Chivumbuzi 19:7 - Tonga Bible 1986

⁷ Tisangaruke ndi tikondwe ukongwa: tipaske iyo unkhankhu: pakuti yafika nthengwa ya Mwana-mberere yo, ndipo muwoli wake wajirongoso.

Chivumbuzi 19:7 Referans Kwoze

Chivumbuzi 21:9

Ndipo wanguza yumoza wamu ŵangelo wo ŵankhonde ndi ndi ŵaŵi, wo ŵenga ndi mbali nkhonde ndi ziŵi za kuzazika ndi videru vinkhonde ndi viŵi vyakumariya vyo; ndipo wangukamba nane, wakuti, “Yiza kuno! Ndikurongo mwali-nthengwa yo muwoli wa Mwana-mberere yo.”

Chivumbuzi 21:2

Ndipo ndinguwona msumba wakupaturika wo, Yerusalemu mufya, wakusikako kuchanya kutuliya kwaku Chiuta, wakurongosoleka nge ndi mwali wanthengwa wakuvwarikikiya mrumi wake.

2 ŴaKorinte 11:2

Chifukwa ndikunwekiyani ndi linweka lauchiuta; chifukwa ndingumtoreskiyani ku mrumi yumoza, kwachipereke imwe nge ndi mwali mkhovu kwaku Kristu.

Mateyu 22:2

“Ufumu wa kuchanya ukozgana ndi munthu karonga, mweniyo wangubikiya mwana wake zowara,

Chivumbuzi 19:9

Ndipo wangunena nane, “Lembapo: Mbamwaŵi wo mbakudanikiya ku dghera la nthengwaya Mwana-mberere.” Ndipo wanena nane, “Ghenagha ndi mazu ghakuneneska ghaku Chiuta.”

ŴaEfeso 5:32

Ungari uwu ngukuru: kweni ine ndikamba Kristu ndi eklesiya lo.

Yohane 3:29

Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

Yesaya 62:5

Pakuti mo munyamata watole mwali, viyo ŵana ŵinu ŵakatonga imwe, nge ndimo mweninthengwa wakondwe pa mwali yo wato, viyo so ndimu Chiuta wakondwere paku imwe.

ŴaEfeso 5:23

Pakuti munthurumi ndi mutu wa muwoli wake, uli ndimo Kristu nayo ndi mutu wa eklesiya, pakuŵa mweneko mtaski wa liŵavu lo.

Yesaya 66:10

“Kondwani pamoza ndi Yerusalemu, musekere chifukwa chake, imwe mose mutuŵanja; kondwani nayo pamoza mu chimwemwe, imwe mose mutimutenjere;

Luka 12:36

ndipo muŵe imwe ŵakukozgana ndi ŵanthu ŵakulereze mbuyau waku ŵija, penipo wawenge ku chakurgha cha nthengwa; alinga kuti, wati waza ndi wagong'oska, ŵangamjuriyako sosonukweni.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Yesaya 52:1

Yuka, yuka, vwara nthazi yako, Zioni we; vwara vivwalo vyako vyakunozga, Yerusalemu we, muzi wakupaturika; pakuti wambura mchinju ndi ŵakazuzi kuti ŵakazanga so mwaku imwe cha.

Sumu ya Zisumu 3:11

Tuwani, mwaŵana ŵanthukazi ŵaku Zioni, ndipo wonani karonga Solomoni, ndi chifuko cho anyina ŵakumufuka nacho pa zuŵa la nthengwa yake, pa zuŵa la kukondwa kwa mtima wake.

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

Sumu 9:14

mwakuti ndikonkhomenge marumbu ghinu ghose, ndi kuti mu malikomo gha mwana munthukazi wa Zioni, ndikondwenge mu utaski winu.

1 Samuele 2:1

Ndipo Hana wanguromba wanguti, “Mtima wangu ukondwere mu Ambuya, nthazi zangu zasoskeke mu Ambuya. Mlomo wangu useka ŵarwani ŵangu, chifukwa ndikondwere mu uwombozi winu.

Nthanthi 29:2

Penipo ŵarunji ŵemu mtufu, ŵanthu ŵakondwere; kweni asani ŵamphulupulu ŵateruzga ŵanthu ŵatamantha.

Sumu 107:42

Ŵakurunjika ŵatichiwona ichi, ndipo ŵakondwa; kweni ŵaheni wose ŵachetamiskika.

Sumu 48:11

likondwe phiri la Zioni! Ŵana ŵanthukazi ŵaku Yuda ŵangarenge chifukwa cha vyeruzgu!

Marangu 32:43

“Tumbikani ŵanthu ŵake, mwa ŵamitundu mwe; pakuti watayiya thayu ndopa za ŵateŵeti ŵake, ndipo wachita thayu pa ŵarwani ŵake, ndipo walanga chifukwa cha charu cha ŵanthu ŵake.”

Yesaya 66:14

Ukawonanga, ndipo mtima wako ukakondwanga; viwanga vyako vikakuwanga nge mbuteka; ndipo kukaziŵikwanga kuti janja la Ambuya lendi ŵateŵeti ŵawo, kukwiya kwawo kusunkhiya ŵakupindikana ŵawo.

Mateyu 1:20

Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

Chivumbuzi 11:13

Ndipo mu ora liya chinguŵapo chiyeuyeu chikuru mwakuti chigaŵa chachumi cha msumba wo chinguwa; ndipo mu chiyeuyeu cho ŵangubayika ŵanthu vikwi vinkhonde ndi viŵi. Ndipo ŵakujapo ŵangutenthemeskeka, ndipo ŵangupaska unkhankhu kwaku Chiuta wakuchanya.