Chivumbuzi 19:8 - Tonga Bible 1986

⁸ Ndipo wanguzomerezgeka iyo kuti wavwarikike bafuta, wakuŵala ndi wakutowa”: chifukwa bafuta wakutowa yo ndi machitidu ghaurunji gha ŵakupaturika.

Chivumbuzi 19:8 Referans Kwoze

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Chivumbuzi 3:18

Chifukwa ichi ndikupangizga kugula kwangu golide lakwengeka mu moto, alinga kuti usambase: ndi minjirira yituŵa kuti ujivwarike, mwakuti soni ya unkhuli wako yireke kurongoreka: ndi munkhwara wa kupaka mumaso ghako, alinga kuti ulereske.

ŴaRoma 13:14

Kweni vwarani Ambuya Yesu Kristu ndi mungaghanaghaniya ku vyaliŵavu cha, kwachifuska maulankhasi ghake.

Marko 9:3

Ndipo minjirira yake yaŵanga yakung'anima, yakutowa ukongwa; uli ndimo mtozgi-saru panupasi kuti wangaziŵa kuyitozga viyo cha.

Mateyu 22:12

ndipo watiti kwaku iyo, ‘Bwezi, wasere uli muno wambura chivwaru cha nthengwa?’ Ndipo wanguchetama chete.

Sumu 132:9

Ŵazukuru ŵinu ŵataule kuti mutaska ŵanthu ŵinu, ŵatuŵa ŵinu ŵakabure ndi kukondwa!

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

Ezekiele 16:10

Ndingukuvwarika saru ya kujeduka ya maŵanga-maŵanga ndi viyato vya chikopa, ndingukuvwinkhiska bafuta wakutowa ndi kukuphemeska saru yakuwolofoka.

Machitidu gha Ŵakutumika 1:10

Ndipo po ŵalereskanga dodoli kuchanya, wachiruta iyo, onani, ŵanthurumi ŵaŵi, mu kavwaridu katuŵa, ŵamiyanga pafupi pawo,

Luka 24:4

Ndipo kunguŵa ŵeche kuzizikikapo, onani so, ŵanthurumi ŵaŵi ŵangumapo pamoza nawo mu chivwaru chakugadima;

ŴaRoma 3:22

urunji nawo wakuchiuta wamu chivwanu mwaku Yesu Kristu, wa kwaku wose ŵakuvwana; pakuti mpambanu palive;

Mateyu 17:2

Ndipo wangusanduka paurongo pawo, chisku chake chinguwara nge ndi dazi, minjirira yake yinguŵa yituŵa nge mbukweru.

Nthanthi 31:22

Watijichitiya vyakuvwinkha; saru zake ze ndi mtundu wamampha, ndi zakuti tuu.

Ezekiele 44:17

Wachisere mu malikomo gha mu luluwa la mukati, ŵakavwaranga maraya gha bafuta; ŵareke kuvwara vya weya, asani ŵatakataka mu amlikomo ghamu luluwa la mukati, ndi mukati imo.

Chivumbuzi 15:6

Ndipo ŵangutuwa mu kasopi yo ŵangelo ŵankhonde ndi ŵaŵi wo ŵenga ndi videru vinkhonde ndi viŵi, ŵakuvwara malikwamba gha golide.

Chivumbuzi 19:14

Ndipo maliŵanja ghakuchanya ghamrondonga pa ŵakavalo ŵatuŵa, ŵakuvwarikika bafuta mtuŵa ndi wakutowa.

Yesaya 3:23

minjirira ya usingiti, ndi minjirira yakuwolofoka, vilemba, ndi vivwinkhu.