Chivumbuzi 19:12 - Tonga Bible 1986

¹² Maso ghake ghenga uli ndi mlipu wa moto, ndi pa mutu pake penga vifuku vinandi; we ndi zina lakulembeka, lenilo palive yumoza waziŵa kweni mwenecho yija.

Chivumbuzi 19:12 Referans Kwoze

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Chivumbuzi 1:14

Ndipo mutu wake ndi sisi lake vyenga mbu, ulaka ndi thonji lituŵa, vituŵa nge ndi matarara; maso ghake ghenga nge ndi mlipu wa moto;

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Mateyu 28:18

Ndipo Yesu wanguza, wangurongoro nawo, wakuti, “Wapaskika kwaku ine mtufu wose kuchanya ndi panupasi.

Chivumbuzi 3:12

Yo wapunda nkhamuchitanga mzati mu kasopi waku Chiuta wangu, ndipo kuti wakatuwangamo so cha; ndipo nkhalembanga pake zina laku Chiuta wangu, ndi zina lamsumba waku Chiuta wangu, Yerusalemu mufya, yo wasika kutuwa kuchanya kwaku Chiuta wangu, ndi zina langu lifya.

ŴaHebere 2:9

Kweni yo ngwakuchefyeka kamanavi ku ŵangelo timwona, ndiyo Yesu, wakuvwalikika unkhankhu ndi ulemu pa chifwa cha chikomwa cha nyifwa, viyo kuti mu wezi waku Chiuta wesiyepo nyifwa chifukwa cha munthu yose.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Sumu 8:5

Pakuti mwamuperezgako kamanavi kwaku Chiuta, ndipo mwamuvwarika unkhankhu ndi ulemu.

Chivumbuzi 12:3

Ndipo unguwoneka munthondwe so unyake kuchanya; onani nchalinda mukuru, muyera wakuti che, wakuŵa ndi mitu yinkhonde ndi yiŵi ndi sengwi chumi, ndi pa mitu yake vifuku vinkhonde ndi viŵi.

Zekariya 9:16

Ndipo mu zuŵa lo, Ambuya Chiuta wawo waŵataskenge chifukwa ndi mskambu wa ŵanthu ŵake; nge ndi mya yakuzirwa ya mphumphu wakang'animanga mu charu chake.

Ŵeruzgi 13:18

Mungelo wanguti kwaku iyo, “Chifukwa chine ufumba zina langu, pakuwona kuti nchakuziziswa?”

Chituwa 23:21

Mumuvwiyenge ndi kutegherezga mazu ghake, mungamugarukiyanga cha, pakuti kuti wakagowokiyanga mamphuru ghinu cha; pakuti zina langu le mwake.

Chiyambo 32:29

Sono Yakobe wangumufumba, “Undinene, nditukupempha, zina lako.” Kweni iyo wanguti, “Chifukwa chine ufumba zina langu?” Ndipo penipa wangumutumbika.

Chivumbuzi 6:2

Ndipo ndingulereska, awonani, kavalo mtuŵa, ndi wakugarapo pake wenga ndi uta; yingupaskika kwaku iyo ndumbu; ndipo wangutuliya kupunda kuti wapundenge.

Yesaya 62:3

Mukaŵanga chilemba cha ufumu chakutowa mu janja la Ambuya, ndi chisoti cha ukaronga mu janja laku Chiuta winu.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Mateyu 21:5

“Ŵaneniyeni ŵanthu ŵaku Zioni, Awonani, Karonga winu watukuziyani, mpovu, ndi wakugara pa mbunda, ndi pa kambunda, mwana wa mbunda.”

Sumu ya Zisumu 3:11

Tuwani, mwaŵana ŵanthukazi ŵaku Zioni, ndipo wonani karonga Solomoni, ndi chifuko cho anyina ŵakumufuka nacho pa zuŵa la nthengwa yake, pa zuŵa la kukondwa kwa mtima wake.

Nthanthi 30:4

Njani wangukwere kuchanya ndi kusikiya pasi? Njani wakufumbatiya mphepo mu janja lake? Njani wakuvungiya maji mu chivwaru chake? Njani wakujarika vigoti vyose vya charu chapasi? Zina lake njani ndipo zina la mwana wake njani? Kwakuneneska muziŵa!

Danyele 10:6

Liŵavu lake lingukozgana ndi mwa wakuzirwa, chisku chake nge nkhawonekedu ka limphezi, maso ghake nge ndi nyali zakukole, manja ghake ndi marundi ghake vingukozgana ndi mkuŵa wakuphotoka ndi kuvwika kwa mazu ghake kwenga nge nchiwawa cha muzinda.

Yohane 17:11

Ndipo sono kuti nde mu charu cha, kweni iwo ŵemu charu, ine ndituza kwaku imwe, Ada Wakupaturika, wasungiyeni mu zina linu wo imwe mwandipaska, alinga kuti ŵaŵe ŵamoza, nge ndifwe

Yohane 17:12

Penipo ndenge pamoza nawo, ndaŵasungiyanga ine mu zina linu wo mwandipaska; ndipo ndinguŵasungirizga, kwauravi yumoza waku wo watayika, kweni mwana wo chitayiku pe ndiyo; mwakuti lifiskike lembo lo;

ŴaEfeso 1:21

pachanya limu pa ufumu wose, ndi mtufu, ndi nthazi, ndi umbuya, ndi zina lose lakuzumbulika, mu mgonezi uno pe cha, kweni so mwaku wo ukazanga,