Chivumbuzi 18:23 - Tonga Bible 1986

²³ ndipo kungweruka kwa limbuni kuti kukaŵalanga mwako cha; mazu gha mweni-nthengwa chingana nga mwali-nthengwa kuti ghakavwikanga mwako naku cha pe; pakuti ŵamaronda ŵako ŵenga ŵanthu ŵakuvwika ŵa panupasi, ndipo ndi nyanga yako yingurandizgika mitundu yose.

Chivumbuzi 18:23 Referans Kwoze

Chivumbuzi 18:3

Pakuti mitundu yose yamwapo vinyo wa ufyu wa ureŵi wake; ndipo ŵakaronga ŵa panupasi ŵareŵana nayo, ndi ŵamaronda ŵa pasi ŵasambasa pa chifukwa cha nthazi ya chinthemwanthemwa chake.”

Yesaya 23:8

Njani yo waghanaghaniya ichi paku Turo, wakuvwarika zimphumphu, mweniyo ŵamalonda ŵake ŵenga ŵeruzgi, yo ŵakuguliska ŵake ŵenga ŵakutumbikika ŵa charu chapasi?

Nahumu 3:4

Ichi chose nchifukwa cha ureŵi wa munthukazi muyaya; wakutowa ndi wa njirizi, yo wasaska ku mitundu yose uyaya wake, ndi ku ŵanthu njirizi zake.

Yeremiya 7:34

Ndipo ndikakanizganga mu mizi yaku Yuda ndimu miseu ya Yerusalemu, mazu gha kadara ndi mazu ghakukondwa kuti ghakavwikanga cha, mazu ghamweni nthengwa ndi mazu ghamwali wanthengwa; pakuti charu chikasandukanga mapopa.

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Yeremiya 16:9

Pakuti atiti viyo Ambuya ŵa maŵanja, Chiuta waku Yisraele: Ehe, ku malo yagha, paurongo pa maso ghako mu mazuŵa ghako, ndikamarizganga mazu gha kadara ndi mazu gha kukondwa, mazu gha mweni nthengwa ndi mazu gha mwali wanthengwa.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 18:22

Ndipo mazu gha ŵakumba-kaligu, ndi gha ŵakalimba, ndi gha ŵafyoliro, ndi gha ŵamkuŵa-mbata, kuti ghakavwikanga mwako kose so cha; muwomba wa umisiri we wose kuti wakasanirikanga so cha;

Chivumbuzi 18:9

Ndipo ŵaliyenge ndi kutenje paku iyo ŵakaronga ŵa panupasi wo ŵare ŵananga ndi ŵafwenkhiyanga paku iyo, ŵachilereska usi wakufya kwake,

Chivumbuzi 17:5

ndipo pa maso pake zina lingulembeka kwaungari “Babiloni mukuru, nyinau wa ŵareŵi ndi wa maunyakazi gha panupasi.”

Chivumbuzi 17:2

mweniyo ŵareŵana nayo ŵakaronga ŵa charu, ndi ŵakuja panupasi ŵaloŵe vinyo wa ureŵi wake.”

Nthanthi 24:20

pakuti munthu muheni walivi umukucha; nyali pa wamphulupulu yikazimwikanga.

Jobu 21:17

“Kumbi nyali za ŵaheni zizimwika kalinga? Nkhalinga masoka ghawo ghatuŵawiya? Nkhalinga Chiuta watuŵagaŵiya vitima mu ukari wake?

2 ŴaKaronga 9:22

Ndipo penipo Yoramu wanguwona Yehu, wanguti, “Kumbi nchimangu, Yehu?” Iyo wangwamuka, “Pangaŵa chimangu cha mtundu uli penipo maureŵi gha anyoko a Yezebelu gheche ghanandi pamoza ndi maufwiti ghawo?”

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

Machitidu gha Ŵakutumika 8:11

Ndipo ŵangumphwere iyo, chifukwa nyengo yitali waŵatondweskanga ndi mayera ghake.

Yesaya 47:9

Ivi vinthu viŵi vikazanga kwako mu kanyengo, pa zuŵa limoza pe; nyifwa za ŵana ndi uchoko vikazanga pako mwa nthazi zikuru, nanga ŵa vyanusi ŵako ŵangaŵa ŵanandi ndi nthazi yikuru ya mayera ghako.

Yeremiya 25:10

Ndipo so, ndikatuzgangamo mazu gha kadara ndi mazu gha likondwa, mazu gha mweninthengwa, ndi mazu gha mwali wanthengwa, kupera kwa zimphe, ndi ukweru wa nyali.

Chivumbuzi 6:15

ndipo ŵakaronga ŵa panupasi ndi ŵaraŵara, ndi zinduna, ndi ŵasambasi, ndi virimbi, ndi muŵanda yose ndi mwanangwa ŵangubisama mu zimphanji ndi mu majarawe gha mapiri,

Chivumbuzi 9:21

ndipo kuti ŵangubezga cha ku maumbanda chingana nkhu vyanusi, chingana nkhu ureŵi, chingana nkhu maunkhungu ghawo.