Chivumbuzi 19:20 - Tonga Bible 1986

²⁰ Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 19:20 Referans Kwoze

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 14:10

viyo nayo wakamwangapo vinyo wa ufyu waku Chiuta, yo wapungulikiya wambura kusukuruka mu nkhombo ya kandundu kake; ndipo wakavwanga urwirwi mu moto ndi fukunyira pa maso pa ŵangelo ŵakupaturika, ndi pa maso gha Mwana-mberere yo.

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

Chivumbuzi 17:12

Sengwe chumi zounguwona, mbakaronga chumi, ŵeniwo ŵandaronde ufumu; kweni ŵarondenge mtufu nge mbakaronga, kwa ora limoza pamoza ndi chikoku cho.

Marangu 29:23

mu charu chose fukunyira ndi muche ndi vyakupiriya vyakunangika, chambura kumijika ndi mume kanthu cha, uteka kuti uziŵa kubuka cha; chakuthereskeka uli ndi viya vya Sodomu ndi Gomora, Adama ndi Zeboyimi, vyenivyo Ambuya anguthereska mu ukari wawo ndi chikwiya.

Chiyambo 19:24

Ndipo Ambuya angung'iska pa Sodomu ndi Gomora mya ya moto, ndi moto kuturiya ku Ambuya kusotopoka kuchanya;

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Danyele 8:24

Nthazi zake zikaŵanga zikuru, ndipo wakachitanga phasulu lakofya, wakapundanga mwaku cho wakachitanga ndi wakaparghang'anga ŵamazaza ndi ŵanthu ŵatuŵa ŵaku Chiuta.

Ezekiele 38:22

Chideru ndi kudiska ndopa vikaserenga pamoza nayo ku cheruzgu, ndikang'iskanga paku iyo ndi pa maliŵanja ghake ndi pa ŵanthu wose wo ŵenayo pamoza vuwa ya maji ghanandi, matalala, fukunyira ndi moto.

Yesaya 34:9

Tumisinji twa Edomu tukasandukanga urambwe nyata yake yikaŵanga fukunyira la moto; charu chake chikaŵanga urambwe wakukole.

Sumu 11:6

Pa ŵaheni wang'iskenge maka gha moto ndi fukunyira; mphepo yakocha yikaŵanga mphoto yawo.

Chivumbuzi 19:19

Ndipo ndinguwona chikoku cho, ndi ŵakaronga ŵa charu, ndi maŵanja ghawo ŵakuungirana kurwana ndi mweniyo wangukwera pa kavalo yo, ndi liŵanja lake.

Danyele 11:45

Wakhomenge mahema ghake ghakuru pakati pa nyanja ndi phiri lakupaturika lakutowa; ndipuuli wafikenge ku umari wake, kwambura yumoza wakumovya.

Jobu 18:15

Mu hema lake muja cho kuti nchake cha; mya ya matarara yawazgika pa chakujamo chake.

Danyele 8:26

Chiwona cha mazulo ndi cha mlenji cho chakambika nchakuneneska, kweni sunga chiwona ichi chisisi, chifukwa chifiskikenge asani ghakapo mazuŵa ghanandi.”

Mateyu 7:15

“Cheŵani ndi ŵamchimi ŵatesi, ŵeniwo ŵatuza kwaku imwe mu kavwaridu kamberere, kweni mukati ndi mphumphi zakufyonkhonyo.

Chivumbuzi 9:17

Viyo ndimo ndinguwone mu chiwona changu cha ŵakavalo ndi wo ŵangugara paku wo, wo ŵenga ndi vyapachifuŵa viyera nge ndimoto, vyabulu nge ndi mwa wasangarawe, ndipo mitu ya ŵakavalo yenga nge ndi mitu ya zinkharamu; ndipo mu milimo yawo mungutuwa moto ndi usi ndi fukunyira.

Yoswa 8:23

Karonga waku Ai ŵangumuko wamoyo, ŵanguza nayo kwaku Yoswa.

Ezekiele 24:5

Utoko chakusankhika chavyakuŵeta, uwunjike mulu wa nkhuni kusi kwake; ubike mathuŵi ghake, viwanga vyake navyo vipwapwatenge nwenimo.’