Chivumbuzi 18:17 - Tonga Bible 1986

¹⁷ Pakuti mu ora limoza usambasi weni ukuru waviyo wapopeskeka.” Ndipo ŵeni vyombo wose, ndi ŵalowosi wose, ndi ŵamlima nyanja, ndi wo wose ŵatakatakiya pa nyanja, ŵamanga kutari,

Chivumbuzi 18:17 Referans Kwoze

Chivumbuzi 17:16

Ndipo sengwe chumi zo, zenizo unguwona, ndi chikoku cho, yaŵa ŵakatinkhanga munthukazi-mureŵi yo, ndipo ŵamsanduskenge wamapopa ndi wankhuli, ndipo ŵarghenge nyama yake, ndi ŵamochenge limu ndi moto.

Yesaya 23:14

Mutenje mwangaraŵa za Tarshishi, pakuti linga linu lachitika mapopa.

Chivumbuzi 18:19

Ndipo ŵangujifunthuliya fuvu pa mitu yawo uku ŵabongo ndi kuliya ndi kutenje, ŵakuti, “Owe! Owe! Msumba ukuru wo, mwenimo wose ŵa zingaraŵa zamu nyanja ŵangusambaskikiya chifukwa cha uromba wake! Mu ora limoza wapopeskeka.

Yona 1:6

Viyo nduna ya ngarawa yinguza kwake ndi yinguti kwaku iyo, “Ung'anamuwanji iwe pakugona? Yuka, dana kwaku Chiuta wako! Vinu Chiuta wako wangatikumbuka kuti tireke kuyowa.”

Yeremiya 51:8

Kwa mabuchibuchi Babiloni wawa, wafyoka; mutenjeliyeni! Toni munkhwala wakuchizga urwirwi wake; kokuli vinu wangachira.

Chitenje 4:6

Chifukwa kulangika kwa ŵanthu ŵangu kwaŵa kukuru kwakuruska kulangika kwa Sodomo yo wangupasulika pa kanyengo kamanavi, pengavi janja lo linguchitapo kanthu.

Yesaya 47:9

Ivi vinthu viŵi vikazanga kwako mu kanyengo, pa zuŵa limoza pe; nyifwa za ŵana ndi uchoko vikazanga pako mwa nthazi zikuru, nanga ŵa vyanusi ŵako ŵangaŵa ŵanandi ndi nthazi yikuru ya mayera ghako.

Machitidu gha Ŵakutumika 27:11

Kweni kenturione yo wanguvwiya wasigiru ndi mweneko wa ngaraŵa kwakuruska vyenivyo vingukambika ndi Paulo.

Chivumbuzi 17:12

Sengwe chumi zounguwona, mbakaronga chumi, ŵeniwo ŵandaronde ufumu; kweni ŵarondenge mtufu nge mbakaronga, kwa ora limoza pamoza ndi chikoku cho.