipu wa moto, ndi marundi ghake ghakukozgana ndi mkuŵa wakugabuka.