Chivumbuzi 19:10 - Tonga Bible 1986

¹⁰ Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Chivumbuzi 19:10 Referans Kwoze

Yohane 5:39

Mupenja mu malembo, pakuti mutiti mwaku ghenigho mwe nawo umoyo wamuyaya: ndipo ghenagha ndigho ghasimikizgiya ine;

ŴaHebere 1:14

Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

Chivumbuzi 4:10

ŵatuwa pasi ŵara wo machumi ghaŵi ndi ŵanayi paurongo paku yo waja pa chitengu chaufumu cho, ndi kumlambiya yo ngwamoyo ku muyaya ndi muyaya; ndipo ŵapong'a pasi ndumbu zawo paurongo pa chitengu-chaufumu cho, ŵatumba,

Chivumbuzi 12:17

Ndipo nchalinda wangukaripa pa munthukazi, ndipo wanguruta kurwana ndi ŵakujapo ŵa mbeu yake, ŵeniwo nawo ŵasungirizga marangu ghaku Chiuta, ndipo ŵe ndi chisimisimi chaku Yesu. Ndipo wanguma pa mchenga wapa nyanja.

Chivumbuzi 12:11

Kweni iwo ŵamupundiya mu ndopa za Mwana-mberere yo, ndi mu mazu gha ukaboni wawo; pakuti ŵengavi kughanja maumoyo ghawo mpaka ku nyifwa.

1 Yohane 5:10

Mweniyo wavwaniya mu Mwana waku Chiuta we nacho chisimisimi mwaku yija: mweniyo wareka kuvwaniya mwaku Chiuta wamchita mtesi; pakuti wareka kuvwaniya mu chisimisimi chenicho Chiuta wamsimikizgiya Mwana wake.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Chituwa 34:14

(pakuti kuti mukasopanga so chiuta munyake cha, pakuti Ambuya, Yo zina lake ndi Sanje, ndi Chiuta wa sanje),

Chivumbuzi 14:7

ndipo wangukamba ndi mazu ghakuru, “Mopeni Chiuta; ndipo paskani kwaku iyo unkhankhu, pakuti laza ora la cheruzgu chake: ndipo mlambiyeni mweniyo wangwata kuchanya ndi pasi ndi nyanja ndi visima vya maji.”

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

Machitidu gha Ŵakutumika 10:43

Kwaku mweniyo ŵamchimi wose ŵasimikizgiya, kuti yose wakuvwana mwaku iyo warondenge mu zina lake chireke cha vilakwa.”

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

Luka 24:44

Ndipo wanguti kwaku wo, “Agha ndi mazu ghangu ghenigho ndingurongoro namwe, ndenga ndeche pamoza namwe, ghakuti, nkhwakwenere vifiskike vinthu vyose vyakulembeke paku ine mu langulu laku Mosese, ndi mu ŵamchimi ndi mubuku la Sumu.”

Luka 1:19

Ndipo pakwamuka mungelo wanguti kwaku iyo, “Ine ndine Gabriele, wakuma pa maso paku Chiuta; ndipo ndingutumikiya kukukambiya, ndi kukutauliya ghakunozga yagha.

Marko 5:22

Kunguza yumoza wa ŵara ŵa sinagoge, zina lake Yairo ndipo wachimuwona wanguwa pasi pa marundi ghake;

2 ŴaKaronga 17:36

kweni mopenge Ambuya wo angumutuzgani mu charu cha Egipiti nthazi yikuru ndi ndijanja lakutambaruwa, mukalambiyanga iwo, ndipo kwaku iwo mukaperekanga sembe.

Machitidu gha Ŵakutumika 13:27

Chifukwa ŵakujamo mu Yerusalemu ndi ŵara ŵawo pakuŵavi kuziŵa Mtaski ndi mazu gha ŵamchimi, gho ghaŵerengeka sabata ndi sabata, ŵangughafiska pakumsuska iyo.

Danyele 7:10

Msinji wa moto wendanga ndi ungutuwa paurongo pake; vikwi vikwi vingumteŵete ndi vikwi chumi vyakupendeka vikwi chumi vinguma paurongo pake; mphara yinguungana kweruzga; ndipo mabuku ghangujurika.

Sumu 45:11

ndipo karonga wakhumbenge kutowa kwako. Umulambiye, pakuti iyo ndiyo mbuyako;

1 Yohane 5:21

Mwatwana twangu tuwaniko ku vyangoza.

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

ŴaEfeso 5:15

Viyo na, lereskani kaunthu po mutende, nge mbambura zeru cha, kweni nge mbazeru,

2 ŴaKorinte 8:7

Kweni ulaka ndipo mufurwiya mu chinthu chose, mu chivwanu, ndi mu mazu, ndi mu mziŵiru, ndi mu phamphu lose, ndi mu chanju chinu chakwaku ifwe, furwiyani so mu nchitu yakuzirwa iyi.

Marko 7:25

Kweni sosonukweni, wati wavwa ndi iyo, munthukazi mweniyo mwana wake msungwana wenga ndi mzimu wawiyu, wanguza ndi wanguwa pa marundi ghake.

ŴaEfeso 5:33

Kweni imwe namwe, yumoza ndi yumoza, yose wamwanjenge viyo muwoli wake waku yija nge ndi yija; ndipo muwoli wope murumi wake.

Danyele 2:46

Viyo karonga Nebukadanezara wanguwa kavunama, kulambiya Danyele, ndipo wangulangula kuti sembe ndi vya chema vipasikeke kwaku iyo.

Chivumbuzi 1:1

Uvumbuzi waku Yesu Kristu, weniwo Chiuta wangumpaska kuŵarongo ŵateŵeti ŵake vinthi vyo vitenere kuŵapo ruŵi: ndipo wanguusimikizgiya pakuwutumizgiya mu mungelo wake ku mteŵeti wake Yohane;

Chivumbuzi 19:9

Ndipo wangunena nane, “Lembapo: Mbamwaŵi wo mbakudanikiya ku dghera la nthengwaya Mwana-mberere.” Ndipo wanena nane, “Ghenagha ndi mazu ghakuneneska ghaku Chiuta.”