Chivumbuzi 2:17 - Tonga Bible 1986

¹⁷ Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Chivumbuzi 2:17 Referans Kwoze

Yesaya 62:2

Mitundu yikawonanga uneneska winu, ŵakaronga wose unkhankhu winu; ndipo mukadanikanga ndi zina lifya lenilo Ambuya akapaskanga.

Yesaya 65:15

Mukajowolenga zina linu kuti litembeke ndi ŵakusankhika ŵangu, ndipo Ambuya Chiuta akuperekaninga ku nyifwa; kweni ŵateŵeti ŵake wakaŵadananga zina linyake.

Chivumbuzi 2:11

Mweniyo we ndi gutu, wavwenge cho Mzimu ukamba ku mipingu. Yo wapunda kuti wakapwetekekanga kose cha ndi nyifwa yo yachiŵi.’

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Chivumbuzi 14:3

Ndipo ŵambanga sumu yifya paurongo pa chitengu-chaufumu cho, ndi paurongo pa vyamoyo vyo vinayi ndi ŵara wo: kweni kuti wanguziŵa yumoza kusambira sumu yo cha, kweni vyo vikwi machumi pe chumi ndi machumi ghanayi ndi vinayi, ŵeniwo ŵakuwomboleka ku charu.

Chivumbuzi 3:22

Mweniyo we ndi gutu, wavwenge cho Mzimu ukamba ku mipingu.’ ”

Chivumbuzi 3:6

Mweniyo we ndi gutu, wavwenge cho Mzimu ukamba ku mipingu.’

ŴaKolose 3:3

Chifukwa mungufwa, ndipo umoyo winu wabisikiya pamoza ndi Kristu mwaku Chiuta.

1 ŴaKorinte 2:14

Kweni munthu wambura mzimu kuti wangaronde vyawanangwa vya Mzimu waku Chiuta cha chifukwa kwaku iyo vye kupusa; ndipo kuti waziŵa kuviteska cha, pakuti viteruzgika ndi mzimu.

Mateyu 13:11

Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha.

Yesaya 65:13

Chifukwa chenichi atiti viyo Ambuya Chiuta: “Ehe, ŵateŵeti ŵangu ŵakarghanga, kweni imwe mukaŵanga ŵanja; ehe, ŵateŵeti ŵangu ŵakamwanga, kweni imwe mukaŵanga ŵanyota; ehe, ŵateŵeti ŵangu ŵakakondwanga, kweni imwe mukalengeskekanga;

Nthanthi 3:32

pakuti munthu wakupuruska mbukazuzi ku Ambuya, kweni ŵakunyoroka ŵemu chigomekezgu chawo.

Sumu 36:8

Ŵaguta ndi vyauzari vya nyumba yinu, ndipo mutiŵamweska mu msinji wa vyakukondweska vinu.

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Yohane 4:32

Kweni iyo wanguŵanene, “Ine ndi nacho chakurgha, cho mulive imwe kuchiziŵa.”

Yesaya 56:4

Pakuti Ambuya atiti viyo: “Ku ŵamthenu wo ŵasunga masabata ghangu, wo ŵasankha vinthu vyo vikondweska ine, ndi kukoreska phanganu langu,

Nthanthi 14:10

Mtima uziŵa kuŵaŵa kwa weneko, ndipo palivi mlendo wasangana nawo likondwa lake.

Chituwa 16:33

Ndipo Mosese wanguti kwaku Aroni, “To barasuma, yumoza, ndipo uŵikemo mana ghakukwana sokora yimoze mukati, ndipo umuŵike paurongo pa Ambuya, kuti wasungikenge mu migonezi yinu yose.”

Yesaya 56:5

ŵakarondiyanga kwangu vyamampha kuruska ŵana ŵanthurumi ndi ŵana ŵanthukazi, chikumbusku ndi zina mukati mu nyumba yangu ndi mu viliŵa vyangu; ndiŵapaskenge zina la muyaya, zina lo kuti likamaranga cha nyengo yose.

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Marko 7:16

Viyo legherezgani asani mwe ndi makutu ghakuvwiya!]”